HEBRU 13:5 - Ngawm Bible

⁵ Sum le pai deih leita pahsuh un; na neih zahno uhin lungkim un. Itahim titale, Pathian in, “Taisan tuk mang, zamthong tuk mang,” ti hi.

HEBRU 13:5 Iomraidhean Croise

PIANPATNAK 28:15

Nangma lakah um tung a, na hawhnak hempoh ah nangmah cingkemin, hih ngamah kiklehtik tung hi. Hi ka tepmi hempoh a kim khawng laklawh nang cu zamthong tuk mang hi, tih cu cing lelengin,” tin ti hi.

PIANPATNAK 30:31

Laban in, “Mahtin ahi tale ikaw ka piak tuk?” tin dong hi. Jakob in, “Thaman imah deih mang. Ka ngetmi na pia tuk ahi tale, na ngan hi cingkhawi hih tung hi.

PIANPATNAK 31:5

A lak hawah, “Ka hum a, na pa uh i mitmai cu nidang bang hi lehma toh, tih cu thei ing; mahnaven ka pa i Pathian cu ka nelah um leleng hi.

1 KUMPI 6:13

Ka mihing Israel mi lakah hi na sakmi Biakinn ah um tung a, ituk mahten nunghek tuk mang,” ti hi.

1 KUMPI 8:57

Topa a Pathian uh cu a pi le pu tei lakah a um bang bokin ohtei lakah vang um zal hen. Nunghekin zamsan thong pahsuh hen.

1 KHANGSIALNAK 28:20

Kumpi David in, a capa Solomon lakah, “Khozet le ngalpha zetin um inna, zuam zetin dekin hi, imah in, na thin nautik pahsuh hen. Topa Pathian, ka biakmi Pathian cu na lakah um tuk hi. Nang cu nunghek tukma hi, a zam vang zamthong tukma hi; a Biakinn sak na celh laih ngawl sung cu na lakah um leleng tuk hi.

SAAM LABU 10:3

Mipha ngawl ten a ngaihsutnak pha ngawl khi ultun pihzet haw hi. Mi hampumin Topa cu tamin lawl hi.

SAAM LABU 119:36

Hauhnak sangin na thupiakmi a zui nuamtu hi sawtikin hi.

SAAM LABU 37:25

Ka neulaih pepan ka tek tian, Topa in mipha a taisan mu awng mang. A cate vang an a nget haw lam mu awng mang.

SAAM LABU 37:28

Itahim titale Topa in, a thudik deihin, amah a muangtute cu nunghek ma hi. Amuhte cu kumkhua in hup hi. Mahnaven mipha ngawl tei canaute cu lalthong haw tuk hi.

SUAHTULNAK 2:21

Moses cu mahlai ngamah um tuk a lungkim hangin, Jethro in, a canu Zipporah tuah huaiduntik hi.

SUAHTULNAK 20:17

“Mi thil hawza pahsuh un. Mi inn hihen, mi zi le pasal hihen, a khui, a cipuh le midang tei neihmi hempoh hawza pahsuh un hi,” tin ti hi.

THUPAUCAP 23:4

Na nunnak siatsuahdun tuk tianin hauhnak zei pahsun, a colhdan thiamin cipin hi.

ISAIAH 41:10

Imah lau pahsun, na lakah um ing. Keimah cu na Pathian ing hi, imah in lautik pahsuh hen. Nangmah bawm tung a, ngiltik tung; Hup tung a, pan tung hi.

ISAIAH 41:17

“Ka mite lungbingin amthong haw tuk, Dangko in, a dangdum haw ten, Topa keimah in, a thungetnak haw za tung; Israel i Pathian keimah in nunghek hihim tuk mang hi.

ISAIAH 42:16

“Ka mihing mitcawte pui tung; A hawh awng ngawlnak haw lampi pen a khuathim haw cu, khuavakin thek tung; A mai haw a ngam bingbote cu momtik tung. Hite hi bawl loli tung hi.

JEREMIAH 6:13

Hi ngam mite akua kua hei hihen, a ngeng a neu in, thuman ngawllam bekin sum ngah tuk tum haw hi. Profet le thiampite hei in mizol haw hi.

EZEKIEL 33:31

Mah hangin ka mihingte cu a bawl mek haw mi bangin, na thuhilhmi ngai tukin khawmdun haw naven bawl tuk na hilhmi bawl haw ma. Itnak awnkam cu a muk haw pen tul li bok naven hampum leleng haw laih hi.

MATTHAI 6:19

“Salkai le nget i eih theihnak, nguca ten keuletin, a nguk theihnak haw, hi lei humah na sum le pai uhte khawl pahsuh un.

MATTHAI 6:25

Mahti bang a hih hangin hi bangin hilh ing. Na nunnak tukin a kulmi tui le an na pumpi ca in puansilh nikcen thu ah ngaisung le lungmu tamin um pahsuh un. Thungai titale nunnak cu an sangin thupi saw ma maw? A pumpi uh hi nikcen puansilh sangin thupi saw ma maw?

MATTHAI 6:34

Mah hangin zingte ca in lungmutam nuam pahsuh un; zingte ca tuk a sammi nate cu zingten tihmi in amah le mah thinkham cawm tuk poh hi. Tuni a haksatnak cu tuni ca tukin phabek hi”.

