HEBRU 10:27 - Ngawm Bible

²⁷ Amu ca in, a heng tukmi Pathian thukhennak le Pathian a dotute kang khawngtu tuk a lauhuai meipi khi lau mahtakin ngak tuk bek na hi haw hi.

HEBRU 10:27 Iomraidhean Croise

SAAM LABU 21:9

Na henleh ten amuhte cu, pumsuknak meiling bangin haal khawng tuk ci. Topa in, a thinukin, siatsuah khawng tuk a, mei tuah kangtum khawng tuk hi.

ISAIAH 26:11

Bawlsia tuk ci tih na ngal ten thei haw ma. Maw Topa zakca in bawl inna, thuak haw tahen. Na ngaihsutsa mi thuaknak cu thei haw tahen. Na mite itihzah tianin it cim tih lakin hi.

ISAIAH 33:14

Zion um misualte cu thinsu in can tawtok haw “Pathian i thukhennak cu kumkhua alh lengmi mei bang hi. Ohtei lakah mahtih bang mei alh sung pen a luat theitu um nung maw?” tin ti haw hi.

JEREMIAH 4:4

Maw Judah mi le Jerusalem mite, na Topa uh keimah tuah a bawl uhmi thutiamnak cu kimtik unna, keima ca thiangtho zetin ap un hi. Mahti bangin na bawl uh ma tale na thil bawl sual uhmi i hangin ka thinuknak cu mei bang alh tuk a, a cuhmit theitu kuamah um haw tukma,” ti hi.

EZEKIEL 36:5

Cungnungbel Topa keimah in, elkim ngamte, Edom ngam hum bebelah hilh zo ing. Nuihsan le nautatnak tuah ka ngam cu la in, mun nopte luah khawng haw hi.

EZEKIEL 38:19

Ka thinuknak mei bangin a ling laih takin thuthan ing. Mah ni ten Israel ngamah nase zetin hiinhing tuk hi.

DANIEL 5:6

Mahbek ten a mitmai sia khawng a, lau zetin, a khuk hing tawtok hi.

HOSEA 10:8

Israel tei biakmi Aven mualhum a, milimte cu siatsuah khawng tuk hi. A biaklandawh haw humah hampa le ling kungte po tuk hi. Mipi ten mualsang tei lakah, “Keimuh delhin,” tin kun haw tuk hi.

JOEL 2:30

“Vanah hihen, leihumah hei hihen, ngallinnak langtik tung hi. Thisan le mei alh, meikhu tom um tuk hi.

NAHUM 1:2

Topa in amah dodaltute zo thong ma hi. Amah langpangtute cu dantatin, a thinuknak tuah lulleh hi.

ZEFANIAH 1:18

Topa in, a thinuknak a langtik ni a hen ten a sui le ngun ten kuamah pan thei tukma hi. A thinuknak meipi in lei buppi cu kang tuk hi. Leihum a um mi hempoh hi thakhat thu in, a nunnak haw botik tung hi.

ZEFANIAH 3:8

“Ngak hih un! Miphun tampi sual ka nawt ni tian ngak hih un. Miphun tampi le uknak tampi ten ka thinuknak a nase dan a theihnak haw tukin le munkhatah hulawm tukin ngaisung ciang zo ing. Ka thinuknakin lei buppi hi mei bangin kang khawng tuk hi.

MALAKHI 4:1

Ihempoh tithei Topa in, “Somei bangin a lingmi meiling heng tuk hi. Mi pualthau le mipha ngawlte cang kungko bangin a halkang ni heng tuk toh hi. Mah ni ten amuhte cu mei tuah haltum khawngin, a zung le a kangkakte vang imah tang tukma toh hi.

MIPUM SIALNAK 16:35

Topa in mei alh khiasukin, namtui biakpiaknak a bawltu za nih le sawm nga cu kangtum khawng haw hi.

MATTHAI 13:42

Mah mite cu mei sungah khia haw tuk a, mahlai ah kapin, hacang ngawi haw tuk hi.

MATTHAI 13:50

meipi sungah vawk haw tuk hi. Mahlai ah kap le tau in, hacang ngawi in um haw tuk hi,” tin ti hi.

