HEBRU 13:15 - Ngawm Bible

¹⁵ Mah hangin a biakpiaknak uh ai-in, thangphatnak cu Pathian nelah pia leleng nung; mahtin a piak uhmi cu a kam uh pen Jesuh cu a Topa uh hi tin, a phuannak uh hi.

HEBRU 13:15 Iomraidhean Croise

2 KHANGSIALNAK 29:31

Hezekiah in mipite cu, “Atu-in thiangtho zo uh ci, mah hangin Topa i lakah na lungdamnak uh langtiknakin biakpiaknakte Topa i lakah bawl un,” ti hi. A tih bangin bawlin, mi khenkhat ten halkang biakpiaknak tukin lungtho zetin ngante cu pia haw hi.

2 KHANGSIALNAK 33:16

Topa biaknak biaklandawh cu lemlehin pawlkom biakpiaknak le lungdam biakpiaknakte bawl hi. Judah mi hempoh cu Topa Israel Pathian bia tukin so het hi.

2 KHANGSIALNAK 7:6

Thiampite cu a nadehnak haw tukin Levi mitei lam hekin ding haw a, David Kumpi i manmi tumnging a phunkim tuah Ama ihnak cu kumkhua in kho hi, tihmi lasa thahin, Topa cu thangphat haw hi. Thiampi ten pengkul a tum haw laihin, mipite cu ding khawng haw hi.

EZRA 3:11

Topa thangphatnak la Topa lakah sa in: “Topa cu pha hi; Israel a ihnak cu, kumkhua in kho hi,” tihmi saknot cu sa thuah li haw hi. Biakinn bul suangphum a pat haw toh hangin Topa cu thangphatin, kuakua hei in, a aw neih tawp tuah au haw hi.

NEHEMIAH 12:40

A bu nih haw in, Pathian thangphat thahin, Biakinn el heng haw hi. Ka lak a hawhmi hotute sialngawl,

NEHEMIAH 12:43

Mah ni-in, biakpiaknak tampi bawlin lungdamnak tuah dim haw hi, itahim titale Pathian in lungdamzet tukin bawl hi. Mah lungdamnak puai ah numei le naupangte vang tel haw in, a thawmnging haw cu khawlapi tian thang hi.

SAAM LABU 118:19

Ka ca in Biakinn kongkhah honsak zalin; tum tung a, Topa thangphat tung.

SAAM LABU 119:108

Topa aw, ka lungdam thungetnak cu sang zal inna; Na thupiakmi cu zilh zalin hi.

SAAM LABU 18:49

Maw Topa aw, hinnam tampi tei lakah nang pahcawi tung; Na min thangphatnak la in sa tung hi.

SAAM LABU 50:14

Na lungdamnak uh hi Pathian lak a na piak uhmi biakpiaknak hi saw hen. Mahten piak tuk tin na tepsa uhmi hempoh cu Cungnungbel lakah pia un.

SAAM LABU 50:23

Ka lak a lungdamnak na langtik uhmi hi Ka min phatiktu biakpiaknak hi. Ka thu a zuitu hempoh cu pan hihim tung,” ti hi.

ISAIAH 57:19

Khawlapi ah a ummi hihen, naino ah ummi hihen, a venghawng haw i humah lemdaihnak pia ing. Ka mihingte cu damtik tung hi.

JEREMIAH 33:11

lungdam thatuinak thawm le mopuai thawmvang zaleh tuk uh ci. Mihing ten ka biakinn ah lungdam biakpiaknak pia tukin lasa thahin, a hun haw za tuk uh ci. Amuh ten, ‘Cungnungbel Topa i lakah, lungdamnak pia un, Itahim titale amah cu pha hi; A ihnak cu kumkhua in kho hi,’ tin ti haw tuk hi. Hi ngam cu a ni dang laih bangin, khangto lehtik tung. Keimah, Topa in hilh zo ing.”

JEREMIAH 33:18

Keima nadektu le meihal biakpiaknak piatu le cangho vam biakpiaknak a dadang piatu tukin Levi hinnam sung pen thiampi dek leleng tuk, tin Topa keimah in thutiam ing,” ti hi.

