HEBRU 10:37 - Ngawm Bible

³⁷ Itahim titale Lai Thiangtho in, “A ngei ngawlin amah cu heng tuk hi.

HEBRU 10:37 Iomraidhean Croise

ISAIAH 26:20

Maw ka mihingte, na inn sungah tum unna, na kongka uhte khak un! Pathian thinuknak a bo laklawh cu ngelh un hi.

ISAIAH 60:22

Na mi lak pen a neubel le a nautabel innkuate hei cu leihum pen a ngilmi miphunte bangin nasezet haw tuk hi. A hun a kim ten, manlang zetin hengtik tung. Keimah hi Topa ing,” ti hi.

MATTHAI 11:3

“A heng tuk laihmi um hi tin, Johan i tihmi cu nangmah hi cim maw, mahma tale midang ngak hih tuk ung kaw?” tin Jesuh dong haw hi.

LUKA 18:8

Ciang zetin hilh ing. Manlang zetin, a phuba laksak tuk hi. Mahnaven Mihing Capa a hunsuk ten upnak neitu mu nave ni maw,” ti hi.

FILIPI 4:5

Mi hempoh tei humah lungnem un. Topa cu hungpal tuk hi.

HEBRU 10:25

Munkhatno in, a pumkhawm mek uhmi khi zamsan thong ma nung. Mi khenkhat ten zamsan haw naven Topa i Ni a nai dedeuh li toh hangin, oh cu pa khat le pa khat thazaang a piadun dedeuh tuk mite hung hi.

2 PETER 3:8

Ka ihmite thu pa khat hi phawkngil pahsuh un, Topa i zohdanin, ni khat cu kum thawng khat bangin le ni thawng khat cu ni khat bangin, ama mai ah bangve haw hi.

2 PETER 3:9

Topa cu a thutepmi kimtik tukin a zuancum hi, tin mi khenkhat ten a ngaisung haw hei in, a zuancum hi kha ma hi, nangmu humah thinsaunak a neih hang hi saw hi, itahim titale pa khatno hei siatnak tawk ngawlno in, mi hempoh a sualnak haw pen a kihleh theihnak haw tuk a deih hangin hi.

MANGMUHNAK 22:20

Hi thu hempoh hi man hi tin theihpihtu in, “Man loli hi, hungpal tung,” ti hi. Amen. Topa Jesuh! Hung tohin hi.