HEBRU 11:6 - Ngawm Bible

⁶ Upnak ngawl tuah kuamah in Pathian lungdamtik theih ma hi, itahim titale Pathian a zuantu in Pathian um hi, tih le amah a zeitu tei lakah laksawng pia hi tih a up haw kul hi.

HEBRU 11:6 Iomraidhean Croise

PIANPATNAK 15:1

Mahnung ten Abraham in muhnak nei in, Topa in, “Abram, lau hihim pahsun. Keimah in lauhuainak sung pen nangmah hup tung a, na thaman ngengzet tuk hi,” tin hilh hi.

1 KHANGSIALNAK 28:9

Mahten nang, “Ka capa Solomon, na pai Pathian cu kihca inna, lungmu khenkhek ngawlin le a thuzui nuamnak lungmu tuah a na cu dek zalin hi. Amah a ngaihsutnak uh le a lungmu uh cu a venghawngin thei khawng hi. A lakah na hawh tale amah in pom tuk hi; mahnaven na nunghek tale kumkhua in nang cu zamsan tuk hi.

JOB Laibu (The Book of Job) 21:14

Mi pha ngawlin, “Keimah zamsanin,” tin Pathian ti haw; “Na lampi hi a theih hei nuam ma ung,” ti haw hi.

SAAM LABU 106:24

Ngampha le ngamnop cu imah simsial haw ma hi; Pathian i thutepnak cu sang haw ma hi.

SAAM LABU 119:10

Ka lungmu venghawngin nangma na dek tukin pia ing. Na thupiakte palcat tuk ngawlin kei cingkhawi in hi.

SAAM LABU 58:11

Miten, “Midik ten laksawng ngah tatak haw. Leihum buppi thukhentu Pathian um ngangai na hi,” tin ti haw tuk hi.

SAAM LABU 73:28

Mahnaven kei cu Pathian elah um ing, itih zahin nop him? A thil bawlmi hempoh hilh le son tukin, Topa Pathian cu ka himnak hi.

SAAM LABU 78:22

Topa cu a thinukin, a mihingte mei tuah bawlsia hi. Amuh cu Topa muang ngawlin le Topa in nunpan thei tuk hi tin, muang haw ngawlin a thinuk pulhang sesem hi.

SAAM LABU 78:32

Mahtibang nalamdang tampi bawl naven a mihingte sual leng haw hi. A Pathian haw cu muang haw ma hi.

THUPAUCAP 11:18

Mipha ngawl ten nemcuamnak ngangai tawk thei haw ma hi. Mahnaven thil man na bawl tale laksawng piak co tatak tuk ci.

THUPAUCAP 8:17

Keimah a ittu cu it bok ing a, keimah a zeitu in mu tuk hi.

ISAIAH 55:3

“Ka mihingte, ngai unna, ka lakah hung un; ka lakah hung unna, nunnak ngah tuk uh ci. Nangmuh tuah kumkhua a kho mi thutiam bawl tung a, David lakah ka tepmi thupha cu pia tung.

ISAIAH 7:9

Israel cu Samaria sangin ngil saw cuang ma. Samaria hei cu kumpi Pekah sangin ngil saw cuang bokma hi. “Na upnak uh a khoh ma tale ngeiphat tukma uh ci.”

JEREMIAH 2:31

Maw Israel mite, ka hilhmi ngai hem un! Noh tei ca in phillawn ngamko bang le ngam thim le ngam lauhuai bang ing maw? Itakaw, “Suakca ung a, keimu nuam bangin nung tuk hung, na lakah kik tukma ung” tin na tih uh.

MIPUM SIALNAK 14:11

Topa in Moses lakah, “Hi mihing ten i tuk tian kaw kei a zawnsak haw tuk? A lak hawah nalamdang tampi bawl zo naveng, keimah muang nuam ngawlin i tuk tian kaw a um haw tuk?

MIPUM SIALNAK 20:12

Mahnaven Topa in Moses le Aaron cu, “Ka thianthohnak huham ka langtikmi na san khawng uh ngawl hangin Israel mipi maiah cangkimno in phuang ma uh ci, mah hangin hi mipi cu pia tung hi ka tihmi ngamah noh ten tumpih tukma uh ci,” tin liat hi.

MATTHAI 11:26

Mahzuh hi, Ka Pa, hitih bangin a piang tukin na deihmi hi.

MATTHAI 5:12

Na thuakman uh cu nohtei ca tukin vancungah laksawng ngengpi koihsa in um, a hih hangin lungdam thatui in, um un. Nangmu laihngawl a profette vang cu mahti bang bokin bawlsiatnak thuak zo haw toh hi.

MATTHAI 6:16

“An na can uhten mi ultungte bangin thasiatnak mitmai tuah um pahsuh un. Mi khenkhat ten an a can haw khi midang ten mu haw nahen tin, a mitmai haw pen langtik haw hi. Thungai in hilh ing, a ngah haw tukmi ngah khawng zo haw hi.

