HEBRU 11:7 - Ngawm Bible

⁷ Noah in, a muh theih ngawlmi mailam a, a heng tukmi Pathian i ngallin piakmi a theitiktu cu a upnak hi. Pathian thu ngai in, timbaw bawl a, mah sungah amah le a innkua cu himdamno in suakca haw hi. Mah hangin leihum cu thukhennak tawkin Noah cu a upnak hangin Pathian lak pen dikcangnak co hi.

HEBRU 11:7 Iomraidhean Croise

PIANPATNAK 19:14

Lot cu manlang zetin hawhin, a canu tei pasal tukmi tangval tei lakah, “Hi khua pen manlang zetin tul un; itahim titale Topa in, siatsuah tuk hi,” tin hilh hi. Mahnaven cekpan thongin ngai haw hi.

PIANPATNAK 6:13

Pathian in, Noah lakah, “Mihing cu leihum pen botik tukin ngaisung zo ing. Siatsuah khawng tung, itahim titale a bawl haw mi sualnak cu leihumah dim hi.

PIANPATNAK 6:22

Pathian i hilhmi bangkekin Noah in bawl hi.

PIANPATNAK 6:9

Noah i cate cu hite haw hi; capa pa thum nei in, Shem, Ham le Jafet hi. Noah cu miphazet hi in, ama khan sungah amah pa khat bek Pathian tuah pawlkomdun haw hi.

PIANPATNAK 7:23

Leihumah a vak thei mi hempoh, mihing, ngamsa le vano a neubel tianin, Topa in thitik khawng hi. Siatsuah ngawlmi cu Noah le amah tuah timbaw sungah a ummi bek hi haw hi.

PIANPATNAK 7:5

Topa i thupiakmi bangkekin Noah in bawl khawng hi.

PIANPATNAK 8:16

“Na zi, na capate le a zi haw tuah timbaw sung pen tul toh un hi.

2 KUMPI 4:5

Meivongnu cu a capate tuah inn sungah tumin kong a khah nung haw ten, a capa tei cawimi palang sungah, a neihsa mi situi cu thun pepel hi.

JOB Laibu (The Book of Job) 35:8

Na sualnak hangin a thuaktu cu nangma ngualcam hi. Na phatnak tuah na bopmi cu amah leleng hi.

THUPAUCAP 22:3

Micip cu haksatnak amuh ten pial hi. Mahnaven misilin nawkcih lualuamin, a nungten sikleh hi.

THUPAUCAP 27:12

Micipin, haksatnak a hen tuk mu hamin, kian thei haw naven, thu ngaihsutnak nei cuam ngawlin haksatnak tawkin sikleh mek haw hi.

EZEKIEL 14:14

Miphazet pa thum Noah, Daniel le Job a um haw hei in, a phatnak haw in amu nunnak bek hup thei tuk,” ti hi. Cungnungbel Topa in hilh zo hi.

EZEKIEL 14:20

Kei cu a nungmi Pathian ing. Cungnungbel Topa Keimah ka nun bangin, Noah, Daniel le Job ten a nung bok haw hei in, a canote hei hup thei haw tukma hi. A phatnak haw in amu nunnak bek hup thei tuk tin,” ti hi.

EZEKIEL 33:5

Ngallinnak piakmi thei naven imah a sial ngawl hangin a thih cu ama sualman hi. Ngallinnak piakmi a ngaita ahin, luat thei tuk naven!

MATTHAI 2:12

Pathian in micip tei mangah Herod lakah kikleh tuk ngawlin a hilh hangin lampi dang tawnin pin haw hi.

MATTHAI 24:15

Profet Daniel in, a hilh hamsa mi, ‘Ningdelhhuai Thil Nawngkai,’ cu mu tuk uh ci. Mahmi Thil nawngkai cu mun thiangtho ah ding tuk hi.

MATTHAI 24:25

Phawklengta un hi. A laih ngawlin hilh ham ing.

MATTHAI 24:38

Tuihautung laih ngawl sung cu in le ei in, zi nei, pasal nei in um haw hi. Noah timbaw sungah a tum ni tian nop zetin um haw hi.

MATTHAI 3:7

Johan in Farasi mite le Sadusi mitei lakah tuiphum tukin a lakah a hun haw amuh ten, amu lakah, “Maw ngul cikhaih, mi awklawlte, Pathian i bawlsiatnak a heng tukmi sung pen luat thei tuk uh ci, tin, akua in hilh him?

LUKA 17:26

Noah khanlaih a, thil umdan bangin Mihing Capa khanah vangin piang tuk hi.

