HEBRU 10:22 - Ngawm Bible

²² Mah hangin a kho mi upnak tuah Pathian cu neek tuk hung. Sualnak lungmu thiantikmi le tui tuah thiantikmi a pumpi uh tuah Pathian cu zuan un hi.

HEBRU 10:22 Iomraidhean Croise

1 KUMPI 15:3

A pa i bawlmi sualnakte bawl khawng bokin, a pu David bang hi ngawlin Abijah cu Topa a Pathian nelah muantak ma hi.

1 KHANGSIALNAK 28:9

Mahten nang, “Ka capa Solomon, na pai Pathian cu kihca inna, lungmu khenkhek ngawlin le a thuzui nuamnak lungmu tuah a na cu dek zalin hi. Amah a ngaihsutnak uh le a lungmu uh cu a venghawngin thei khawng hi. A lakah na hawh tale amah in pom tuk hi; mahnaven na nunghek tale kumkhua in nang cu zamsan tuk hi.

1 KHANGSIALNAK 29:17

Mitei lungmute khingkhai in, lungmu tuang neitu humah na lungdam hi, tih thei ing. Lungmu tuangzet le lungmu tak tuah hi na hempoh pia ing hi, hilai ah a hung mite vangin lungdam thatuino in, na lakah pia haw hi, tih mu zo ing.

SAAM LABU 111:1

Topa cu thangphat un! Mipi tei tawhdun khawmnakah ka lungmu venghawngin Topa cu thangphat tung.

SAAM LABU 119:10

Ka lungmu venghawngin nangma na dek tukin pia ing. Na thupiakte palcat tuk ngawlin kei cingkhawi in hi.

SAAM LABU 119:145

Ka lungmu ngangai tuah sam ing; Topa aw, don inna, na thu zui tung.

SAAM LABU 119:2

A lungmu venghawng tuah Topa i thu a ngaitu le a thupiakmite a zuitu cu mi muicute haw hi.

SAAM LABU 119:34

Na daante cu ciangno in zilh inna, zui tung hi. Ka lungmu venghawngin zui tung hi.

SAAM LABU 119:58

Ka lungmu ngangai in ngen ing; na thutepsa bangin, Ka humah hehpihnak nei zalin hi.

SAAM LABU 119:69

Mi ultung ten ka thu cu zol thu ngehin son haw; Mahnaven ka lungmu venghawngin, na daan cu zui ing.

SAAM LABU 119:7

Lungthiangin nang thangphat tung. Na thukhennak dikzia ka theih hangin

SAAM LABU 119:80

Zakca mualpho in ka um bok tuk ngawlnakin, Na thutep cu cangkim zetin zui thei zal nang ngei!

SAAM LABU 32:11

Noh midikcangte, Topa lakah lungdam thatui in um un. Noh lungmu phate, lungdam zetin au un hi.

SAAM LABU 51:10

Maw Pathian aw, lungmu thiang ka sungah piangtikin; ka sungah a thak le a dikmi hawvang cu koihin hi.

SAAM LABU 73:28

Mahnaven kei cu Pathian elah um ing, itih zahin nop him? A thil bawlmi hempoh hilh le son tukin, Topa Pathian cu ka himnak hi.

SAAM LABU 84:11

Topa cu humhimtu le a sunglawi kumpipa hi. Hehpihnak le sunloihnak tuah muicu pia hi. Thilpha a bawltu tei nelah thilpha piak tuk cu phalzet hi.

SAAM LABU 9:1

Topa aw, ka thin le lung venghawng tuah nangmah cu pahcawi tung, na lamdang thasiahhuai na bawlmi cu hilh tung.

SAAM LABU 94:15

Thukhennak munah man le dikcang zetin thukhennak umleh tuk hi, Midikcang hempoh ten mah dikcangnak tuah thukhennak cu lungkim pih haw tuk hi.

