HEBRU 13:9 - Ngawm Bible

⁹ Zilhnak phun dadang ten a dikmi lampi pen pui sual haw pahsuh hen. A lungmu, thazaang cahnak uh cu an eih cungcangah eih tuk le eih tuk ngawl tihmi daan zuinak pen ngahmi hi ngawlin Pathian i hehpihnak sung pen ngahmi hi saw hi. Daan a zuitute cu a zui haw mi daan in bawm cuang ma hi.

HEBRU 13:9 Iomraidhean Croise

SAAM LABU 112:8

Ngaihsut haknak nei ma, launak hei nei ma. A ngal tei sun khi mu tatak haw tuk hi.

MATTHAI 24:24

Itahim titale Khrih man ngawl, naal profette tul haw tuk a, thasiahhuai nalamdangte bawlin a cangthei tawpin, Pathian i tensa mite zol haw tuk hi.

MATTHAI 24:4

Jesuh in, “Ngalling un, kuamah in zol haw pahsuh hen.

LUKA 5:38

Mah sangin sabittui thak khi savun thawl thak sungah thun tuk saw mi hi.

NUNGZUITU 20:30

Nangmu sung hei pen mi khenkhat ten amu lamah pui nuamin, zolthu tuah thu umtute a puisualnak haw tuk hun heng tuk hi.

NUNGZUITU 20:32

Atu-in Pathian i cinkhawinak le hehpihnak thu sungah ap zo ing. Amah in khangtotik tuk a, mihing tei ca in, a koihsami thupha cu pia tuk hi.

ROM Khua Khristian Tei Lakah Paul i Laikuat (Paul’s Letter to the Romans) 14:17

Itahim titale Pathian Uknak cu ei le in hi saw ngawlin; Hawvang Thiangtho i piakmi dikcangnak, lemdaihnak le lungdamnakte hi saw hi.

ROM Khua Khristian Tei Lakah Paul i Laikuat (Paul’s Letter to the Romans) 14:2

Mi pa khat i upnakah ihempoh eih theih hi, tin um hi; mahnaven upnak a niam laih mite cu anceh sawlbawkte bek ei hi.

ROM Khua Khristian Tei Lakah Paul i Laikuat (Paul’s Letter to the Romans) 14:6

Mi pa khatin ni khat cu a sunglawi cuangin, a ngaisung tale mahmi cu Topa upatnakin, a bawlmi hi; ihempoh a ei theitu pa hei in Topa upatnakin, a bawlmi hi; Itahim titale a eihmi an hangin Pathian nelah a lungdamnak langtik hi. Ihempoh a ei ngawltu hei in, Topa upatnakin, a bawlmi hi a, Pathian nelah lungdamnakin langtik bok hi.

1 KORIN 6:13

Mi khenkhat ten, “an cu pumpi ca hi a, pumpi cu an ca hi,” ti uh ci; manzet hi. Mahnaven a pa nih haw in Pathian in botik tuk hi. A taksa pumpi uh hi nupa sualnakah man tuk hi ma hi; Topa i nadehnak tuk saw mi hi. Topa in taksa cu cawm tuk hi.

1 KORIN 8:8

Tui le an ten Pathian tuah a pehdunnak uh phatik cuang tukma hi. A ei uh ngawl vangin a sunnak uh um cuang ma hi. A ei uh vangin a metnak um cuang ma hi.

2 KORIN 1:21

Keimuh hihen, nangmuh hihen, munkhatin Khrih tuah pumkhat hung hi, tih a theiciangtiktu cu Pathian amah hi. Pathian in ama bulta hi tukin khenkhuai zo hi.

GALATI 6:1

U le naute aw, nangmu lak pen pa kha khatin sualnak bawl na mu kha pang uh tale nangmu sung pen a hawvang mi deuh ten lamdikah pui kikleh un hi. Mahtin na bawl uhten thinnemnak tuah bawl un. Mahten nangmuh lala vangin mah sualnakah cak bok tuk ngawlin ngalling un hi.

EFESA 4:14

Mahti bangten mizoltu tei thuzilhnak le lampeng tawn haw hen tin, a bawlcawm haw zolthu, tui cawkpi le huihsia in ilai banglai ah a soih vawkmi naupang bangleh tukma toh hung.

EFESA 5:6

Kuamah in thuman ngawl le pomtak ngawlmi thu tuah zol haw ma hen. Mahti bang a hih hangin, Pathian thinuknak cu a thu a ngai ngawltu tei humah heng tuk hi.

KOLOSE 2:4

Mah hangin itihzah takin thupha bang ahi hei in, kuamah in nohte zol kha pahsuh hen.

2 THESALON 2:17

Thapia in, a pha mi na bawl theihnak tuk uhin ngilnak dimtik tahen.

2 THESALON 2:2

Lungmu vakvai in, um li pahsuh un hi. Mahten Topa i ni cu heng zo hi, a tih haw mi ah vang mangbang vansangin um pahsuh un tin hilh ing. Mahti bang a titu ten, amuh ten hilhhamnak nei zo haw hi, mahma tale thu a hilhnak hawah telhcih haw hi, tin maw, mah ahimata, a laikuat sungah ngan haw hi, tih hei in ti haw tuk hi.

1 TIMOTE 6:20

Timote, na cinkhawi tukin apmi hempoh hi komzetno in cingkhawi in hi. Pathian kihcaknak um ngawlmi awnkam le sullam a um ngawlmi thu eldunnakte le mi khenkhat ten “Cihthiamnak,” a tih haw mite cu pialin hi.

1 JOHAN 4:1

Ka ih mite, Hawvang nei ing a titu hempoh sang kha pahsuh un, a neihmi Hawvang cu Pathian lak pen a hungmi maw, kha ma him tih khingkhai masa un. Itahim titale profet man ngawlte cu mun hempoh ah heng zo haw hi.

JUDE 1:12

Pawlkomnak an na eih langkhat uhten zahcaknak neuno hei nei ngawlin ei le in thahin a noksaktiktu haw hi. Amu ca bek ngaisung haw hi. Huihtheu li naven nguahtui keng ngawl meinim bang haw hi. Cuuk hun hei in ngah a nei ngawlmi thingkung bang haw hi, a zung bongin, a thi mi thingkung bang hi.

JUDE 1:3

Ka ihmi u le naute aw, a venghawng uhin, a pom ten uhmi nunpatnak thu hi ka theihzahno in, nangmu lakah lai tuah ngan ing hi; Pathian in, a mihing tei lakah kumkhua phaat tukin a piakmi upnak thu ah thasuahin tang unna, zuam un tin, a dang saw deuhin, sosuah nuam ing.