HEBRU 13:1 - Ngawm Bible

¹ Khristian u le nau na hih uh bangin pa khat le pa khat itdun leleng un hi.

HEBRU 13:1 Iomraidhean Croise

SAAM LABU 133:1

Pathian mihingte unau bangin munkhat a, um langkhat hi, itih zahin pha in, nop him?

JOHAN 15:17

Mah hangin ka thupiakmi cu hi bangin hi. Pa khat le pa khat itdun un hi.

NUNGZUITU 2:1

Pentecost ni a hen ten thu umtu hempoh cu munkhatah khawmdun haw hi.

NUNGZUITU 4:32

Thu umtute cu lungmu le ngaihsutnak luallemzetno in umlangkhat haw hi. Kuamah in, a neihmi thilte cu ka bulta hi, tin ti haw ma hi; a neih haw hempoh khi pa khat le pa khat mang kawmdun haw hi.

GALATI 5:13

Mahnaven u le naute aw, nohte cu miluat hi tukin sam mite uh ci. Mahmi luatnak cu na taksa nopsaknakin cangtik pahsuh un. Mah sangin itnak tuah pa khat le pa khat nadek tondunin bawmdun saw un hi.

GALATI 5:22

Mahnaven Hawvang i ngah a ngahtikmi cu itdunnak, lungdamnak, thinnopnak, lungmuannak, hehpihnak, phatnak, muantakmi hihnak,

GALATI 5:6

Itahim titale Khrih Jesuh tuah a pehzomdun uh tale vunceptalhnak hihen, tan ngawlnak hei hihen, dangdunnak umma hi. A thupimi cu itdunnak sung pen na a dektu upnak bek khi hi.

EFESA 4:3

Hawvang i piakmi pumkhat hih khawmnak khi a kho leng tukin munkhatah a ken kawmtu lemdaihnakin khotik un.

EFESA 5:2

Khrih in eimuh it in, a nunnak eimuh ca in Pathian lungdamtiktu namtui piaknak le biakpiaknakah a piakcopnak bangin na nunnak uh cu itnakin uk hen.

2 THESALON 1:3

U le naute nangmuh hangin Pathian humah lungdamzet ung hi. Mahti bangin Pathian a thangphat uh cu a dikmi hi. Itahim titale na upnak uh khang zetin pa khat le pa khat na itdunnak uh vang khang tawto hi.

HEBRU 10:24

Pa khat le pa khat ngaihsak dunnak neinung; pa khat le pa khat bawmdunin itnak le phatnak langtikdun nung.

1 PETER 1:22

Atu-in, thutak na zuinak uh hangin thianthohtikmi hi zo uh ci, umtu unau dang khi lungmu takin it uh ci. Mah hangin na lungmu tak uh tuah pa khat le pa khat itdun un.

1 PETER 2:17

Mi hempoh upat un, thu umtu unaute it un, Pathian cu kihca unna, kumpi cu upat maizahnak pia un.

1 PETER 3:8

A dawlbelnakin ka sosuah nuammi cu ngaihsutnak munkhat le lungmu munkhatno in um un; unau bangin pa khat le pa khat itdun unna, pa khat le pa khat hehpih dunnak nei in, lungnem un.

1 PETER 4:8

Ihdunnakin sualnak venghawng khuh khawng thei a hih ten lungmu tak tuah pa khat le pa khat ihdun tuk khi ngaisung sawta un.

2 PETER 1:7

Pathian kihcaknak na neih uhmi humah unau ningnat dunnak bet unna, mahten Khristian unau ningnat dunnak humah itnak beet un.

1 JOHAN 3:23

Thu a piakmi cu Khrih i thupiakmi bangin, a Capa Jesuh Khrih umin, pa khat le pa khat a ihdun theihnak tukin hi.

1 JOHAN 4:20

Kua hei hihen Pathian it ing ti thah leng na pi in, a unau a huatu cu zolthu son hi. Itahim titale mit a muhmi, a unau hei a it ma tale muh theih ngawlmi Pathian cu it thei tukma hi.

MANGMUHNAK 2:4

Mahnaven mawhsiat tuk pa khat na humah nei ing; a masa a na neihmi itnak cu atu-in nei lehma toh ci.