HEBRU 11:3 - Ngawm Bible

³ Upnak a neih uh hangin lei le van hi Pathian awnkam tuah bawl tih khi thei hung hi; mah hangin Pathian in muh theihmi bawlnakin, muh theih ngawlmi mang hi.

HEBRU 11:3 Iomraidhean Croise

PIANPATNAK 1:1

Amasabelin, Pathian in lei le vante piangtik hi.

SAAM LABU 33:6

Topa in, van a ummi hempoh a thupiaknak tuah semsuahin, a awnkamin ni, hade, aksite bawl hi.

SAAM LABU 33:9

A ot ten leipi cu semsuah hi, A thupiakmi in ihempoh piang hi.

ISAIAH 40:26

Van khi zoto hem un! Na muh uhmi aksi a bawltu, akua kaw? aksi ngalkap hon bangin a hotu in, izah kaw tih thei in, a min haw tekin sam hi. A thawmngengmi, a huham hangin, pa khatno hei lalthong haw ma hi.

JEREMIAH 10:11

(Noh ten, “Lei le van a bawl thei ngawltu pathian cu siatsuah khawng hi tuk,” tin hilh un. Leihum ilai banglai ah umleh haw tukma toh.)

JEREMIAH 10:16

Jakob i Pathian cu mahtih bang thong kha ma. Amah cu ihempoh bawltu hi. Ama mihing tatak hi tukin Israel mite teng; Ama min cu Cungnungbel Topa hi.

JOHAN 1:3

Ama sung pen Pathian in ihempoh bawl hi; bawlmi na hempoh sung pen amah tel ngawlin bawlmi pa khatno hei umma hi.

NUNGZUITU 14:15

“Hitih bangin itakaw bawl na tum uh? Kohte cu nangmuh bang mihing bok ung hi! A nemcuam ngawlmi thil na bawlnak uh pen lei le van, tuipi le a sung a ummi hempoh a bawltu Pathian nung lakah na kihlehnak tukin Thuthangpha hilh tukin hung ung hi.

NUNGZUITU 17:24

Leipi le a sung ummi hempoh a bawltu Pathian cu lei le van i Topa hi in, mihing tei bawlmi biakinn sungah umma hi.

ROM Khua Khristian Tei Lakah Paul i Laikuat (Paul’s Letter to the Romans) 4:17

Lai Thiangtho vangin, “Nangmah cu miphun tampi tei pa in bawl zo ing,” ti hi. Mah hangin mah thutepnak cu Abraham i upmi Pathian mai ah a khomi thutepnak hi. Abraham i upmi Pathian cu mithi a nungtiktu le a thu in, a piang ngawlte piangtik theitu Pathian hi.

1 KORIN 2:7

Kei i phuanmi cihnak cu Pathian i thu-ip cihnak, mihing kuamah i theih ngawlmi leipi a pian laih ngawlin Pathian in eimu sunloihnak tukin a tumtahmi cihnak hi.

1 TIMOTE 4:5

Itahim titale Pathian i awnkam hei in hihen, thungetnak tuah hei in hihen, thiangthotikmi a hih zo toh hangin hi.

HEBRU 1:2

Mahnaven hun dawllam ten ohtei lakah a Capa tawnin hilh hi. A Capa tawnin lei le van bawlin a dawlbel ten ihempoh nei khawngtu tukin teng hi.

HEBRU 6:5

Pathian awnkam a phadan thei ngahtu vang hi haw in, a heng tuk laihmi hun i huham vang a teptu le a thei ngahtute haw hi.

2 PETER 3:5

Ni dang laih cawngin Pathian in, a thu in lei le van semsuah hi, tih thei haw naven a thei ngawl bangin um haw tuk hi. Leipi cu tui sung pen semsuahmi hi a, tui tuah bawlmi hi.

MANGMUHNAK 4:11

“Kohtei Topa le Pathian, nang cu sunloih upat le huham ngah takmi hi ci. Itahim titale nangmah in ihempoh semsuah ci a, na thu in umtikmi le nuntikmi haw hi,” tin ti haw hi.