HEBRU 2:10 - Ngawm Bible

¹⁰ Mi tampi ten Pathian sunloihnak co theihnak tukin, ihempoh bawltu le a nungtiktu Pathian in haksat thuaknak sung pen Jesuh cu mi cangkimin, a bawl cu a manmi hi. Itahim titale Jesuh amah cu nunpatnakah amuhte lamhuaitu hi.

HEBRU 2:10 Iomraidhean Croise

PIANPATNAK 18:25

Mipha ngawlte tuah munkhatin mipha that leleng tuk cim? Cangthei tukma, bawl thei tukma ci. Mahtin na bawl tale, a khialmi bangin a dikmi vang bawlsiatnak thuak bok haw tuk maw? Mahmi cu a cangthei ngawlmi hi. Leihum hempoh thukhentu in, dikcang zetin thulai sat tuk poh ma cim?” tin Abraham in ti hi.

THUPAUCAP 16:4

Topa in, na hempoh hi tawpnak nei in bawl hi. Mah bangin mipha ngawl tei tawpnak cu siatnak hi.

ISAIAH 43:21

Keima ca in ka bawlmi ka miphun haw hi; Keimah thangphatnak la in sa haw tuk,” ti hi.

ISAIAH 55:4

David cu hotu le miphun tampi puitu in bawl ing a, amah mangin ka ngilnak langtik zo ing.

HOSEA 8:10

Mahnaven atu-in munkhatah hulawm tung a, dantat tung hi. Assiria kumpipa nuainepnak hangin a ngei ngawlin, nasezet thuak haw tuk hi.

MIKAH 2:13

Pathian in lampi sialleh tukin salah a tannak mun haw pen puitulleh tuk hi. Khuapi kongkhahte cu kalhletin tul haw tuk hi. A kumpi haw Topa amah loli in tulpih tuk hi.

LUKA 13:32

Jesuh in, “Hawhta unna, mahmi cingne pa i lakah, ‘Tuni le zingten khawhuai hawlvawk tung a, tina damtik tung. A ni thumnak ten ka nadeh ceng tung,’ tin ti hi,” tin hilhta un hi.

LUKA 2:14

“A sangbel vanah Pathian cu thangphatin um tahen, A ihmi mihing tei umnak hi lei humah lemdaihnak um tahen,” tin sa haw hi.

LUKA 24:26

Khrih in sunloihnakah a hen theihnak tukin hi hempoh a kul ngangai mi hi ma maw ihim?”

LUKA 24:46

Amuh tei lakah, “A ngat haw mi cu hi bangin hi: Khrih cu thuak tuk a, a thih nung ni thumnak ten tholeh tuk hi.

JOHAN 11:52

Judah mitei ca bek hei hi ngawlin Pathian canau a khenkhek hempoh ten munkhatah khoptuahnak tukin, a thihnak hi tuk hi tih thu a hilhhamnak hi.

JOHAN 19:30

Jesuh in mah tuithuk cu cawpin, “Ceng khawng zo hi!” ti hi. Mahten a lu kunin catsukta hi.

NUNGZUITU 3:15

Noh ten nunnakah mi a puitu pa khi that uh ci, mahnaven Pathian in thihnak pen tholehtikin, keimuh hi mah a theihpihtu ung hi.

NUNGZUITU 5:31

Pathian in tholehtikin, Israel miten sualsihnak hun nei in, a sualnak haw ngaihdam a hihnak tukin Pathian in lampuitu le nunpantu tukin a taklamah khungtik zo hi.

ROM Khua Khristian Tei Lakah Paul i Laikuat (Paul’s Letter to the Romans) 11:36

Itahim titale ihempoh hi ama bawlmi ngeh hi. Ihempoh hi mah hangin um haw in, ama ca hi haw hi. Pathian nelah kumkhua in sunloihnak um tahen! Amen.

ROM Khua Khristian Tei Lakah Paul i Laikuat (Paul’s Letter to the Romans) 9:23

a cangkimmi sunlawinak hei cu langtik nuamin, a cotu tukin teksa a hih uh hangin a hehpihnak a cotu ohtei humah a sunlawinak cu leihsuk hi.

1 KORIN 2:7

Kei i phuanmi cihnak cu Pathian i thu-ip cihnak, mihing kuamah i theih ngawlmi leipi a pian laih ngawlin Pathian in eimu sunloihnak tukin a tumtahmi cihnak hi.

1 KORIN 8:6

ohtei ca in Pathian pa khat a Pa uh, ihempoh Bawltu umin Amata tukin a nungtute hung hi; mahten Topa pa khat, Jesuh Khrih bek um hi. Ama sung pen ihempoh piang hi. Ama sungah a nungtute hung hi.

