HEBRU 13:7 - Ngawm Bible

⁷ Pathian i thu a hilhtu, ni dang laih a, nangmuh lampuitu khi phawk leleng un hi. A nunsung haw in, a umdan haw le a thihnak haw thu khi ngaisungleh unna, a upnak haw vang cung un hi.

HEBRU 13:7 Iomraidhean Croise

SOLOMON LA 1:8

Zozaam cam laklawh pen, ngaihno mawibel ci? Hawhnak na thei ma tale; zui pah ni ci, tuunote mu tuk poh ci, na keel ca in, tuucing buk elah hamdawn.

MATTHAI 24:45

“Mahti bang ahi tale, akua tuk him, muantak le a cip umlawh cu? Muantak le a cipmi umlawhpa cu a bawipa in, a dang umlawhte a khawngtu in koih tuk hi, a hun man zetin umlawh dangte an pia theimi hi tuk hi.

LUKA 12:42

Topa in, “Muantak le a cipmi innceng pa cu akua him? Muantak le a cipmi innceng pa cu a bawipa in, a innpi cingtu tukin le a dang nadektu a hun le can bangno in amu co tuk an eih tui in semtu tukin a koih tukmi khi hi.

LUKA 5:1

Ni khatin, Jesuh cu Genesaret tuipi mawkah dingin, Pathian thu ngai nuamin mi honpi cu a elah nek tukin cuhdun tawtok haw hi.

LUKA 8:11

“Hi tehkipnak i a sullam cu hi tih bangin hi. Anci cu Pathian thu hi.

NUNGZUITU 13:46

Mahnaven Paul le Barnabas ten ngalhang sesemin thuhilh haw hi. “Pathian thu cu nangmu lakah hilh masak tuk cu a kulmi hi. Mahnaven noh ten deih ngawl elin kumkhua nunnak ngah tuk takin na ngaihsut uh ngawl hangin zamsan tuk ung a, Gentail mitei lakah hawh tuk ung hi.

NUNGZUITU 14:23

Pawlpi umnak pawpohah pawlpi upa koih pepelin thungetnak le an cannak tuah a up haw mi a Topa haw i lakah apnak bawl pepel haw hi.

NUNGZUITU 4:31

Thu a nget celh bek haw ten mah a tawhdun khawmnak haw inn cu hing a, Hawvang Thiangtho tuah dimin, Pathian i thu cu ngalpha zetin phuang haw hi.

ROM Khua Khristian Tei Lakah Paul i Laikuat (Paul’s Letter to the Romans) 10:17

Mah hangin upnak cu thuthangpha theihnak pen hengin, mah Thuthangpha cu Khrih ka phuannak uh pen heng hi.

1 KORIN 10:13

Sualloihnak na tawh uhte hi midang tei lakah a heng mekmi sualloihnak hi. Mahnaven Pathian in, a thutiam kimtikin na thuakzawh tuk ngawl uh tianin sualloihnak hengtik tukma hi. Sualloihnak na tawh uhten na thuakzawh theihnak tuk uhin tha ngilnak pia tuk a, na suahcaknak tuk uhin lampi selh sak tuk hi.

1 KORIN 11:1

Khrih nunzia ka zui bangin nohte vang ka nunzia zilbok un hi.

1 KORIN 4:16

Mah hangin ka nundan hi zui un tin so ing.

FILIPI 3:17

U le naute aw, ka nundan hi cung leleng un hi. Na zoh tukin nangmu mitmai ah zo cih tuk koih zo ung a, mahmi a zuitute khi zo leleng un hi.

1 THESALON 1:6

Keimu nundan le a Topa uh i nundan cungin haksatnak tampi tawk nave uhcin Jesuh Khrih thu cu Hawvang Thiangtho lak pen a hengmi lungdamnak tuah pom uh ci.

1 THESALON 2:13

Mahten Pathian nelah lungdamnak ka piak nuam uhmi thudang umlaih hi. Pathian i thu nangmu lakah ka henpih uhten mihing thu hi ngawlin Pathian i thu hi tih cu thei uh ci; mahtin na theih uhmi cu Pathian i thu tatak hi a, pom ngah zo uh ci. Itahim titale a sangtu nangmu sungah Pathian in nadek hi.

2 THESALON 3:7

Keimu deh bang bokin nadeh uh tuk cu theiciang zo uh ci. Nangmu lakah ka umlaihin thazawngin umthong mang hi.

2 THESALON 3:9

Hitih bangin ka dehnak uh cu nangmu bop tukin nget theihnak thu ka neih uh ngawl hang kha ma hi. Nangmuh tei zui tukin dek saw ung hi.

1 TIMOTE 3:5

Ama innkua hei phano in, a cingkhawi thei masa ngawltu in itin kaw Pathian i pawlpite a cinkhawi theih tuk?

HEBRU 13:17

Nangmuh lamhuaitu tei thu ngai unna, a thupiaknak haw bangin zui un. A nadeh dan haw cu Pathian mai pen phuangleh khawng tuk a hih tak cawlngawlin, a cinkhawinak haw hi. A thu haw na ngai uh tale lungdam thatui in, a nadek haw tuk hi; a thu na ngai uh ma tale thasiatnak tuah dek haw tuk a, mahmi cu noh tei ca nemcuamnak um hihim tukma hi.

HEBRU 13:24

Nangmuh lamhuaitu le Pathian i mitei venghawng lakah nuksatnak hilh sak un hi. Italy ngam a ummi a unau uhte hei in nuksat haw hi.

HEBRU 6:12

Thazawngmi na hih tuk uh cu awi mang hi; mahnaven Pathian i tepsami a cotu tukin upnak le thinsaunak a neitu bangin hi un, tih deih ung hi.

1 PETER 4:11

Ihempoh humah Pathian in Jesuh Khrih hangin thangphatnak a ngah theihnak tukin thusontu ten Pathian i thu son unna, nadektu ten Pathian piakmi thazaang tuah dek un hi. Sunloihnak le huham hempoh cu kumkhua in amata hi. Amen.

MANGMUHNAK 1:9

Keimah cu na unaupih uh Johan ing hi, Jesuh i nungzuitu pa khat ka hihnak hangin nangmuhte tuah langkhatin Khrih uknak sungah a teltu tei hum a haksat thuaknakte ah, a thuak litu bok ing hi. Pathian thu le Jesuh i phuansuahmi thudik ka hilhnak hangin Patmos tuikulhah a koihmi haw ing.

MANGMUHNAK 20:4

Kumpi khunnakte le a hum a khungtu, thukhen theihnak a hum haw a piakmite mu ing. Jesuh i phuanmi thutak le Pathian thu a phuan haw hang thah thuaktu tei hawvang mu ing. Mah mite in sahang bia haw ma hi; a milim vang bia haw ma hi. Sahang melciknak cu a baan hawah hei hihen, a cal hawah hei hihen nei haw ma hi. Nungleh haw in, kumpi bawi bangin Khrih tuah kum thawng khat sung uk haw hi.

MANGMUHNAK 6:9

Tuuno in tacik pa nganak duuk hi. Pathian thu a hilh haw hangin le muantak zetin, a phuan ngamnak haw hangin, thahnak tawktu tei hawvangte cu biaklandawh nuai ah mu ing.