HEBRU 12:29 - Ngawm Bible

²⁹ Itahim titale a Pathian uh cu mi a kangtum theitu mei tuah bangve hi.

HEBRU 12:29 Iomraidhean Croise

2 Samuel 22:9

A naal sung pen meikhu suah hi. A kam pen mei alh le meiling tul hi.

SAAM LABU 50:3

A Pathian uh cu hung naven mengdenno in hung ma hi. A mailamah mei alh huhum tuk a, a elkimah nase zetin huihpi theu tuk hi.

SAAM LABU 97:3

Mei-alh cu a mai ah hawhin; A elkim a ummi a ngalte kang khawng hi.

SUAHTULNAK 15:7

A nasemi na minehnak tuah na ngal vatvawk khawng ci a, Na thinuknak a so ten, amuh cu cangkung ko bangin kang khawng haw hi.

SUAHTULNAK 24:17

Topa i sunloihnak cu Israel tei ca in, mualhum a, meikang alh dudum li mi bang hi.

ISAIAH 33:14

Zion um misualte cu thinsu in can tawtok haw “Pathian i thukhennak cu kumkhua alh lengmi mei bang hi. Ohtei lakah mahtih bang mei alh sung pen a luat theitu um nung maw?” tin ti haw hi.

ISAIAH 66:15

Topa cu mei tuah hung tuk hi. Huihpi humah Topa cu khungin, a thinuktik tute cu bawlsia tuk hi.

EZEKIEL 38:19

Ka thinuknak mei bangin a ling laih takin thuthan ing. Mah ni ten Israel ngamah nase zetin hiinhing tuk hi.

DANIEL 7:9

Mahtibang ka zoh lih laihin kumpi khunnakte na koih haw hi. Kumkhua a nungmi cu khunnak pa khat humah khung hi. A puan cu vuk bangin ngo in, a sam cu tuumul bangin thiangtho hi. A khunnak cu mei alh leng humah umin alh dudum hi;

MIPUM SIALNAK 11:1

Israel mite haksatnak a thuak haw hangin Topa i humah phu haw hi. Topa in mah thu a zak ten a thinukzet hangin a hum hawah mei alh khiasukin, a ngiahnak haw ning khat kang hi.

MIPUM SIALNAK 16:35

Topa in mei alh khiasukin, namtui biakpiaknak a bawltu za nih le sawm nga cu kangtum khawng haw hi.

2 KORIN 5:11

Pathian kihca tihmi a sullam i him tih ka theih uh hangin midangte vang zawm pepel ung hi. Pathian in, a lungmu uh thei khawng pilpial hi. Mahti bangin nangmuh ten na lungmu uhin keimah thei khawng bok tuk uh ci, tin muansanak nei ing.

DAAN PIAKLEHNAK 4:24

Itahim titale Topa na Pathian uh cu micing thei Pathian hi a, ihempoh a kangtumtik theitu mei bang hi.

DAAN PIAKLEHNAK 9:3

Mahnaven atu na mitmuh uhin, Topa na Pathian uh cu na mai uhah mei alh bangin hawh tuk hi. Mailamah not dedeuh tuk uh ci a, amah in neh tukin a tepsa bangin ngalte cu hawlvawkin siatsuah khawng tuk uh ci.

2 THESALON 1:7

Haksatnak a thuaktu nangmuh tei lakah colhdamnak pia in, kohtei lakah vang pia bok hi. Mahmi cu Topa Jesuh le huham tuah a dimmi ama vancungmi a hunsuk haw ten bawl tuk hi.

2 THESALON 1:8

Pathian thei ngawlte le Topa Jesuh i Thuthangpha a um a sang nuam ngawl cu mei sungah khia in, bawlsia tuk hi.

HEBRU 10:27

Amu ca in, a heng tukmi Pathian thukhennak le Pathian a dotute kang khawngtu tuk a lauhuai meipi khi lau mahtakin ngak tuk bek na hi haw hi.

HEBRU 10:31

A nungmi Pathian khutsung a hen cu lauhuaizet hi.

2 PETER 3:7

Mahnaven atu a ummi van le lei pi hi mei tuah siatsuah tukin, Pathian i thupiaknak lelengin, a khawih hihmi haw hi. Pathian a zawnsaktute cu thu a khen ni le siatnak a tawh haw tuk ni ca in khawih hihmi hi haw hi.