HEBRU 12:1 - Ngawm Bible

¹ Ohte vang hitihzah takin, a tammi tetti a elkim uhah a neih uh hangin a hawhnak lampi uh khamtu le a khaktu thil cu vawkin, a sualnak uh bawmngit cu zamsanin le eimu mai ah a ummi, tai zuamdunnakah teimak suahin tai nung hi.

HEBRU 12:1 Iomraidhean Croise

JOB Laibu (The Book of Job) 8:10

Mahnaven tanglaih micip ten na zilh haw henna, a hilh mek haw mi hi ngai hemin;

SAAM LABU 18:23

A mai ah sualnak nei mang, sualnak pen a dangno in um zo ing.

ISAIAH 60:8

A innlam zuanin, a lengmi khulo bangin le meingo bangin a zawkin, a hungmi tinbawte cu kuate haw kaw?

EZEKIEL 38:16

Langkhat lam pen langkhat lam mawk tian ka mihing Israel cu huihpi bangin do tuk ci. Hun a kim ten miphun dang tei lakah akua hing ngim tih langtiknak tukin le nangmu lak a, ka nadehnak hangin ka thianthohnak a lang theihnak tukin ka ngam do tukin ka hahnak beel cu na hi.

EZEKIEL 38:9

Amah le ama lamtangtu a ngalkapte le miphun ten huihpi bangin nuainek haw tuk a, mah ngam cu meingo bangin khuh khawng haw tuk,” ti hi.

MATTHAI 10:22

Keima hangin mi hempoh ten hua haw tuk hi. Mahnaven a dawltawpnak tianin, a nang zo ten nunpatnak ngah haw tuk hi.

MATTHAI 24:13

Mahnaven a dawltawpnak tian thuak le nang zo ten nunpatnak ngah haw tuk hi.

MARKA 10:50

A vansilh laih vawkin, Jesuh lakah dawktulin zuan hi.

LUKA 12:15

Mahten mipi lakah, “Hampumnak namkim lak pen ngalling unna, cingcai zetin um un hi. Itahim titale mi pa khat i nunnak tatak cu izahta in mihau hei hihen, a nunnak cu a thil neihmi humah umma,” ti hi.

LUKA 16:28

Mahlai ah unau pa nga nei ing, amuh beek hilai thuaknak munah a hen haw ngawlnak tukin ngallinnak pia tahen tin hehpih kuun ing hi,’ tin ti hi.

LUKA 21:34

Jesuh in, “Ngallingin um un! Puai bawlin zu inthah le sa ei hei in hihen, nun khuasaknak helhkamin, na umta pahsuh un hi; na um sual uh tale na phawhkhak uh ngawlin mah Ni cu heng tuk hi.

JOHAN 3:32

Amah in, a muhmi le a zakmi thute hilh naven kuamah in, a thu cu pom haw ma hi.

JOHAN 4:39

Numei nu in, “Ka bawlsa mi hempoh hilhleh khawng tin, a tih hangin mah khua sung a, ummi Samaria mi tampi ten Jesuh cu um haw hi.”

JOHAN 4:44

Itahim titale amah loli in, “Profet cu ama umnak ngamah upat awng haw ma,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 12:12

Na muansannak uhin, na lung uh damtik hen; haksatnak na tawh uhten thinsau in um un; catngawlin thungen un.

ROM Khua Khristian Tei Lakah Paul i Laikuat (Paul’s Letter to the Romans) 2:7

Mi khenkhat ten thilpha bawl lelengin sunloihnak, minphatnak le kumkhua nunnak zei haw hi; Mah mite cu Pathian in kumkhua nunnak pia tuk hi.

2 KORIN 7:1

Ka ihmi u le naute aw, hi thutepnak hempoh hi eimu lak a tepmi hi. Mah hangin taksa pumpi hihen, Hawvang hihen, a nintiktu pawpoh cu vawkin, a thiangthono in um nung hi; Pathian upat le kihcaknak tuah nungten nung.

GALATI 2:2

Pathian in, a tiik hangin hawh ing. Bulpakin Khristian puitute tawk ing a, Gentail mitei lakah Thuthangpha ka phuan thu amu lakah son ing. Ka deh sami hihen atu ka deh lih laihmi hei hihen thawn thong a can khawng tuk cu awi mang hi.

