HEBRU 13:8 - Ngawm Bible

⁸ Jesuh Khrih cu zantaak, tuni le kumkhua in kheeldun awng ngawlmi hi.

HEBRU 13:8 Iomraidhean Croise

PIANPATNAK 21:33

Beersheba ah Abraham in makeng kung khat phut a, kumkhua in, a nungmi Pathian Topa cu bia hi.

SAAM LABU 103:17

Mahnaven amah a upattu tei ca in, Topa i itnak cu, kumkhua in kho in,

SAAM LABU 90:2

Mualte na bawl lai ngawlin le lei buppi na semsuah laih ngawlin nang cu patnak le tawpnak nei ngawl, a kumkhua in Pathian hi leleng ci.

SAAM LABU 90:4

Kum thawng khat cu nang lak pen ni khat bang hi. A bosa mi zansun bang hi in, zanlam hun comno sung bang na hi thong hi.

SUAHTULNAK 3:14

Pathian in, “Keimah cu Keimah ing,” ti hi. ‘Keimah ahi mi in nangmu lakah hah hi, tin Israel tei lakah hilhin hi,’ tin Moses lakah hilh hi.

ISAIAH 41:4

Hi bangin a ngaisungtu cu akua hum? Leihum tangthu ah cang tukin a tumtu cu akua hum? Topa keimah cu a pattungin um zo toh ing. Topa Pathian keimah cu a tawpnakah hei in um tung hi.

ISAIAH 44:6

Israel uktu le a huptu Topa Cungnungbel Topa in, “Keimah cu masabel le nungdawlbel ing hi; Keimah sialngawl Pathian dang umma.

MALAKHI 3:6

Topa in, “Keimah cu Topa ing hi, a thekdun awng viang ngawlmi ing. Mah hangin noh Jakob casuante cu cimit ma laih ci.

2 KORIN 1:19

Itahim titale nangmu lakah Silas, Timote le keimah in ka phuan uhmi Pathian Capa Jesuh Khrih cu “Mah hi,” tih le “Mahma,” tih cemcih ma hi. Pathian i mah hi ti in, a lungkimmi Capa hi.

2 KORIN 1:20

Mah hangin Jesuh Khrih thawmin Pathian sunloihnakah, “Amen” tin a tih uh meknak hi. Itahim titale Jesuh Khrih cu Pathian thutiammi hempoh tei lakah, “Mahzuh hi,” tihmi khi hi.

HEBRU 1:12

Puan bangin hep tuk ci a, silh le cen bangin thekdun khawng haw tuk hi. Mahnaven nang cu a banglengin, na nunnak cu bo tih umma,” ti hi.

JAMES 1:17

A phami le a cangkimmi laksawng hempoh cu vancung pen a hung mite hi. Vancung a, vaknak bawltu Pathian lak pen hung haw hi. A bawlmi nate kheel naven Pathian cu kheel awng ma hi. Hun le cante a hel li vangin Pathian lak pen khuathim tih um awng ma hi.

JUDE 1:25

amah bek a Pathian uh le oh Nunpantu lakah a bosa hunah hihen, atu le mailam hunah hihen, kumkhua pen kumkhua tian sunloihnak, thawm ngengnak, ngilnak le thuneihnak cu a Topa uh Jesuh Khrih i hangin a nelah um leleng tahen! Amen.

MANGMUHNAK 1:11

Mahmi aw, ngingin, “Na muhmi hilai sungah ngan inna, mah laibu cu Efesa, Smyrna, Pergamum, Thiatira, Sardis, Filadelfia le Laodisia khua salih a ummi pawlpi tei lakah kuatin,” ti hi.

MANGMUHNAK 1:4

Asia ngamsung a ummi pawlpi salih tei lakah keimah Johan in hitin nuksat ing. Tu laih takin, a ummi le a um awng zo mi le mailam hei ah a um tuk laihmi Pathian le a kumpi khunnak mai a ummi hawvang salih le,

MANGMUHNAK 1:8

Cungnungbel Topa Pathian in, “Kei cu Alfa le Omega, ihempoh i bulpatnak le a tawpnak ing.” A bosa hun, tu hun le a heng tuk laihmi hunah hei in, a um leleng tukmi ing, ti hi.