HEBRU 12:28 - Ngawm Bible

²⁸ Mahti bang a hih hangin lungdam thatui in um nung. Itahim titale hin theih ngawlmi uknak co hung hi. Pathian nelah a lungdamnak uh langtik nung inna, a lungdamtu zongin, amah cu upatnak tuah bia tuk hung.

HEBRU 12:28 Iomraidhean Croise

SAAM LABU 19:14

Ka muk le kam pen a tulmi awnkam le ka lungmu ngaihsutnakte hi, Maw Topa na mai ah santakmi hi zal hen. Ka belhmi suangpi le kei pantu!

SAAM LABU 2:11

Topa cu kihcaknak tuah a nadek un,

SAAM LABU 89:7

Mi thiangtho ten pumkhawmnak ah nangmah cu upat haw in, Na elkim a ummi ten nangmah kihca haw hi.

THUPAUCAP 28:24

Nu le pa tei na nguk cu sual ma hi tin, a ngaisungtu cu nguca tuah a dangdunnak umma hi.

ISAIAH 56:7

“Ka mual thiangtho Zion ah, henpih tung; ka thungetnak inn pen lungdamnak pia tung a, ka biaklandawhah na piak uhmi biakpiaknak cu sang tung hi. Ka Biakinn cu miphun hempoh tei ca in thungetnak inn ti haw tuk,” ti hi.

ISAIAH 9:7

A kumpi uknak le huham cu khangto pepel tuk; A uknak sungah kumkhua in lemdaihnak um tuk hi. David Kumpi ai-in uk tuk hi; Diknak le thuman tuah uk tuk, atu le kumkhua in uk tuk hi. Cungnungbel Topa in, hi thu hempoh hengtik tuk hi.

DANIEL 2:44

Mah ngamuktu bawi ten ngam a uk haw ten vancung a Pathian in, a bo awng ngawlmi uknak umtik tuk hi. Kuamah in mah uknak cu neh haw tukma hi; mahnaven uknak dang hempoh cu siatsuah khawng tuk a, kumkhua in kho tatuk hi.

DANIEL 7:14

miphun, hinnam le awn hempoh tuah a awnmi ten ama nadeh theihnak tukin a lakah thuneihnak, minthannak, upatnak le kumpi huham hempoh cu piakin um hi. A thuneihnak cu kumkhua kho in, a uknak cu bo awng tukma hi.

DANIEL 7:27

Leihum uknak hempoh tei huham le thawm ngengnak cu Cungnungbel Pathian mihing tei lakah piak hi tuk hi. A co haw mi kumpi huham cu boleh awng tukma toh hi, leihummi uktu hempoh ten a nadeh sakin, upat haw tuk,” ti hi.

THIAMPI NADEHNAK 10:3

Moses in Aaron nelah, Topa in, “Ka nadektu hempohin ka thianthohnak upat haw hen; ka hinnam tei nelah ka huham langtik tung hi; a tih ten a son nuammi cu hihi,” ti hi. Mahnaven Aaron cu imah awn ma hi.

MATTHAI 25:34

Mahten Kumpipa in, a taklam a mipha tei lakah, ‘Hung un ka pa i thupha piakmite! Hung unna, leihum semsuah pepan nangmu ca lepsami ngamnop luah un hi.

LUKA 1:33

Jakob casuan tei humah kumkhua in kumpi hi tuk hi. A uknak cu bo awng tukma,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 11:20

Mahmi cu thuman hi: amu Judah mite cu a up haw ngawl hangin talhmi hi haw hi; nohte cu na up uh hangin hi mun hi luah uh ci. Mahnaven pualthau in, ultung kha pahsuh un! A lau in lau saw un hi.

EFESA 1:6

Pathian cu a sunglawimi a hehpihnak le a itmi a Capa i sung pen laksawng a piaknak i hangin thangphat hi tahen.

EFESA 5:10

Topa i lungdamnak khi zei un.

FILIPI 4:18

Atu na piak uhmi hempoh cu ngah ing hi tin ngan ing. Na piak uhmi cu a kulmi sangin a val tianin pia uh ci. Na laksawng uh hempoh cu Epafroditas in puakin, atu-in ka kincak hempoh cu ting khawng hi. Hi na laksawng uhte cu Pathian i lungdammi le a cosanmi biakpiaknak, a namtui mi pak namtui bang haw hi.

HEBRU 10:19

Mah hangin u le naute, Jesuh thisan i hangin Mun Thiangthobel tum theihnak luatnak cangkim nei zo hung hi.

HEBRU 13:15

Mah hangin a biakpiaknak uh ai-in, thangphatnak cu Pathian nelah pia leleng nung; mahtin a piak uhmi cu a kam uh pen Jesuh cu a Topa uh hi tin, a phuannak uh hi.

HEBRU 13:21

Lemdaihnak Pathian in ama deihmi na bawl theihnak tukin, na kul uhmi thilpha hempoh khi pia zazal tahen; Jesuh Khrih hangin a deihmi cu bawl zal hen. Kumkhua pen kumkhua tian Khrih cu sunloih hi tahen! Amen.

HEBRU 3:6

Mahnaven Jesuh cu Pathian i innkua ah muantak, Pathian i Capa hi. Oh ten a ngaihsut san uhmi khi khohkhahzet le ngalpha zetin, a lenkhim uh tale, a innkua hi hung hi.

HEBRU 4:16

Mah hangin hehpihnak umnak mun Pathian i khunnakah ngalpha zetin zuan nung. Mahlai pen a kul le sap uhten hehpihnak cu ngah tuk hung hi.

HEBRU 5:7

Leihum a umlaih khin Jesuh in thihnak pen a nunpantu Pathian nelah ngingzet au in, hitui luang thah thungen hi. Mi niamkhiat le nun piatu a hih hangin Pathian zaksak hi.

1 PETER 1:17

Pathian nelah thu na nget uhten ohtei Pa tin sam uh ci, mah na Pa uh cu mi hempoh deidatnak nei ngawlin amuh tei nadehnak bangkekin, thukhen tuk hi. Mahtibang a hih hangin hi leihum na nunsung uhah amah kihcaknak tuah ama ca in nung un.

1 PETER 2:20

Sualnak na bawl uh hangin na thuak hihim tuk uhmi vah le dennak na thuak uh tale na ca uhin, i nemcuamnak um him? Mahnaven phatnak bawl leng napi in, na thuak uh tale Pathian in thupha muicu pia tuk hi.

1 PETER 2:5

Nangmuhte vang hung bok unna, a nungmi suang bangin Hawvang biakinn saknak tuk Pathian i manmi suang hi un. Mahlai ah thiampi thiangtho nadeh dek tuk uh ci; co takmi Hawvang biakpiaknak khi Jesuh Khrih hangin Pathian nelah pia tuk uh ci.

MANGMUHNAK 1:6

A Pathian le a pa i nadektu hi tukin ohte cu kumpi le thiampi phunin, a bawlsaktu Jesuh Khrih lakah sunloihnak le huham cu kumkhua in um tahen! Amen.

MANGMUHNAK 15:4

Topa nangmah kihca ngawltu kua heng a um tuk? Na thawmngeng dan phuang tuk a, eltu akua um tuk him? Nangmah bek a thiangthomi hi ci. Minam hempoh na lakah hungin bia haw tuk hi. Itahim titale a dikmi na thil bawlmi cu mi hempohin mu zo haw hi,” tin sa haw hi.

MANGMUHNAK 5:10

Ka Pathian uh i nadektu tukin thiampi, kumpi hin le namah, amuh cu bawl zo ci, amuh ten leihumah uk haw tuk hi,” tin sa haw hi.