GALATI 5:7

Na hawhdan uh cu phazet leng hi. Thutak na zui zo uhmi khi a koi thu in kaw na colhleh thong uh? Itin zoldiak kaw?

EFESA 4:25

Zolthu son toh pahsuh un. Pathian umtu pa khat le pa khat thutak hilhdun leleng tuk hung: itahim titale Khrih pumpi sungah a venghawng uhin sungtel khawng hung hi.

FILIPI 1:30

Mah hangin atu-in ngaldonak sungah keima lakah tel thei bok tuk uh ci. Mah ngal cu nung a ka do lih vang cu mu zo uh ci, tu hei in, na theih uh bangin do li laih ing.

FILIPI 2:16

Nunnak Thuthangpha phuan laihin mahtih bangin vak un hi. Mahti bangin na hi uh tale, Khrih Ni ten maitainak nei tung a, ka nadehnak le teimak ka suahnak hempoh khi thawnthong a hih ngawlnak langtik tuk hi.

2 TIMOTE 2:4

Ngalkap a dektu in amah hotu bawi i deihnak zui a, ngalkap kha ngawl mi thawthong tei thu la sungah cokhel kha haw ma hi.

2 TIMOTE 4:7

Tai zuamnakah a tawpnak tian tai zo ing. Ka upnak vang hah suah ngawlin khimzet len zo ing.

HEBRU 6:15

Abraham cu thinsau zetin, a ngah kiukeu leng hangin Pathian thutiam co ngah hi.

JAMES 1:3

Itahim titale na upnak uh tuah mahtibang khingkhainak le haksatnak na neh uh ten thuakzawhnak heng hi tih cu thei un hi.

1 PETER 2:1

Mah hangin phat ngawlnak hempoh vawk khawng toh un; zolthu sonleh toh pahsuh un; ultungleh toh pahsuh un; mi iksikleh toh pahsuh un, nautatnak awnkamte mangleh toh pahsuh un;

1 PETER 4:2

Mah hangin tu pepan leihum nunnak huncan na neih sung uh hempoh mihing deihnak hi ngawlin, Pathian deihnakin uk hen.

1 PETER 5:1

Pawlpi upavang hi bok ing a, Khrih i thuaknak a mutu le a lang tuk laihmi sunloihnak co boktu tuk keimah in pawlpi upa tei lakah hehpih kun ing.

1 PETER 5:12

Hi laikuat comno hi muantak Khristian unau tin ka ngaihsutmi Silas i bopnak tuah nangmu lakah ka ngatmi hi. Ka sosuah nuammi cu hi laikuat sung a ka ngatmi hi. Pathian i hehpihnak tatak hi tin, a thei ciangtu hi ing a, mah hehpihnak sungah kho zetin ding un hi.

2 PETER 1:6

Na theihnak uh humah supdun theihnak beet hih unna, mahten supdun theihnak humah thuak theihnak beetin, thuak theihnak humah Pathian kihcaknak beet un.

MANGMUHNAK 1:9

Keimah cu na unaupih uh Johan ing hi, Jesuh i nungzuitu pa khat ka hihnak hangin nangmuhte tuah langkhatin Khrih uknak sungah a teltu tei hum a haksat thuaknakte ah, a thuak litu bok ing hi. Pathian thu le Jesuh i phuansuahmi thudik ka hilhnak hangin Patmos tuikulhah a koihmi haw ing.

MANGMUHNAK 13:10

Sal a mat tuk tihsa mite cu mat hi haw tuk a, namsau tuah thah tuk tihmite cu thah ngangai hi haw tuk hi. Hiti bang hun ten Pathian mihing ten thinsaunak, thuak theihnak le muankhonak langtik tuk kul ngangai hi.

MANGMUHNAK 22:16

“Keimah Jesuh in, pawlpi tei lakah hi thute than tukin ka vancungmi nohtei lakah hawhtik ing. Keimah hi David casuan ing hi. Keimah hi a vak zetmi nikonghong Aksi ing,” ti hi.

MANGMUHNAK 3:10

Ka thupiakmi bangin thinsau in haksatnak na thuak theih hangin leihummi hempoh thiatha zohnakin, a heng tukmi haksatnak sung pen luattik tung hi.