SUAHTULNAK 29:4

“Keima umnak puanbuk kongka ah Aaron le a capate cu na hunpih unna, tuibual haw hen hi.

THUPAUCAP 23:26

Ka capa, na lungmu ngangai tuah hu ngai in, Ka nundan hi zohtehin hi.

ISAIAH 29:13

Topa in, “Himi ten bia haw naven a ot haw cu sullam nei ngawlin, a lungmu haw cu ilai lamah hum vakvai thong. Amu ca in biaknak tihmi cu mihing tei bawlcopmi dan noinang thial le thil tihdan thongpohte hi, zo ngawlin a sial haw mite hi.

ISAIAH 52:15

Miphun tampi ten a zoh haw ten, amthong haw tuk, Kumpi tampi ten lamdang sa in, ot tuk imah thei haw tukma. A zoh haw ten ni dangin, a theih awng haw ngawlmi thei haw tuk,” ti hi.

JEREMIAH 24:7

Topa ka hihlam a theihnuamnak haw tukin, kei cu a Pathian haw hi tung hi. Itahim titale a lungmu hempoh tuah ka lakah kikleh haw tuk hi.

JEREMIAH 3:10

Hiti bang nung hei ten Israel i unau numei pha ngawl Judah cu ka lakah a kikleh bang hengin um hi. Mahnaven a lungmu sung tatak tuah kikleh ma hi. Keimah, Topa in hilh zo ing,” ti hi.

JEREMIAH 30:21

Amuh uktu cu amu miphun sung pen piang tuk hi. A kumpipa haw i capa cu amu miphun hi tuk hi. Mahpa in, ka sam ten keimah nek tuk hi. Akua kaw sam ngawlin, a hung ngam tuk hi. Amuh cu ka mi hi haw tuk a, kei cu a Pathian haw hi tung hi. Keimah, Topa in hilh zo ing.”

EZEKIEL 16:9

“Mahten tui la ing a, na thi cu nawtciang sakin, na vun cu olif thau noih ing.

EZEKIEL 36:25

Tuithiang tuah theh tung a, milim biaknak le a nawngkaitiktu hempoh vang thiangthotik tung.

THIAMPI NADEHNAK 14:7

A phaaknat pen thianthohtik tukmi pa cu thiampi in vano thi tuah vei salih tian theh tuk a, mahnung ten thiangtho hi, tin tituk hi. A nungmi vano cu ngam lakah hah tuk hi.

THIAMPI NADEHNAK 16:4

Topa in, a nuailam a daan pia hi. Mun Thiangthobel sungah a tum laih ngawlin Aaron cu tuibualta tuk a, thiampi thuam angki cual manpha, sungsilh, taikilh le lupawng thuam tuk hi.

THIAMPI NADEHNAK 8:6

Moses in Aaron le a capate cu mailamah tulpihin thiannak tukin tisomtik hi.

ZEKHARIAH 13:1

“Mah hun a hen ten,” Cungnungbel Topa in, “David casuante le Jerusalem mite a sualnak haw le a milim biaknak haw pen thiangtik tukin ciktui pa khat put tuk hi.

MIPUM SIALNAK 8:7

A thianthoh hawnak tukin tui theh inna, a pumpicing haw in mul a meh nungten, a van sawp henna, mahten thiangtho haw tuk hi.

MATTHAI 3:11

Sualnak pen sikleh uh ci tih theihnakin, kei in tui tuah tuiphumnak pia ing. Mahnaven keima nung pen a hung tukmi pa in, Hawvang Thiangtho le mei tuah hinthaknak pia tuk hi. Amah cu kei sangin a thawm ngeng saw hi; kei cu a kedam cawitu tuk hei in tak mang.

LUKA 1:1

Ka ihmi Theofilas aw: Mi tampi ten ohtei lakah a piangmi thute cu a pha theibel tukin ngan haw hi.