MATTHAI 6:33

Mah sangin Pathian Uknak le a dikcangnak zei masa saw unna, a dang hempoh cu piathuah tuk hi.

MATTHAI 6:5

“Thu na nget uhten mi ultungte bangin ngen pahsuh un. Mi hempoh ten mu haw na hen tin biakpiaknak mun le mipi muhnak lampi ah dingin thungen nuamzet haw hi. Thungai in hilh ing, a ngah haw tukmi ngah khawng zo haw toh hi.

MARKA 16:17

A umtute cu nalamdang bawl theihnak huham piak hi haw tuk hi. Ka minin khawhuai hawlvawk thei haw tuk a; awn thakin awn haw tuk hi.

LUKA 12:31

Mah sangin na Pa uh i uknak thu khi kinmawhin, zei saw unna, thildang cu amah in pialeh tuk,” ti hi.

LUKA 6:35

Mahti bang kha ma hi! Na ngalte it unna, amu humah phatnak bawl un, ngahleh tung tin ngaihsutnak tuah sum leicawi pahsun hi. Mahti bang na bawl uh tale laksawng tampi ngahin, Cungnungbel Pathian i ca hi tuk uh ci. Itahim titale amah cu misual le lungdamnak thei ngawl tei humah hei in pha hi.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

JOHAN 8:24

Mah hangin na sualnak uhah thi tuk uh ci tin ti ing. Mahten ‘Keimah cu Keimah ing hi’ ka tihmi na um uh ma tale na sualnak sung uhah thi ngangai tuk uh ci,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 10:14

A thu umngawltu ten itin a min sam thei haw tuk him? A thu le la a thei hawta ngawlin itin um thei haw tuk him? A thu cu phuan ahimata, itin him a theih zawh haw tuk?

GALATI 5:6

Itahim titale Khrih Jesuh tuah a pehzomdun uh tale vunceptalhnak hihen, tan ngawlnak hei hihen, dangdunnak umma hi. A thupimi cu itdunnak sung pen na a dektu upnak bek khi hi.

HEBRU 11:26

Khrih ca in nautatnak thuak cu Izipt ngamsung a hauhnak hempoh sangin mannei saw, tin ngaisung hi. Itahim titale a muibatmi cu mailam ten a ngah tukmi laksawng hi.

HEBRU 3:12

Thu umtu u le naute, a nungmi Pathian zamsan a nuamtu, lungmu pha ngawl le umngawltu na hih ngawlnak tukin ngalling un hi.

HEBRU 4:2

Itahim titale amuh tei zak bangin eimuh vangin Thuthangpha cu za zo toh hung. Mahnaven Thuthangpha a zak haw mi cu amu ca in nemcuamnak imah umma hi. Itahim titale a zak bek zata zamin upnak tuah pom nuam haw ma hi.

HEBRU 4:6

Thuthangpha a za masatu ten mah colhnak cu ngah haw ma hi, itahim titale sang haw ma hi. Mahnaven co ngahtu tuk midang um hi.

HEBRU 7:19

Itahim titale Moses Daan in cangkimin imah a bawl theihmi umma hi; mahnaven atu-in Pathian a nek theihnak tukin a pha sesem mi muansannak pia zo hi.

HEBRU 7:25

Mah hangin atu le kumkhua in ama sung pen Pathian a zuantu hempoh cu a nun haw pan thei hi; itahim titale kumkhua in, a nun hangin Pathian nelah ngetsak leleng hi.

2 PETER 1:10

Mah hangin u le naute, Pathian i samnak le tennakte khi kumkhua kho tukin zuam dedeuh un. Mahtin na bawl uh tale na upnak uh pen pial awng tukma uh ci.

2 PETER 1:5

Himi loli hangin na upnak uh humah phatnak beet tuk tum unna, na phatnak uh humah theihnak beet tum un.

2 PETER 3:14

Mah hangin ka ih mite mah Ni na ngak lih uh laihin, Pathian mai ah sualnak nei ngawl le a thiangmi hi tukin zuam unna, amah tuah a lemdunmi hi un.

MANGMUHNAK 21:8

Mahnaven, ngalnawm mite, ngalnawmte, ningdelhhuai khawhuai biatute, laithatte, nupa sualnak bawltute, mitzial thiamte, milim biatute le zolthu sontu tei umnak tuk cu tuitingpi bangin meipi le kaat mei sungah na hi tuk a, mahmi cu vei nih thihnak hi,” ti hi.

RUTH 2:12

Hi ti bangin na bawlnak hangin Topa in thupha pia hi. Himnak deihin, a ha nuai a, na belhmi Topa Israel tei Pathian in, a laksawng cu a kimno in pia tahen,” tin ti hi.