HEBRU 12:22 - Ngawm Bible

²² Mahnaven noh tei hennak mual cu Zion mual le a nungmi Pathian i khuapi, vancungmi a thawng athawngin, a umnak haw van Jerusalem hi.

HEBRU 12:22 Iomraidhean Croise

2 KUMPI 19:4

Assiria kumpi in, a khutnuai bawi lak pen upabel hahin, a nungmi Pathian cu zawnsak nek hi. Topa na Pathian in hi zotsaknak awnkam hi thei in, mahti bangin a awntu cu bawlsia zal tahen. A nunglaihmi ka mihing tei ca in, Pathian nelah thu hu ngetsak zalin hi,” tin cah hi.

SAAM LABU 2:6

Topa in, “Ka mual thiangtho Zion mual humah, ka tenmi kumpi cu khungtik zo ing,” ti hi.

SAAM LABU 42:2

Maw Pathian aw, a nungmi Pathian, ka nunnakin nangmah cu tui bangin duh hi. Ituk ten kaw na lakah hengin, na maicang ka muh tuk?

SAAM LABU 48:2

Pathian i mual, Zion cu sangin mawi vang mawizet hi. Kumpi khuapi in leihumah lungdamnak hengtik hi.

SAAM LABU 68:17

A cak zetmi cipuh leeng thawng tampi tuah Topa cu Sinai Mual pen mun thiangtho ah hung hi.

SAAM LABU 84:2

Iti zahin him a sung heng tuk ka nuam! Topa i Biakinn sung hen tuk cu nuamzet ing. Ka thin le lung venghawngin, a nungmi Pathian nelah lungdamin lasa ing.

SAAM LABU 87:3

Pathian khuapi aw, a pahcoih hawdan hi! Ngai tehin!

ISAIAH 12:6

Zion ah a ummi hempoh ten lasa in, au haw hen. Israel tei Pathian thiangtho cu a thawmngengzet thong hi; A mitei lakah um,” tin lasa haw tuk hi.

ISAIAH 14:32

Filistin ngam pen a hengmi palaite cu iti bang donleh kam nung? Topa in, Zion cu dingkhotik zo si, haksatnak a thuak lelengtu a mihingte cu mahlai pen humhimnak ngah haw tuk, tin don tuk hung.

ISAIAH 24:23

Hade thim tuk; nisuak tukma; itakaw titale Cungnungbel Topa cu kumpi hi tuk hi. Jerusalem khua Zion Mual pen uk tuk a, mipi hotu ten a sunloihnak huham mu haw tuk hi.

ISAIAH 27:13

Mah ni a hen ten Assiria le Izipt ngam saltangmi Israel mite sam tukin pengkul tum haw tuk hi. Hungin hi, Jerusalem khua mual thiang humah Topa bia haw tuk hi.

ISAIAH 28:16

Topa in, “Zion ah a khimzet le a kho zetmi inn taw pan ing a, mah inn taw innkilah tian cihmi suangpi koih ing. Mah innkil suangpi humah, A kho mi upnak cu a thinsau sih, tin ngan ing.

ISAIAH 51:11

Na patsuah mite cu Jerusalem ah, lungdam thatuino lasa thahin le au thahin heng haw tuk hi. Kumkhua lungdam haw tuk a, lungsiatnak le khaw-ngaihnak pen kumkhua in luat haw tuk hi.

ISAIAH 51:16

Vante zalhin, leipi i khunnak vang keimah in phut ing. Jerusalem lakah, ‘Nangmah cu ka mihing hi ci. “Ka thuzilhmi pia zo toh ing a, ka khut tuah hup ing,” ti hi.

ISAIAH 59:20

Topa in, a mitei lakah, “Na sualnak uh pen a kiklehtu hempoh pan tukin, Jerusalem ah hung tung.

ISAIAH 60:14

Nangmah a bawlsiatu tei capa ten na mai ah upatnak pia in kun haw tuk hi. A zawnsaktute cu nangma ke bulah bok haw tuk a, Topa i khuapi! Israel i Pathian thiangtho i khuapi Zion,” tin sam haw tuk hi.