ROM Khua Khristian Tei Lakah Paul i Laikuat (Paul’s Letter to the Romans) 1:17

Itahim titale Pathian in Amah le mihing tei laklawhah itin lemnak bawl him tih khi langtikin; mahmi cu a patnak pen a tawpnak tian upnak hangin hi. Lai Thiangtho vangin “Upnak hangin Pathian tuah a lemdunmi cu nung haw tuk,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 10:6

Mahnaven Lai Thiangtho in upnak hangin Pathian le mihing tei laklawhah lemnak thu ah hi tin ti hi. “Akua kaw vancungah a kai tuk? tin mah le mah dotdun tuk kha ma hi,” (A tihnuammi cu Khrih cu van pen tolhsuk tuk tihnak hi.)

ROM Khua Khristian Tei Lakah Paul i Laikuat (Paul’s Letter to the Romans) 3:22

Jesuh Khrih a upnak haw i hu le thawm hangin Pathian in mihing tuah lemnak bawl hi. Khrih a umtu hempoh ca in hi bangin Pathian in bawl hi;

ROM Khua Khristian Tei Lakah Paul i Laikuat (Paul’s Letter to the Romans) 4:11

Pathian in vuncep a tan laih ngawl hei in, a upnak hangin midikah sang hi tih melciknakin vunceptalhnak bawl hi. Mahtibang a hih hangin vunceptan ngawl ten amu upnak hangin Pathian i midik tin, a cosanmi tei ca in Abraham cu hawvang lamah pabel hi.

ROM Khua Khristian Tei Lakah Paul i Laikuat (Paul’s Letter to the Romans) 4:13

Pathian in Abraham le a casuante cu hi leipi hi nangmuta tuk hi tin thu a tep ten, Abraham in Daan a zui hangin kha ma hi. Mahnaven Abraham in umin, Pathian in midikin, a cosan hangin saw hi.

ROM Khua Khristian Tei Lakah Paul i Laikuat (Paul’s Letter to the Romans) 9:30

Mah hangin, hitin hilh ung; Pathian tuah lemdunnak bawl awng ngawltu Gentail mite cu a upnak haw i hangin Pathian tuah lemdun zo haw hi.

GALATI 5:5

Mahnaven ohtei a muansan uhmi cu Pathian amah in thiancotik tuk tihmi hi. Mahmi cu eimu upnak i hangin Pathian i Hawvangin bawlsuak tuk hi tih a ngahhelhzet uhmi hi.

FILIPI 3:9

Amah i hangin ihempoh cu vawk khawng ing. Khrih ka co theihnak tukin le amah tuah thiamting zetin ka pehzomdun theihnak tukin ihempoh hi buak bang thongin ngaisung ing. Keima bulin dikcangnak nei lehma toh ing. Atu a dikcangnak ka neihmi cu Khrih upnak hangin piakmi diknak hi; upnak thawmin Pathian lak pen a ngah uhmi diknak hi.

HEBRU 11:1

Upnak nei tihmi cu a muansan uhmi ngah loli tuk hung tin muan le mit tuah amuh uh ngawlmi um tatak tuk tin upmi khi hi.

HEBRU 12:25

Mah hangin nangmu lakah thu a hilhtu i thu el tuk ngawlin ngalling un. Pathian Thuthang lei humah a hilh haw mi a eltu hei khi luat haw ma hi. Vancung pen a hilhtu i thu a ngai uh ma tale itih zahin kaw a luat ngawl sesem tuk uh!

HEBRU 5:7

Leihum a umlaih khin Jesuh in thihnak pen a nunpantu Pathian nelah ngingzet au in, hitui luang thah thungen hi. Mi niamkhiat le nun piatu a hih hangin Pathian zaksak hi.

HEBRU 8:5

Leihum lam pen thiampi tei na a deh haw mi cu vanhum a thiampi dehnak tuk limlaknak hi. Mahti bang bok lengin Moses thu ah vang hi bok hi. Moses in thutiamnak puanbuk a sak tuk ten Pathian in, a lakah, “Mualhum pen zohteh tuk ka lakmi bangkekin sa un,” ti hi.

1 PETER 3:20

Mahti bang a hilhmi hawvangte cu Noah tinbaw bawl laih khin Pathian in thinsau zetin ngak naven thu a ngai nuam ngawl mite haw hi. Tinbaw sungah a tumtute cu mi dawmno haw hi. A venghawngin mihing liat bek haw hi. A muhte cu tui sung pen nunpatmi haw hi.

2 PETER 1:1

Jesuh Khrih i nadektu le a tiikmi keimah Simon Peter in, a Pathian uh i dikcangnak le nunpantu Jesuh Khrih hangin a sunglawimi ka upnak uh a co bokmi nangmu lakah hi laikuat hi ngan ing.

2 PETER 2:5

Tanglaih a, leipi vang Pathian in khawih cuang ma hi. Pathian kihcaknak a nei ngawl miphun tei humah tuihau tungtikin a patsuahmi cu thudik a hilhtu Noah le midang salihte bek haw hi.

2 PETER 3:6

Mahten tui leleng, tuihautungin leipi lun cu siatsuahta hi.