HEBRU 10:33 - Ngawm Bible

³³ Vei kha khat ten mipi muhah haksatnak le bawlsiatnak tawk uh ci, mahtih bangin zotsaknak le bawlsiat a thuaktu midang tei haksatnak thuakpih bok uh ci.

HEBRU 10:33 Iomraidhean Croise

SAAM LABU 69:9

Na Biakinn ka letkhonak cu ka sungah mei bangin alh hi; Nangmah a zotsaknak hempoh cu ka humah heng hi.

SAAM LABU 71:7

Mi tampi tei ca in ka nunnak hi zohteh tak hi. Itahim titale nang cu a khozetmi ka ngal kulhtian hi ci.

SAAM LABU 74:22

Maw Pathian aw, tho inna, na thu cu dinpihin hi. Pathian thei ngawl tu ten sun nilui cekpan bawlnakin, a man haw cu cing lelengin hi.

SAAM LABU 79:12

Topa aw, na thangsiatnak na nelah a hentik mi haw hangin miphun dadang tei lakah zotsaknak let salihin heng lehtikin hi.

SAAM LABU 89:51

Maw Topa na ngal ten na tensa mi kumpi cu zawnsak leita haw si! A hawhnak hempoh ah zawnsak haw hi.

ISAIAH 51:7

Diknak a theitu nohte, ngai un. Ka zilhnak lungmu sungah a koihtu! Midang ten thumin, a zawnsak haw hei in imah lau pahsuh un!

NAHUM 3:6

Nautatnak tuah zo tung. Mi tei ningdelhmi in bawl tung a, miten lamdangsa in, zo haw tuk hi.

ZEKHARIAH 3:8

Mah hangin Thiampi Sang; Joshua, phano in ngai in, thiampi Joshua i ngualcamte, nohte cu mailam hun pha limlaktu hi uh ci. Thingkak tin a sam haw mi keima nadektu cu na nelah langtik tung hi!

1 KORIN 4:9

Kohtei tiikmite hi Pathian in nautabelin koih hi tin ngaisung ing; puai zohnak mun mipi mai pen thah tak mihing, vancungmite le leihum mitei mai ah nuihsuak bawlnak thongin manmi mihing ung hi.

2 KORIN 12:10

Jesuh Khrih i hangin ka thanem ten hihen, zotsak nautatnak, vancaukapin umnak, bawlsiatnak le haksatnakah hihen thinkim zetin um thei zo ing. Itahim titale ka tha a nem ten ka lungdamin ngilcang sesem ing.

FILIPI 1:7

Nangmuh cu ka lungmu sungah caam leleng uh ci. Nangmu humah hiti bang lungmu ka neihmi hi a nei tukin tak ing. Itahim titale atu thawnginn sung ka umah hihen, a pualamah luat zetin Thuthangpha tanpih lo in, khohkhah hen tin ka dehnakah hei hihen, Pathian i hehpihnak hangin ka comi ka dehvo ah na venghawng uhin tel leleng bok uh ci.

FILIPI 4:14

Mahnaven haksatnak ka tawh hun ten kei na bop theih uh cu miphazet uh ci.

1 THESALON 2:14

U le naute aw, Judea ngamsung a Pathian i pawlpi le Khrih Jesuh i mihing tei tawhmi thil cu nangmuh vangin tawk bok uh ci. Judah miten a bawlsiat haw bangin nangmuh vang nangmu ngamsung mi lala ten bawlsia haw hi.

2 TIMOTE 1:8

Ohtei Topa i thu cu, hilh tukin na zakca pahsun hi. Khrih ca in thawngta mi keimah hangin zakca in um pahsun. Pathian in thazaang a piak bangin Thuthangpha ca in cimnak thuak ngam saw in hi.

HEBRU 11:26

Khrih ca in nautatnak thuak cu Izipt ngamsung a hauhnak hempoh sangin mannei saw, tin ngaisung hi. Itahim titale a muibatmi cu mailam ten a ngah tukmi laksawng hi.

HEBRU 11:36

Mi khenkhat cu zotsak le vah tawk haw. Mi khenkhat cu thik taicin tuah khihin, thawnginnah khia haw hi.

HEBRU 12:4

Itahim titale sual na donak uhah thihnak tham tian do ma laih uh ci.

HEBRU 13:13

Mah hangin eimuhte vang ngiahbuk pawleu ah hawhin, a thuakmi zahcaknak thuak bok tukmi hung hi.