MATTHAI 25:41

“Mahten a veilamah a um tei lakah, ‘Noh Pathian i tamsiat mite ka lak pen tai un. Satan le a zuitu tei ca in bawlsa, a mit awng ngawl meipi sungah hawhta un.

MATTHAI 3:10

Thingkungte phuhnak tukin a bulah heipi koihin um zo hi. Ngah pha a ngah ngawlmi thingkung hempoh cu phuh hi haw tuk a, mei sungah vawk hi tuk hi.

MATTHAI 3:12

A khut sungah cangkhepnak lawhphek cawi hi. An cang cu beem sungah khumin, a sivaite cu a mit awng ngawl mei sungah haal tuk hi.”

MATTHAI 8:29

Thakhat au haw in, “Pathian Capa, kohtei lakah i bawl tuk nge cim? A hunkim laih ngawlin keimuh bawlsia tukin maw na hun,” tin ti haw hi.

LUKA 16:24

Mahten mihau pa in, ‘Pa Abraham kei hehpih zalin hi. Lazaras in, a khutzung cu tui ah nim henna, ka lei ah caksuk tukin cialin hi. Itahim titale kei cu hi meipi sungah hin ka thuak haksa leita hi,’ tin ti hi.

LUKA 19:27

Atu-in, kumpi tukin a deih ngawltu ka ngalte cu hilai ah hunpih unna, ka mitmuhin that un,’ tin a kumpipa in ti hi,” tin Jesuh in hilh hi.

LUKA 21:26

Leihum buppi ah a heng tukmi thu a ngaihsut haw ten mi tampi cu thinsu leita haw hangin lungmitin lum haw tuk hi. Itahim titale vanhum a ummi cu a ping le pangah thehkeh khawng haw tuk hi.

LUKA 23:30

Mah hun ten amuh ten, mualsangte aw keimuh hi delhin hi. Mualbawkte aw, kohte dipsukin hi,’ tin au haw tuk hi.

JOHAN 5:29

a inn khan sung haw pen a tulnak haw hun heng tuk hi; thilpha a bawltute cu khan pen tholehin, nung haw tuk hi; mahten thilpha ngawl a bawltute cu tholeh bok haw tuk naven lawlmi hi haw tuk ti hi.

DAAN PIAKLEHNAK 32:43

Maw leihum mite, Topa i mihingte tuah na lung uh dam un, A mihing a thattu cu bawlsia tuk, a ngal tei humah phuba la tuk hi. A mihing tei ngamsung a, mawhnak cu somciang khawng tuk hi.

HEBRU 12:25

Mah hangin nangmu lakah thu a hilhtu i thu el tuk ngawlin ngalling un. Pathian Thuthang lei humah a hilh haw mi a eltu hei khi luat haw ma hi. Vancung pen a hilhtu i thu a ngai uh ma tale itih zahin kaw a luat ngawl sesem tuk uh!

HEBRU 12:29

Itahim titale a Pathian uh cu mi a kangtum theitu mei tuah bangve hi.

HEBRU 2:3

Mahtibang ahi tale oh ten a thupi zetmi nunpatnak hi imah simsial ngawlin a um uh tale itin kaw bawlsiatnak a luat theih tuk uh? Topa amah loli in, hi nunpatnak thu cu than masabelin, a zatu hempoh ten a dikzia langtik zo haw toh hi.

HEBRU 9:27

Mihing cu a kuakua hei hihen vei khat thih dan poh hi; mahnung ten Pathian in thukhen tuk hi.

JAMES 5:3

Na sui le ngun uhte cu salkai khawngin, mah salkaimi in nangmuh a mawhsiattu tetti in cang tuk a, meikang bangin na taksa uh a eitu hi tuk hi. Tu in, a dawlbel hunah a lalthong khawng tukmi sum le pai khawl uh ci.

MANGMUHNAK 20:15

Akua hei hihen nunnak laibu sung a, min ngan ahi ngawl hempoh cu tuiting bangmi meipi sungah vawk na hi haw hi.

1 SAMUEL 2:25

Mi pa khatin midang humah a sual tale, a lemtu tukin Pathian um hi. Mahnaven mi pa khatin Pathian humah a sual tale, akua in lemnak bawl thei tuk him?” tin ti hi. A pa haw in liat li naven sang nuam haw ma hi, mahnaven amuhte cu thitik tukin Topa in ngaisung sa zo hi.