2 KORIN 3:18

Ohte hei cu a venghawng uhin a mai uh puan tuah tuammi a hihleh uh ngawl toh hangin Topa i sunloihnak cu thalang bangin a langtiktu hung hi. Mah sunloihnak cu Hawvang a himi Topa i lak pen a hun hangin a nunnak uh sunglawi sesemin le amah bang dedeuhin thek tawto hi.

2 KORIN 4:17

Mahten haksatnak hun comno sung ka tawh uhten a let tampi in kumkhua sunloihnak pia tuk hi.

2 KORIN 5:18

Hi hempoh hi Pathian i bawlmi ngeh hi; A ngal ahi awngmi ohte cu Khrih hangin Pathian in lemdunnak bawlin midang vang a lemdun bok tukin a zawmtu tukin dehvo pia hi.

2 KORIN 6:18

Kei cu nangmuh tei Pa hi tung a, nohte cu ka capa le ka canute hi tuk uh ci,” tin, Ihempoh tithei Topa in ti hi, tin ti hi.

GALATI 3:26

Upnak hangin na venghawng uhin Pathian i cate hi uh ci a, Khrih Jesuh tuah pehdun zo uh ci.

EFESA 2:7

Hitih bangin a bawlnak cu thudang hi ngawlin, Khrih Jesuh pen oh ten a itnak ngeng dan khi kumkhua phatin langtik a nuamnak hangin hi.

EFESA 3:10

Ita mah tin sel hum ti ahin a pawlpi i hangin vancung a vancungmi uktu le thuneitu ten Pathian i cihnak cu a phunkimin, tu khang hunah a theihkim theihnak haw tukin hi.

KOLOSE 3:4

Mahmi na nunnak tatak uh cu Khrih hi a, amah a langleh ten nohte vang amah tuah langkhatin, a sunloihnak co kawm bok tuk uh ci.

2 TIMOTE 2:10

Mah hangin Pathian i tenmi mihing ten Khrih Jesuh lak pen a hungmi nunpatnak ngahin, kumkhua sunloihnak a co theih hawnak tukin, haksatnak hempoh thuak ing,

HEBRU 12:2

A upnak uh a patnak pen a tawpnak tian a sihsan uhmi Jesuh khi tawp ngawlin zo leng poh nung. Mailam ten a co tuk uhmi lungdamnak khi a tuptahmi a hih hangin thinglamteh hum a, zahcaknak tuah thih tuk hei poi sa ngawl thuakin, atu-in Pathian khunnak taklamah khung hi.

HEBRU 6:20

Mah munah Jesuh cu eimu masuanah eimu ai-awh tukin tum zo hi. Melkhizedek i thiampi ngui zui in, a kumkhua thiampi sangah cang zo hi.

HEBRU 7:26

Mahti bang a hih hangin Jesuh cu a kul uhmi a kimtik theitu Thiampi Sangbel hi. Amah cu a thiangthomi hi; sualnak nei ngawlmi le sonbang ngawlmi hi. Misual lak pen khenkhuaimi hi a, vanhumah cawi toh hi zo hi.

HEBRU 7:28

Moses daanah mi cangkim ngawlmi khi thiampi sangin bawl hi. Mahnaven Moses Daan nungten a hengmi thutiamnak tuah bawlmi Pathian thutiamnak cu kumkhua cangkimin, bawlmi a Capa khi Thiampi Sang in teng hi.

1 PETER 1:12

Profet tei nadehnak cu amuh tei nemcuamnak tuk hi ngawlin nangmuh tei ca tukmi saw hi, tihmi Pathian in amuh tei lakah langtik hi. Mahten profet tei a hilh haw mi cu atu-in vancung pen a hahsukmi Hawvang Thiangtho i huham hangin Thuthangpha a phuangtu tei lak pen na zak uhmi hi. Hi thu hi vancungmite hei in, a theih nuam haw mi thu hi.

1 PETER 5:1

Pawlpi upavang hi bok ing a, Khrih i thuaknak a mutu le a lang tuk laihmi sunloihnak co boktu tuk keimah in pawlpi upa tei lakah hehpih kun ing.

1 PETER 5:10

Mahten hun comno sung na thuak celh uhten hehpihnak tuah a dimmi Pathian in Khrih tuah na pehzomnak uh hangin kumkhua sunloihnak co bok tukin a samtu Pathian amah loli in cangkimtikin khohkhahnak le thangilnak pia tuk hi.

MANGMUHNAK 4:11

“Kohtei Topa le Pathian, nang cu sunloih upat le huham ngah takmi hi ci. Itahim titale nangmah in ihempoh semsuah ci a, na thu in umtikmi le nuntikmi haw hi,” tin ti haw hi.

MANGMUHNAK 7:9

Mahceng ten ka zo le mipi tamzet mu ing. Kuamah i sialcelh ngawl mipi hi. Amuhte cu mi phunkim, hinnamkim le awn phunkim pen hung mite hi haw in, kumpi khunnak le Tuuno mai ah ding haw; puan ngo silh haw in, a khut hawah suhsau kang cawi tek haw hi.