MARKA 7:22

Ngukcaknak, mi thahnak, mi zi hum a sualnak, duhhawpnak, ngitlohnak, mizolnak, a siasuak deihnak, mi ennak, mi iknak, ultunnak, imah khenkhuai ngawlin nun pawpoh nunnak;

LUKA 3:14

Ngalkap khenkhatte hei in, “Kohte ikaw ka bawl tuk uh?” tin dong haw hi. Amuh tei lakah, “Kuamah i lak pen tangka la tutun pahsuh un hi. Thuman ngawlpi in kuamah sual na nawnta pahsuh un. Na thaman ngah uh zat humah na lungkimta un,” tin ti hi.

LUKA 8:14

Ling lakah a cuu mi anci i sullam cu Pathian thu cu za bok haw naven leihum thinkhamnak, hauhsaknak le tisa nopnakin khuhleh khawngin, ituk mahten a ngah haw a min awng ngawlte khi hi.

ROM Khua Khristian Tei Lakah Paul i Laikuat (Paul’s Letter to the Romans) 1:29

Amuhte cu siatnak, phatngawlnak a phunkim le hampumnak, suaksualnak namkim tuah dim haw hi. Iksiknak, mithahnak, dodunnak, mizolnak le huatdunnak, awklawlnak tuah dim haw hi. Kam tamin,

1 KORIN 5:11

Ka hilh nuammi cu, Khristian ing ti sih a, nupa sualnak a bawltute, hampumte, milim biatute, mi sonsia nuamte, zukham misilte le ngucate ka tihnak hi. Mahtibang mi suaksualte tuah an ei tukin a khung hei khungkhawm pahsuh un hi.

1 KORIN 6:10

nguca le hampumte, zukham misil le mi sonsia tute cu Pathian Uknak sungah lut thei haw tukma hi.

2 KORIN 4:9

Huatu tampi nei ung, mahnaven ngualcam nei ngawlin um cuang ma ung; vei tampi nase zetin dennek tawk ung, mahnaven thi cuang ma ung.

EFESA 5:3

Pathian i mihingte na hih uh hangin nupa sualnak, zoh mawi ngawlin nunnak le hampumnakte cu noh lakah a son hei son kha toh pahsuh un hi.

EFESA 5:5

Na theih cangcian tukin a kulmi cu nupa sualnak a bawltu zoh mawi ngawlin a nungtu le hampumte cu (hampum leita cu milim bia tuah bangten hi) Khrih le Pathian uknak sungah covo nei haw tukma hi.

DAAN PIAKLEHNAK 31:6

Ngilzet le ngalpha zetin um un. Hi hinnam cu lau pahsuh un. Na Pathian Topa amah cu nangmuh tuah hawh tatak tuk hi. Nohte cu zamsan tukma, lawl vang lawl tukma,” ti hi.

DAAN PIAKLEHNAK 31:8

Topa amah cu na lakah um tuk a, pui tuk hi. Taisanin zamthong tukma hi; mah hangin na thinnau pahsuh hen, a lau hei lau pahsun,” ti hi.

DAAN PIAKLEHNAK 4:31

Topa cu mi hehpihtu Pathian hi. Hahzau in nohte cu siatsuah tukma hi; na pu le pa tei lakah amah hihimin thutepnak a bawl mite vang phawkngil tukma hi.

KOLOSE 3:5

Nangmu sung a nadektu leihum pumpi deihnak, nupa sualnak le zohmawi ngawlmi ngamtatnak, tisa nopnak le hampumnakte cu nungtik toh pahsuh un hi. Hampumnak cu milim biaknak pa khat hi.

1 TIMOTE 3:3

Zukham misil hi tukma, thinsup thei ngawlmi, midang tuah a haudun theimi, mi ngilo, iksiknak neimi le phuciak theimi hi ma hen, mahnaven lungnemmi le lemdaihnak a deihtu hi tuk hi. Sum deih leitatu hi tukma hi.

JOSHUA 1:5

Na nunsung hempoh ah kuamah in nang cu neh haw tukma hi. Moses lakah ka um bangbokin, na lakah um tung. Ituk mahten nangmah cu zamsanin, lawl awng tuk mang hi.

JOSHUA 7:21

A lon uhmi na lak pen Babilon puan mawino pa khat, cuai nih bang a ngitmi ngun khal khat le tikal sawm nga ngit sui lom mu ing a, ka deih leita hangin la ing. Ka buk sungah cawi tumin phum ing hi, mu tuk uh ci, a nuaibelah ngun khal koih ing,” ti hi.

2 PETER 2:14

Numei pha ngawlte zo tuk khi a deihbel haw mi hi a, sualnak bawl tuk a nuam haw dan cu thinkim tih nei awng haw ma hi. Upnak a dawm deuhte khi sualnak thang sungah awk tukin huai haw in, hampumnak lamah neh theih tukmi na hi haw ma hi. Pathian i tamsiatmi haw hi.

2 PETER 2:3

A hampumnak haw hangin hi zilhtu man ngawl ten tangthu bawlcawm hilhin, nangmuhte cu sum zeinakah mang haw tuk hi. Mahnaven amuh Thukhentu cu a ngallinnak ngeipi zo a, amuh siatsuahtu tuk vang hihbu ngawlin um hi.

JUDE 1:11

Amu ca in lauhuai thong si! A zui haw mi cu Kain i zuimi lampi hi. Tangka deihnak hangin Balaam i bawlmi sualnakah a pumpi pia haw hi. Korah bangin langpangin, siatnakah heng bok haw hi.

1 SAMUEL 10:7

Mah bangin na humah a kim khawng ten Pathian i lamhoihnak bangin bawlin hi.

1 SAMUEL 12:22

Pathian in, a minsalin thutiamin, ituk mahten zamthong tukma hi. Itahim titale ama mihing hi tukin tumtah sa zo hi.