HEBRU 10:34 - Ngawm Bible

³⁴ Thawngtate a haksatnak haw thuakpih uh ci. Na neih uhmi van hempoh a lonsak khawng haw ten, na sunnak uhte cu lungdamin umpih thei uh ci; itahim titale hi vante sangin a pha saw mi le kumkhua a kho leleng tukmi nei leng hung tih khi thei uh ci.

HEBRU 10:34 Iomraidhean Croise

THUHILHTU 3:6

Zei hun umin, paihtik hun um hi. Cop hun umin, vawk hun um hi.

MATTHAI 19:21

Jesuh in, “Mi cangkim na nuam ngangai tale hawh inna, na neihmi hempoh zuakin, na ngahmi tangka cu mi ca-ngahte pia in hi; mahten vancungah sum le pai nei tuk ci. Mahceng ten keimah zui in,” ti hi.

LUKA 10:42

Mahnaven a kul ngangai mi cu pa khat bek um hi. Mary in thil dik teng ngah zo tohin, kuamah in lonsakleh thei haw tukma toh,” ti hi.

LUKA 12:33

Na neih uhmi thil hempoh zuak khawng unna, na ngah uhmi tangka cu mi ca-ngah sem khawngta un. A sia thei ngawlmi tangka bawm noh tei ca in ngaisung unna, vancungah na tangka uhte khawl un hi. Mahlai munah nguca ten tok kha thei haw tukma hi. Sal ek hei kai thei tuk ngawl a hih hangin ituk mahten paithong tukma hi.

LUKA 9:25

Mi pa khatin, leihum hempoh hi co ngahin, ama nunnak a bo ahin i nemcuam kaw? Imah nemcuam ma hi.

NUNGZUITU 21:33

Ngal bawipa cu Paul i lakah hawhin, a mat celh ten thik taicin pa nih tuah khih tukin thupia hi. Mahten mipi tei lakah, “Hi pa hi akua him? I sualnak kaw a bawl?” tin dong hi.

NUNGZUITU 28:20

Mah hangin nangmuh ka tawh nuamnak le thu ka hilhnuamnak hi. A ngangai in hitih bangin taicin khih ka hihnak cu Israel tei muansan lelengmi pa i hangin hi,” ti hi.

NUNGZUITU 5:41

Nungzuitute cu khonsil upa tei lak pen a tul haw ten lungdamzet haw hi; Itahim titale Jesuh min hangin minsiatnak thuak tukin Pathian i teksa hi tin ngaisung haw a hih hangin lungdam mahtak haw hi.

2 KORIN 5:1

Ohtei umnak hi leihum thi le sa pumpi hi a siat khawng hei in, Pathian in vancungah eimu umnak tuk a sakmi, kumkhua a sia thei ngawlmi inn, eimu ca in koih hi tih cu thei hung hi.

EFESA 3:1

Mahti bang a hih hangin Jesuh Khrih ca in thawng a tami keimah Paul in, Gentail mi nangmuh tei ca in, Pathian nelah thungen li ing.

EFESA 4:1

Topa i nadehnak hangin thawngta mi keimah in; Pathian sapmi na hih uh bangin na nunnak uhah Pathian sammi na hihnak uh langtik un, tin so ing.

EFESA 6:20

Atu-in thawng sungah um naveng, Thuthangpha phuangtu palai ing. Thuthangpha cu ka phuan tuk a hih bangin ngalhang zetin ka phuan theihnak tukin thungetsak un hi.

FILIPI 1:7

Nangmuh cu ka lungmu sungah caam leleng uh ci. Nangmu humah hiti bang lungmu ka neihmi hi a nei tukin tak ing. Itahim titale atu thawnginn sung ka umah hihen, a pualamah luat zetin Thuthangpha tanpih lo in, khohkhah hen tin ka dehnakah hei hihen, Pathian i hehpihnak hangin ka comi ka dehvo ah na venghawng uhin tel leleng bok uh ci.

KOLOSE 1:5

A manmi Thuthangpha na nel uhah a hen tungin, iti bang muansannak pia him tih cu nangmuh ten thei uh ci. Mah hangin upnak le itnak na neih uhmi cu vancungah nangmu ca in cangkim zetin koihsami muansannak humah bulphuh haw hi.

1 TIMOTE 6:19

Mahti bangin a zui thei haw tale mailam ca in, nunnak bulpi tatakah zungsa ngahtu hi haw tuk a, lo le lam a khawlsate hi haw tuk hi. Mahten nunnak tatak cu co haw tuk hi.

2 TIMOTE 1:16

Mahnaven Onesiforas in vei tampi ka lungnoptik a hih hangin Topa in, a hehpihnak cu amu innkua sungah hengtik tahen.

2 TIMOTE 2:9

Thuthangpha ka phuan hangin haksatnak thuak ing, mi suaksual bangin thik taicin tuah khih tawk ing. Mahnaven Pathian thu cu thik taicin tuah khih theihmi kha ma hi.

2 TIMOTE 4:8

Atu-in ka Topa thudik khentu Topa in, mah ni khua ten a piak tukmi nehnak laksawng cu ka ca in, a koihsami cu ngak ing. Mah laksawng cu dikcangnak lukhu hi, keima ca bek kha ma hi; itnak tuah a lang tukmi amah a ngaktu hempoh tei ca hei in hi.

HEBRU 11:16

A muh tei ngaihsutmi le a ngaih haw mi cu ngam pha deuh saw mi van cung ngam khi hi.

HEBRU 13:14

Itahim titale hi leihumah kumkhua a kho mi khuapi nei ma hung; a heng tuk laihmi khuapi bek cuan hung hi.

HEBRU 13:3

Thawngtate phawkngil thong pahsuh un; Amuh tuah thawngta langkhat bangin ngaisung un. Haksatnak a thuaktute phawkngil pahsuh un; amuh tuah a thuak bangin ngaisung un.

HEBRU 9:15

Mahti bang a hih hangin Pathian i sammi ten Pathian i tepsami kumkhua thupha co theihnak tuk thutiamnak thak a ngaisungtu cu Khrih amah hi. Mah bangin a hih theihnak cu ama thihnak hangin hi. A thihnakin thukham masa i nuai a um haw laihin, a sualnak haw sung pen luattik hi.

JAMES 1:2

U le naute nangmu lakah haksatnak a phunkim a hen ten mi bawngpha hung tin ngaisung un.

1 PETER 1:4

Pathian in, a mihing tei ca a koihmi lo le lam co tukin ngakhel zetin um ung hi. Mah lo le lam cu nangmu ca vancungah koihsakin, a sia thei ngawlmi kuamah i nguk theih ngawlmi le a muat thei ngawlmi hi.

1 JOHAN 3:2

Ka ihmite aw, atu-in Pathian cate hi zo hung hi; mahnaven iti bang tuk laih kam hung tih cu ciang ma laih hi. Khrih a hunsuk ten amah bang tuk hung hi tih cu thei hung hi. Itahim titale ama hihnak bang loli in mu tuk hung hi.