HEBRU 10:36 - Ngawm Bible

³⁶ Pathian deihnak a bawl thei tukin le a thutepmi co thei tukin thinsau in um un.

HEBRU 10:36 Iomraidhean Croise

SAAM LABU 37:7

Topa i mai ah cingdenno in ngak inna, ama na cu thinsau zetin ngakin hi. Mi neinung a hih haw hangin lauthawngin um pahsun. Thil pha ngawl bawl tei a lawhtin haw ten lauthawng pahsun.

SAAM LABU 40:1

Topa i bopnak cu ngak leleng ing, ka aw cu ngai in, ka aunak cu za hi.

MATTHAI 10:22

Keima hangin mi hempoh ten hua haw tuk hi. Mahnaven a dawltawpnak tianin, a nang zo ten nunpatnak ngah haw tuk hi.

MATTHAI 12:50

Kua hei hihen vancungah a ummi ka Pa i deihnak bang a bawltu hempoh cu ka u le nau, ka celnu le ka nute haw hi,” tin don hi.

MATTHAI 21:31

Hi capa pa nih tei lak pen akua saw in kaw a pa i deihnak a bawltu?” tin dong hi. Amuh ten, “A capa upa saw,” tin don haw hi. Jesuh in, “Thungai in hilh ing: siahkhontu le numei pha ngawlte hi nangmu laih ngawlin Pathian Uknak sungah tum haw tuk hi.

MATTHAI 24:13

Mahnaven a dawltawpnak tian thuak le nang zo ten nunpatnak ngah haw tuk hi.

MATTHAI 7:21

‘Topa, Topa,’ tin a sam litu hempoh ten vancung Uknak sungah heng khawng haw tukma hi. Vancung a um ka Pa i deihnak a bawltute bekin heng haw tuk hi.

MARKA 3:35

Pathian i deihnak bangin a nungcatute cu ka unau, ka u le nau le ka nu hi haw tuk hi.”

LUKA 21:19

Kho zetin, na ding uh tale nunpatnak ngah tuk uh ci,” tin ti hi.

LUKA 8:15

Lei ngam phatnakah a cuu mi anci i sullam cu Pathian thu cu za haw a, lungmu pha le thuhilh sangin, a tawp tian ngah nei in, a umtute haw hi,” tin ti hi.

JOHAN 7:17

Pathian i deihnak a bawl nuam ngangai ten ka zilhmi thu hi Pathian lak pen a heng ngangai mi maw, keima lungmu thong him tih cu khenkhuai thiam haw tuk poh hi.

NUNGZUITU 13:22

David i thu cu Pathian in hitih bangin ti hi: ‘Jesse capa David cu ka deihmi hi. Ka bawltik nuam hempoh cu bawl tuk hi,’ ti hi.

NUNGZUITU 13:36

Itahim titale David cu ama nun sungah Pathian deihmi na cu dekbok naven, a thih ten a pu le pa tei lakah vui haw in, a taksa cu khansungah muatta hi.

ROM Khua Khristian Tei Lakah Paul i Laikuat (Paul’s Letter to the Romans) 12:12

Na muansannak uhin, na lung uh damtik hen; haksatnak na tawh uhten thinsau in um un; catngawlin thungen un.

ROM Khua Khristian Tei Lakah Paul i Laikuat (Paul’s Letter to the Romans) 12:2

Hi leihum mihing nundan hi zui kha toh pahsuh un; mah sangin na sunglam uh pen Pathian in, na lungmu uh thek khawng saw hen. Pathian i deihnak cu thei tuk uh ci a, Pathian mai ah a pha mi, a lungdamnak tuk ikaw tih cu cangkimin thei tuk uh ci.

ROM Khua Khristian Tei Lakah Paul i Laikuat (Paul’s Letter to the Romans) 2:7

Mi khenkhat ten thilpha bawl lelengin sunloihnak, minphatnak le kumkhua nunnak zei haw hi; Mah mite cu Pathian in kumkhua nunnak pia tuk hi.

ROM Khua Khristian Tei Lakah Paul i Laikuat (Paul’s Letter to the Romans) 8:25

Mahnaven amuh uh ngawlmi muansan ahi uh tale thinsau in ngak lo hung hi.

1 KORIN 13:7

Itnak cu lungkiam tih nei ma hi, a upnak, muansanmi le thinsaunak cu bo ni nei ma hi.