JEREMIAH 10:10

Mahnaven Topa, nang cu a dikmi Pathian hi ci. A nungmi Pathian hi ci. Kumkhua in kumpipa hei hi ci. Na thin a uk ten lei buppi hi hing khawng. Na thinuknak cu miphun ten thuak thei haw ma.

JEREMIAH 17:25

Mahti bangin a bawl haw tale, a kumpi le a bawite cu Jerusalem kongbiangah tumin, kumpipa bangin huham nei bok haw tuk hi. Judah mi le Jerusalem mite tuah munkhatah cipuh le cipuh leng hum khungin, Jerusalem khuapi sungah mihing dim leleng haw tuk hi.

DANIEL 6:26

Ka ngam sungah mi hempohin Daniel i Pathian cu upat le lau tukin thupia zo ing. “Amah cu a nungmi Pathian kumkhua in, a kho mi Pathian hi. A uknak cu siatsuah hi awng tuk ngawlmi le a huham cu bo ni nei tukma hi.”

DANIEL 7:10

meiling cu tui luang bangin mahlai pen tul zuzung hi. A nadektu tukin mihing a thawng a za um haw in, a mai ah mihing a thawng athawngin, ding haw hi. Thukhennak cu panin, laibute keu haw hi.

HOSEA 1:10

Israel miphun cu tuipi mawk a philnel zahin pungleh tuk hi, teh celh ngawl le sialcelh ngawlin tam haw tuk hi. Atu-in, Pathian in, “Israel cu ka miphun khaleh haw ma toh,” ti hi. Mahnaven, nohte cu a nungmi Pathian i cate hi uh ci a tih ni cu hengleh tuk hi.

JOEL 2:32

Mahnaven Topa i min a samtu hempoh cu suahcaknak ngah haw tuk hi. Topa in, a hilh hamsa bangin, ‘Zion mual le Jerusalem khua sungah a suakca mi um haw tuk hi; Topa i tenmite cu suakca haw tuk ti hi.’ ”

MATTHAI 16:16

Simon Peter in, “Nang cu a nungmi Pathian Capa Khrih hi ci,” ti hi.

MATTHAI 5:35

Leipi min sal hei in thutiam bawl pahsuh un, Itahim titale Pathian ke ngaknak hi. Jerusalem min sal hei in thutiam bawl pahsuh un. Itahim titale kumpi minthang tei umnak khuapi hi.

ROM Khua Khristian Tei Lakah Paul i Laikuat (Paul’s Letter to the Romans) 11:26

Israel mi hempoh nunpat a hih haw tuk cu hitih bangin hituk hi. Lai Thiangtho in, “Zion pen Nunpantu heng tuk a, Jakob i casuan hempoh tei phatngawlnak hempoh cu vawk let khawng tuk hi.

ROM Khua Khristian Tei Lakah Paul i Laikuat (Paul’s Letter to the Romans) 9:26

‘Nohte cu ka mihing hi kha ma uh ci tin,’ a tihnak munah amuhte cu a nungmi Pathian ca in, tin sam hi haw tuk hi,” tin ti hi.

GALATI 4:26

Mahnaven vancung Jerusalem cu a luatmi nu hi a, amah cu a nu uh hei hi.

EFESA 2:19

Mahti bang a hih hangin noh Gentail mite vang mikhual le ngamdangmi hi lehma toh uh ci; Pathian i miphunte tuah a bang tenmi hi uh ci a, Pathian i innkua ah sungtel hi zo uh ci.

DAAN PIAKLEHNAK 33:2

Topa cu Sinai Mual pen hung hi; Ni bangin Edom hum pen tulin, Paran Mual pen a mihing tei humah lang hi. A lakah vancungmi thawng sawm um haw in, a taklam khutah mei alh cawi hi.

DAAN PIAKLEHNAK 5:26

A nungmi Pathian mei sung pen a awn za tu a nung akua poh um haw maw?

FILIPI 3:20

Mahnaven a ngam ngangai uh cu vancung khi hi a, eimuhte a Pantu, Topa Jesuh Khrih vancung pen a hun tuk khi ngak hung hi.

