HEBRU 11:8 - Ngawm Bible

⁸ Abraham cu upnak a neih hangin Pathian in pia tung hi tin, a tiammi ngamah hawh tukin a sam ten Pathian deihnak a zuinak cu a upnak hangin hi. Ilai lamah hawh tung tih hei thei ngawl na pi in, a khua le tui cu tulsan hi.

HEBRU 11:8 Iomraidhean Croise

PIANPATNAK 11:31

Terah in, a capa Abram le Haran tei ca, a tupa Lot le Abram i zi Sarai cu samin, Kanaan ngam hawh tukin Khaldea ngam Ur khua pen tul hi. Mahnaven Haran khua tian hawh haw in, mahlaiah um haw hi.

PIANPATNAK 12:5

Abram in, a zi Sarai, a nau i capa Lot le Haran khua pen a neih haw mi sal le a neihmi haw hempoh tuah Kanaan ngamah hawh haw hi.

PIANPATNAK 12:7

Topa cu Abram lakah langin, “Na casuan tei lakah ka piak tukmi ngam cu hi ngam hi, tin,” ti hi. Mahlai munah Abram in, a lakah a langmi Topa i ca tukin biaklan dawh hi.

PIANPATNAK 15:5

Topa in, Abram cu pualamah tulpihin, “Van khi zo inna, aksi khi sial hemin, na sial thei tale, mah aksi zah tamin casuan nei tuk ci,” ti hi.

PIANPATNAK 17:8

Atu a, na umnak ngam, mikhual na hihnak ngam hi nangmah le na casuan tei lakah pia tung hi. Kanaan ngam hempoh hi kumkhua in nangmuta hi tuk a, keimah cu na Pathian uh hi tung,” ti hi.

PIANPATNAK 20:13

Pathian in, ka pa i inn zamsanin, ka hen awng ngawlnak ngamah a hah ten, ‘Ka hum a, muantak ngangai na hihnak langtik tukin, ka ningpa hi tin a hawhnak hempoh uhah ti in hi;’ tin Sarah cu ka tepsa mi ti hi.”

PIANPATNAK 22:18

Ka thupiak na ngaih hangin, na casuante muicu ka piak bangin, leihum hinnam hempoh ten muicu ngen haw tuk,” ti hi.

PIANPATNAK 26:3

“Hilaiah umhihin, na lakah um tung a, muicu pia tung hi; itahim titale nangmah le na casuan tei lakah hi ngam hempoh cu pia tung hi. Na pa Abraham lakah ka thutepsa cu kimtik tung hi.

ISAIAH 41:2

Mi hempoh nehin nisuahnak lam pen a puitultu akua kaw? A hawhnak hempoh ah akua in kaw nehnak a pia? Miphun tampi le kumpi tampi humah akua in kaw nehtu a hitik? A nehmite cu leivul bangin a ngalnam tuah satvawk! Cang kungko cu huihin, a muhvawk bangin, A thalcangin khen khektik khawng!

ISAIAH 51:2

Na pu uh Abraham le a hing suaktu Sarah khi ngaisung hem un. Ka sam laihin Abraham cu ca nei ma hi. Mahnaven thupha pia ing a, cano vang pia ing. A casuante cu tampi pungtik ing.

EZEKIEL 36:24

Miphun tihkim le ngam tihkim pen nohte kai khawm tung a, nangmu ngamah kihpih tung.

MIPUM SIALNAK 10:30

Hobab in, “Hung tuk mang; ka ngam le ka miphun tei lakah kik saw tung hi,” tin don hi.

MATTHAI 2:21

A tihnak bangin Josef cu tho in, Israel ngamah kikleh tukin nauno le a nu tuah hawh haw hi.

ROM Khua Khristian Tei Lakah Paul i Laikuat (Paul’s Letter to the Romans) 1:5

Khrih Amah hangin mite sangin a thu a zui theihnak haw tukin Pathian in nungzuitu hihnak covo keimah pia hi.

ROM Khua Khristian Tei Lakah Paul i Laikuat (Paul’s Letter to the Romans) 10:16

Mahnaven mi hempoh ten Thuthangpha cu pom haw ma hi. Isaiah hei in, “Topa akua kaw thuthang ka phuan uhmi a sang,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 6:17

Mahnaven Pathian nelah thangphatnak um tahen! Itahim titale nohte cu sualnak i sila hi awng zo nave uhcin atu-in zilhnak na ngah uhmi sung a thutak khi na lungmu hempoh tuah zui zo uh ci.

2 KORIN 10:5

Pathian theih theihnak tuk cihnak a khamtu pualthaunak cu phialet khawng hung hi. Mihing tei ngaihsutnakte cu sila bangin man a, Khrih thu ngaitu in cangtik hung hi.

DAAN PIAKLEHNAK 9:5

Mipha na hih uh hangin le na bawl uhmi a dik hangin Topa in, a ngam haw pia kha ma hi. Hi hinnamte hi a phatngawl haw hangin le na pu le pa uh Abraham, Isaak le Jakob tei lak a thutepnak a bawlmi a kimtik tum hangin hawlvawk tuk hi.

HEBRU 11:33

Upnak tuah ngam tampi do in neh haw hi. A phami bawlin Pathian thutepmi co haw hi. Kiosa tei kam ciptik haw hi.

HEBRU 5:9

Mi cangkimin, a bawl a thu hangin a thu ngaitu hempoh tei ca in kumkhua nunpatnak bulpi in cang hi;

JOSHUA 24:3

Eufrates ngun ngal pen Abraham cu la in Kanaan ngam khua hempoh ah pui ing. Casuan tampi vang pia ing. A capa Isaak pia ing a,

1 PETER 1:22

Atu-in, thutak na zuinak uh hangin thianthohtikmi hi zo uh ci, umtu unau dang khi lungmu takin it uh ci. Mah hangin na lungmu tak uh tuah pa khat le pa khat itdun un.

1 PETER 3:1

Mahti bang bokin zite aw na pasal tei thu ngai un. Pathian umngawltu ahi vangin nangmu ngamtat phatnakin thu umtu ah cangleh tuk hi. Kam khatno hei na ot uh kul tukma hi.

1 PETER 4:17

Thukhennak a pat hun heng zo hi. Pathian i mihing ten thukhennak tawk masa haw tuk hi. Mahti bangin eimu humah a heng masa tale Pathian Thuthangpha a umngawltu cu itin tawpleh haw tuk him?