HEBRU 11:4 - Ngawm Bible

⁴ Abel cu Pathian a upnak hangin Pathian nelah a piakmi biakpiaknak cu Kain i biakpiaknak sangin pha saw hi. A upnak hangin Pathian in midikah cosang hi, itahim titale a laksawng cu Pathian a lungkim hi. Abel cu thi zo naven a upnakin mi lakah thu hilh li laih hi.

HEBRU 11:4 Iomraidhean Croise

PIANPATNAK 4:10

Topa in, “Itakaw hiti bang a lauhuai nate na bawl? Phuba la nuamin, a auli mi aw bangin, na naupa i thisanin, lei pen keimah sam li hi.

PIANPATNAK 4:15

Mahnaven Topa in, “Mah kha ma hi, nangmah a thattu cu a let salihin phuba lak hi tuk,” ti hi. Topa in, Kain cu a mutu hempohin, a thah haw ngawlnak tukin a humah sialsiahnak bawl hi.

PIANPATNAK 4:25

Adam in, a zi zaupihlehin, capa pa khat neileh haw hi. “Kain in Abel a thah hangin ka ca tukin Pathian in capa pia hi,” tin a min Seth sa hi.

PIANPATNAK 4:8

Kain in, a nau Abel lakah, “Ngam sungah hawh nung,” tin zawm hi. Ngamsung a hen haw ten Kain in Abel cu that hi.

1 KUMPI 18:38

Mahbek ten Topa in mei alh khesukin, biakpiaknak cik le thing le suangte cu kang khawng hi. Lei vang kangko khawngin, khuk sung a, tuite vang kang khawng belh hi.

JOB Laibu (The Book of Job) 8:10

Mahnaven tanglaih micip ten na zilh haw henna, a hilh mek haw mi hi ngai hemin;

THUPAUCAP 15:8

Mipha tei thunget ten Topa lungdam hi. Mahnaven mipha ngawl tei biakpiaknak cu ningdelh hi.

THUPAUCAP 21:27

Mipha ngawl i biakpiaknak cu Topa in ningdelh hi. Lungmu pha ngawlnak tuah a bawlmi cu ningdelh sesem hi.

THIAMPI NADEHNAK 9:24

Phawhkhak ngawlin Topa in mei khesuk a, biaklandawh hum a, biakpiaknak cik hempoh le a thau cu kang khawng hi. Mahmi cu mipi ten amuh haw ten, au in, a mai haw lei tawngkha tianin bok haw hi.

MATTHAI 23:35

Mahti bang a hih hangin sualnak a nei ngawl ten thihnak na thuaktiknak uh hangin dantatnak cu nangmu humah heng khawng tuk hi. Sual nei ngawl Abel pepanin, Biakinn le biaklandawh laklawhah na thah uhmi Berakhiah i capa Zekhariah tian, a thisan a suah haw man cu nangmu humah heng khawng tuk hi.

LUKA 11:51

Abel a thah haw pepan biaklandawh le Mun Thiangtho laklawhah a thah haw mi Zekhariah hangin dantatnak thuak haw tuk hi. Hizuh hi, ciang zetin hilh ing. Hite hangin tulaih khangthak ten bawlsiatnak thuak haw tuk hi.

TITUS 1:16

Amuh ten Pathian theitu ung hi tiduncop haw hi. Mahnaven a deh le a bawlnak haw in zuileh ma hi. Mitkem hahzet le thu ngai ngawlmi haw hangin iti bang thilpha bawltu tuk hei in tak haw ma hi.

HEBRU 11:2

Mahti bang upnak a neihnak haw hangin Ni dang laih a, mihing ten Pathian i lungkimnak co ngah haw hi.

HEBRU 12:1

Ohte vang hitihzah takin, a tammi tetti a elkim uhah a neih uh hangin a hawhnak lampi uh khamtu le a khaktu thil cu vawkin, a sualnak uh bawmngit cu zamsanin le eimu mai ah a ummi, tai zuamdunnakah teimak suahin tai nung hi.

HEBRU 12:24

Abel thisan sangin a thupha saw in, a sontu, Jesuh thehmi thisanah heng zo uh ci.

HEBRU 5:1

Thiampi Sang hempoh cu mipi sung pen tenmi haw hi. Mipi ai-awhin Pathian nadektu tukin koihmi haw hi. A nadeh haw cu biakpiaknak le sualsik biakpiaknak piatu haw hi.

HEBRU 9:22

Daan sung a bangin thisan bekin ihempoh thiangtikin, thisan luannak a um bek ten sual ngaihdamnak um thei hi.

2 PETER 2:8

Mah mipha pa cu mipha ngawl tei lakah nisial umin, a nunzia phat ngawl dan mu in, a theih ten a thin nazet hi.

JUDE 1:11

Amu ca in lauhuai thong si! A zui haw mi cu Kain i zuimi lampi hi. Tangka deihnak hangin Balaam i bawlmi sualnakah a pumpi pia haw hi. Korah bangin langpangin, siatnakah heng bok haw hi.