GALATI 6:9

Mah hangin a phami bawl cu colhsan pahsuh un. A colhsan uh ma tale ancop hun hengleh tuk hi.

EFESA 6:6

Mahtin nadeh uhten a mitmuh sung bekah mitmai pha ngah nuamnak tuah dek pahsuh un. Khrih i sila bangin Pathian i deihmi cu na lungmu hempoh uh tuah dek un hi.

KOLOSE 1:11

Ihempoh na tawh uhten thinsaunak le thuak theihnak nei tukin Pathian sunloihnak pen a tulmi thazaangin ngilnak pia zal tahen.

KOLOSE 3:24

Mahten Topa in, a mihing tei ca in, a koihsami dehman cu pia tuk hi, tih khi cing leleng un hi. A na nadeh uh ngangai mi Topa cu Khrih khi hi.

KOLOSE 4:12

Epafras in nuksat bok hi, amah cu nangmu pawlah sungtel hi a, Khrih Jesuh i nadektu hi. A lungmu tatak tuah nangmu ca thungen lelengin, kho zetin, na din theihnak tukin, Khristian lamah piting na hih theihnak tukin le na upnak uh thu na theihciang theihnak tukin Pathian nelah ngen mek hi.

1 THESALON 1:3

Itahim titale na upnak uh nisial na nundan uh pen a langmi itdunnak na neih uh hangin nase zetin, na nadehnak uh thu le, a Topa uh Jesuh Khrih sungah muansannak na neih uhmi a khodan thu thungetnak tuah a pa Pathian uh lakah hilh leleng ung hi.

HEBRU 11:39

Upnak a neizet haw hei in Pathian i tepsa mite co ngah haw ma laih hi.

HEBRU 12:1

Ohte vang hitihzah takin, a tammi tetti a elkim uhah a neih uh hangin a hawhnak lampi uh khamtu le a khaktu thil cu vawkin, a sualnak uh bawmngit cu zamsanin le eimu mai ah a ummi, tai zuamdunnakah teimak suahin tai nung hi.

HEBRU 13:21

Lemdaihnak Pathian in ama deihmi na bawl theihnak tukin, na kul uhmi thilpha hempoh khi pia zazal tahen; Jesuh Khrih hangin a deihmi cu bawl zal hen. Kumkhua pen kumkhua tian Khrih cu sunloih hi tahen! Amen.

HEBRU 6:12

Thazawngmi na hih tuk uh cu awi mang hi; mahnaven Pathian i tepsami a cotu tukin upnak le thinsaunak a neitu bangin hi un, tih deih ung hi.

HEBRU 6:15

Abraham cu thinsau zetin, a ngah kiukeu leng hangin Pathian thutiam co ngah hi.

HEBRU 6:17

Pathian in, a tuptahmi khelleh awng ma hi, a thutepmi a cotu tuk tei lakah ciang zetin theihtik a nuam hangin a tepmi i humah ama min salin thutepnak tuah bet nawm laih hi.

HEBRU 9:15

Mahti bang a hih hangin Pathian i sammi ten Pathian i tepsami kumkhua thupha co theihnak tuk thutiamnak thak a ngaisungtu cu Khrih amah hi. Mah bangin a hih theihnak cu ama thihnak hangin hi. A thihnakin thukham masa i nuai a um haw laihin, a sualnak haw sung pen luattik hi.

1 PETER 1:9

Itahim titale Jesuh Khrih na upnak uh hangin tumtahnak na neih uhmi, hawvang nunpatnak cu co ngah tuk uh ci.

1 JOHAN 2:17

Leipi le a sung ummi na le mihing tei a deih tutun haw mite thamthong pepel zo hi. Mahnaven Pathian deihnak a bawltu cu kumkhua nung tuk hi.

MANGMUHNAK 13:10

Sal a mat tuk tihsa mite cu mat hi haw tuk a, namsau tuah thah tuk tihmite cu thah ngangai hi haw tuk hi. Hiti bang hun ten Pathian mihing ten thinsaunak, thuak theihnak le muankhonak langtik tuk kul ngangai hi.

MANGMUHNAK 14:12

Hiti bang hun ten Pathian mihingte, Pathian thukham a zuitute le Jesuh ca in muantak zetin, a nungtu ten thinsau in thuak theihnak a neihmi haw langtik kul ngangai hi.