1 THESALON 1:9

Na upnak thu uh a thei ngahtu hempoh ten nangmu lakah ka zin uhten itihzah khual pha uh cim tih le itih bangin milim zamsanin, Pathian lam hek uh cim tih le, a dikmi le a nungmi Pathian nadek tukin na zotnak thu uhte cu hilh haw in, a Capa vancung pen a hunnak tuk na ngahnak uh thute vang hilh haw hi.

2 TIMOTE 4:18

Topa in siatnak hempoh lak pen panin, a Vancung uknak sungah himdamno in luhpih tuk hi. Ama lakah sunloihnak cu kumkhua in um leleng tahen. Amen.

HEBRU 10:31

A nungmi Pathian khutsung a hen cu lauhuaizet hi.

HEBRU 11:10

Itahim titale Pathian hi kumkhua kho tukin bulphuhmi, a tawphah khimmi le a sakmi khuapi sung um tukin ngak hi.

HEBRU 11:16

A muh tei ngaihsutmi le a ngaih haw mi cu ngam pha deuh saw mi van cung ngam khi hi.

HEBRU 13:14

Itahim titale hi leihumah kumkhua a kho mi khuapi nei ma hung; a heng tuk laihmi khuapi bek cuan hung hi.

HEBRU 3:12

Thu umtu u le naute, a nungmi Pathian zamsan a nuamtu, lungmu pha ngawl le umngawltu na hih ngawlnak tukin ngalling un hi.

HEBRU 9:14

Mahti bangin sualnak a thiang thei ahi tale Khrih i thisanin amah le mah biakpiaknakin pia hi. A nungmi Pathian na a deh theihnak tukin, imah nemcuam ngawlmi a zui nuamnak uh lungmu bawmngit khi a thisanin thiangtik tuk hi.

JOSHUA 3:10

Noh tei lakah a nungmi Pathian um tih cu tuni in thei tuk uh ci. Mailamah na hawh uhten, Kanaan mi, Hit mi, Hiv mi, Periz mi, Girgash mi, Amor mi le Jebus mite cu amah in hawlvawk khawng tuk hi.

JUDE 1:14

Adam pen khang luknak Enok in, hi tei thu le late hilh ham zo hi. Pathian cu a vancungmi, mithiang thawng tampi tuah hung haw tuk hi.

MANGMUHNAK 14:1

Mahten ka zo le Zion mualah Tuuno ding leng mu ing. Amah tuah munkhatah mi thawng za khat le thawng sawm li le thawng li um haw a, mah mite cu a cal hawah Tuuno le a Pa i min ngatin um hi.

MANGMUHNAK 21:10

Hawvang Thiangtho in keimah zialin, vancungmi in, a sang zetmi mual humah hawhpih hi. Mahten Jerusalem khuapi thiangtho cu Pathian lak pen tolhsuk khi lak hi.

MANGMUHNAK 21:2

Mahten khuapi thiangtho Jerusalem thak cu pasal nei tuk khanglai in, a pasal tukmi tawk tukin a mansa in, a thuamdun bangin thuamin Pathian lak pen tolhsuk khi mu ing.

MANGMUHNAK 22:19

Mahten akua hei hihen hi laibu sung a, ngatmi profet awnkam hi cangkimno phuang ngawlin a phiat vawktu cu hi laibu sung a, a co tukmi nunnak thingngah le khuapi thiangtho sung a, tum theihnak a co tukmi khi Pathian in phiah vawk sak bok tuk hi.

MANGMUHNAK 3:12

Nehtu cu ka Pathian i Biakinn sungah sutpi khuamin bawl tung a, mah Biakinn cu taisan awng tukma hi. Ka Pathian i min vang a humah ngan tung. Mah khuapi cu vancung ka Pathian lak pen a heng tukmi hi. Mahten ka min thak vang a humah ngan tung hi.

MANGMUHNAK 7:2

Nisuahnak lam pen a nungmi Pathian i melciknak tacik cawitu a dang vancungmi pa khat tul khi mu ing. Pathian in leipi le tuipi siatsuah theihnak thu a piakmi vancungmi pa li nging zetin sam hi.