HEBRU 10:39 - Ngawm Bible

³⁹ Ohte cu nungkikin, a pha thongmi hi ma hung hi. Upnak nei in, nunpatnak a cotu saw hung hi.

HEBRU 10:39 Iomraidhean Croise

SAAM LABU 44:18

Ka lungmu uh hawkdak ma ung; na thupiak ngai ngawlin um awng ma ung.

THUPAUCAP 1:32

Thu ngaihsutnak nei ngawl ten cihnak a kik haw hangin thi haw hi. Misilte cu a zulzaunak haw in siatsuahleh tuk hi.

THUPAUCAP 14:14

Mipha ngawl ten a phat haw ngawlman ngah haw tuk a, mipha ten a phatman haw ngah haw tuk hi.

MARKA 16:16

A kuakua hei hihen a thu umin, tuiphumnak a ngahtu hempoh cu nunpat hi haw tuk hi. Mahnaven a thu um ngawlte cu sual thaman thihnak thuak haw tuk hi.

LUKA 11:26

Mah nungten hawhin amah sang siasuak saw dawi ngilo salih zawmin, mahlai ah um haw hi. Mah hangin mahpa cu a dawltabel ten amasa sangin tampi sia saw in um,” ti hi.

JOHAN 17:12

Amuh tei lakah ka umlaihin nangma piakmi na min i huham tuah hup ing. Lai Thiangtho sung a, ummi a kimnak tukin a thamthong tukmi pa khat tih sialngawl cu mi pa khat hei thamthong haw ma, humhim khawng ing.

JOHAN 20:31

Mahnaven hi zong hi ngan ing a, ka ngatnak sullam cu noh ten Jesuh cu Khrih, Pathian Capa hi tih umin amah na muannak uh i hangin nunnak na neihnak tukin hi.

JOHAN 5:24

Thutakin hilh ing; kua hei hihen ka otmi zain, kei a tiiktu a um tale kumkhua nunnak nei hi. Thukhennak tawk ngawltohin, thihnak pen nunnakah tum zo hi.

JOHAN 6:40

Itahim titale Capa mu in, a umtu hempoh ten kumkhua nunnak a ngah haw tuk khi ka pa i deihnak hi, mahten ni dawlbel ni ten nunnakah thokiktikleh tung,” ti hi.

1 THESALON 5:9

Pathian in, a thinuknak thuaktik tukin ohte teng ma hi; mahnaven a Topa uh Jesuh Khrih sung pen patnak ngah tukin teng hi.

2 THESALON 2:3

Kuamah in zol haw pahsuh hen. Itahim titale dawlbel ngal dodunnak a hen laih ngawl le hell sungah a cak tukmi Mi Ngilo Pa a hen laih ngawlin Topa i ni cu heng tukma hi.

1 TIMOTE 6:9

Mahnaven a hau nuam mite cu sualloihnak tawkin, tisa deihnak thang sungah awk haw hi. Mah tisa deihnakin, a muhte siatik hi.

HEBRU 10:26

Thutak a theih ngah ceng uhten, sualnak khi thei leng na pi in, sualnak a bawl leleng uh tale sualthiannak tuk biakpiaknak a dang imah umleh ma toh hi.

HEBRU 10:38

A dikcangmi ka miphun ten sangin nung haw tuk a, mahnaven nungkiktu a um haw tale, a hum hawah ka lungdam tuk mang,” ti hi.

HEBRU 11:1

Upnak nei tihmi cu a muansan uhmi ngah loli tuk hung tin muan le mit tuah amuh uh ngawlmi um tatak tuk tin upmi khi hi.

1 PETER 1:5

Hun dawlbel ten langtik tukin, atu a koihsami nunpatnak cu upnak hangin Pathian i huham tuah cinkhawimi nangmuh tei co tukmi lo le lam hi.

2 PETER 3:7

Mahnaven atu a ummi van le lei pi hi mei tuah siatsuah tukin, Pathian i thupiaknak lelengin, a khawih hihmi haw hi. Pathian a zawnsaktute cu thu a khen ni le siatnak a tawh haw tuk ni ca in khawih hihmi hi haw hi.

1 JOHAN 5:16

Na unau uh pa kha khatin, thihpihtak ngawlmi sualnak a bawl na mu tale Pathian nelah thunget sak inna, Pathian in luatnak pia tuk hi. Himi cu thihpihtak ngawlmi sualnak a bawltu tei ca in hi. Mahnaven thihpihtak sualnak umin, mahmi a bawltu tei ca in, Pathian nelah thunget sak un ti mang hi.

1 JOHAN 5:5

Leihum nehtute cu a kuate him? Jesuh cu Pathian Capa hi tin, a umtu hempoh cu leihum nehtute haw hi.

MANGMUHNAK 17:11

Nung awng naven atu-in, a nungleh ngawl tohmi sahang cu kumpi bawi liatnak hi; kumpi bawi salih lakah a telmi na hi a, siatnak le lalthongnakah heng tuk hi.

MANGMUHNAK 17:8

Hi na muhmi sahang cu nung awng naven atu-in nungleh ma toh hi, taw nei ngawl khuk sung pen tul tuk a, siatnak le lalthongnakah letvawk tuk hi. Leihum mihing, leipi pian laih ngawlin nunnak laibu sungah a min a ngat khak ngawl ten mahmi sahang a zoh haw ten lamdangsazet haw tuk hi. Nung awng naven atu-in nungleh ma toh; mahnaven langleh tuk laih hi.

1 SAMUEL 15:11

“Kumpi in Saul ka bawl cu lungsiazet ing. Keimah cu nunghekin ka thupiakmi zui ma,” ti hi. Samuel cu a thinuk ngangai in zankhua Topa i lakah thungen hi.