HEBRU 11:29 - Ngawm Bible

²⁹ Upnak hangin Israel miten tuipi san cu leiko bangin tan phei thei haw hi. Izipt miten a tan tum bok haw naven tui in khuhin, thi khawng haw hi.

HEBRU 11:29 Iomraidhean Croise

NEHEMIAH 9:11

Tuipi satcatin, na mihing tei lampi bawlsak ci, Leiko humah pui in, a hiltute cu tui cawkpi sung a, suangtum a nim bangin, tuipi thuk sungah caak haw hi.

SAAM LABU 66:6

Tuipi leiko in, a suahtik bangin, a pu le pa uhten tuipi sung pen leiko tawnin tan haw hi. Mahti bangin a bawl hangin a humah a lung uh dam hi.

SAAM LABU 78:13

Pathian in tuipi cu khenin, tuite cu pang bangin dingtik hi. Mahlai pen lamhuai hi.

SUAHTULNAK 14:13

Moses in Israel tei lakah, “Lau him pahsuh un, kho zetin ding unna, tuni in nangmuh pan tukin Topa i bawl tukmi na zo un. Tuni a, na muh uhmi Izipt mite muleh tukma toh uh ci.

SUAHTULNAK 14:22

Israel mite cu tuipi sung a, leiko humah hawh haw in, a pang lang le langah tui cu pang bangin tiang hi.

SUAHTULNAK 14:27

Moses in, a baan cu tuipi humah zak a, khua a vak ten tui cu kiklehin, amasa bangin umleh hi. Izipt mite tai suak tumin tui cu nawk li haw naven Topa in tui sungah nimtik khawng hi.

JOSHUA 2:10

Izipt ngam pen na tul uhten, na maicang loli ah, Tuipi San cu kangtik tih za zo ung. Jordan ngun i nisuahnak lam a, um Amor miphun tei kumpi pa nih Sihon le Og le a ngalkap na thah khawng uh vang za bok ung hi.