HOSEA 14:2

Topa lakah kikleh unna, hi bangin thungen un: “Ka sualnak uh hempoh ngaidam zal inna; ka thungetnak uh sansakin, ka thutiamsa uh bangin pahcawi tuk ung hi.

THIAMPI NADEHNAK 7:12

Mi pa khatin, a lungdamnak Pathian nelah phuang nuamin biakpiaknak a bawl tale, biakpiaknak ngan le naman hel ngawl cangho tuah bawl tuk hi. Cangho cu cangho vam tuah bawlmi olif thau tuah cawhhelmi, sahzet a, bawlmi ahimata olif thau tuah cawhhelmi hi tuk hi.

MATTHAI 11:25

Jesuh in, “Maw ka pa, lei le van i Topa! Micip le mithiam tei lak pen a sel lelengmi khi atu-in imah a thiam ngawl tei lakah na langtik hangin lungdam ing.

LUKA 10:21

Jesuh cu Hawvang Thiangtho in lungdamnak tuah dimtikin, “Maw ka pa lei le van i Topa, micip le mithiam tei lak pen na selmi cu cihnak le thiamnak a nei ngawl tei lakah langtik zo toh na hih hangin na min thangphat ing. Hizuh hi, Ka pa, himi hi nangma deihzawng hi.”

JOHAN 10:9

Kei cu kongka tumnak ing. Keimah tawnin, a hawhtu pawpoh cu nunpatnak ngah tuk hi. Tumtuak, tultuakin hamhing dimdem mu haw tuk hi.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

ROM Khua Khristian Tei Lakah Paul i Laikuat (Paul’s Letter to the Romans) 12:1

Mahti bang a hih hangin ka u le naute aw, Pathian i hehpihnak hangin Pathian nelah na pumpi uh cu a nungin apmi biakpiaknak bangin pia un tin ngen ing. A nadehnakah pum a pia mi le a lungdamtiktu hi tukin sawm ing. Mahmi cu Pathian nelah na piak tuk uhmi biaknak tatak hi.

ROM Khua Khristian Tei Lakah Paul i Laikuat (Paul’s Letter to the Romans) 6:19

(Na theih theihnak tukin nisial man mi awn mang ing hi!) Ni dangin, a pha ngawlmi bawlnakin, na pumpi uh cu a ninmi le a pha ngawlmi sila in piadun uh ci. Mahti bang bok lengin atu-in, a thiangthomi bawlnak tukin na pumpi uh cu a venghawngin diknak i sila hi tukin pia un hi.

EFESA 2:18

Khrih i hangin Judah mi hihen, Gentail mi hihen, a venghawng uhin Pa Pathian mai ah Hawvang pa khat i hangin zuan thei hung hi.

KOLOSE 1:12

Vaknak ngam sungah Pathian in, a mitei ca tukin a koihmi cu a cotu hi bok tukin a semsuahtu Pathian cu lungdamin thangphat un.

HEBRU 12:28

Mahti bang a hih hangin lungdam thatui in um nung. Itahim titale hin theih ngawlmi uknak co hung hi. Pathian nelah a lungdamnak uh langtik nung inna, a lungdamtu zongin, amah cu upatnak tuah bia tuk hung.

HEBRU 7:25

Mah hangin atu le kumkhua in ama sung pen Pathian a zuantu hempoh cu a nun haw pan thei hi; itahim titale kumkhua in, a nun hangin Pathian nelah ngetsak leleng hi.

1 PETER 2:5

Nangmuhte vang hung bok unna, a nungmi suang bangin Hawvang biakinn saknak tuk Pathian i manmi suang hi un. Mahlai ah thiampi thiangtho nadeh dek tuk uh ci; co takmi Hawvang biakpiaknak khi Jesuh Khrih hangin Pathian nelah pia tuk uh ci.

1 PETER 4:11

Ihempoh humah Pathian in Jesuh Khrih hangin thangphatnak a ngah theihnak tukin thusontu ten Pathian i thu son unna, nadektu ten Pathian piakmi thazaang tuah dek un hi. Sunloihnak le huham hempoh cu kumkhua in amata hi. Amen.