JOHAN 3:5

Jesuh in, “Thutak hilh ing: kua hei hihen tui le Hawvang tuah hinleh ahimata Pathian Uknak sungah tum thei tukma hi.

JOHAN 8:9

Hi thu a zak haw ten pa khat nung pa khat nungkik pepelin tai leleuh hawta hi. Upa deuh ten tai kuh pan masabel haw hi.

NUNGZUITU 22:16

Mahti bang a hih hangin ngeipi ngak pahsun! Tho in, tuiphum inna ama lak a, na thungetnak hangin na sualnak cu thiantik hi tuk ci,’ tin ti hi.

NUNGZUITU 8:21

Pathian i muhnakah na lungmu manngawl hangin keimu nadehnak sungah tel ma ci, covo vang nei ma ci.

1 KORIN 6:11

Mi khenkhat cu mahti bang sualnak a bawlte hi uh ci. Mahnaven sualnak pen thianthohtikmi le Pathian nelah apmi hi zo uh ci; Topa Jesuh Khrih le a Pathian uh i Hawvang thawmin Pathian tuah lemduntikmi hi zo uh ci.

2 KORIN 7:1

Ka ihmi u le naute aw, hi thutepnak hempoh hi eimu lak a tepmi hi. Mah hangin taksa pumpi hihen, Hawvang hihen, a nintiktu pawpoh cu vawkin, a thiangthono in um nung hi; Pathian upat le kihcaknak tuah nungten nung.

EFESA 3:12

Khrih tuah a pehzop dunnak uh i hangin le Amah a upnak uh i hangin Pathian umnak munah lungmuang zetin tum theihnak nei hung hi.

EFESA 5:26

Hitih bangin a bawlnak cu pawlpi hi, tui sungah a somciangnak hangin a thianthohtik nungten a thu in Pathian nelah ap tukin hi.

EFESA 6:5

Silate aw, na bawipa uh khi kihca in upat un. A na haw nadeh uhten Khrih i na hi tih bangin lungmu tak tuah dek un hi.

1 TIMOTE 4:2

Mahtibang zilhnakte cu mizol thiam ten pungzaitik haw hi. Amuhte cu thiksa noih bangin sia le pha khenkhuai theihnak lungmu a nei ngawlmite haw hi.

TITUS 3:5

Oh ten na pha a bawl uh hang hi saw ngawlin ama hehpihnak hangin nunpatmi hung hi. Hawvang Thiangtho i somciangnak hangin hinthaknak le nunnak thak ngah hung hi.

HEBRU 10:1

Judah tei Daan in, a tatakmi cu ciangzet le kim zetin langtik thei ma hi; a heng tuk laihmi thilpha i limlak hamnak bek hi. A bawl lih mek haw biakpiaknak cu kumsialin bawl leleng haw hi. Mah ahi tale itakaw Daan zui in, Pathian a zuantu khi mi cangkimin, a bawl theih tuk?

HEBRU 10:19

Mah hangin u le naute, Jesuh thisan i hangin Mun Thiangthobel tum theihnak luatnak cangkim nei zo hung hi.

HEBRU 11:28

Upnak a neih hangin Kaltan Puai cu bawlin kongka humah thisan theh tukin thupia hi. Mahtin a bawlnak cu Israel tei capa tawntil, a thattu vancungmi in that pahsuh hen tihnak hi.

HEBRU 12:24

Abel thisan sangin a thupha saw in, a sontu, Jesuh thehmi thisanah heng zo uh ci.

HEBRU 4:16

Mah hangin hehpihnak umnak mun Pathian i khunnakah ngalpha zetin zuan nung. Mahlai pen a kul le sap uhten hehpihnak cu ngah tuk hung hi.

HEBRU 6:11

Na muansannak uh a cangsuak theihnak tukin a tawp tian zuam ten un, tih hi ka deihsaknak uh a ngengbelmi hi.

HEBRU 7:19

Itahim titale Moses Daan in cangkimin imah a bawl theihmi umma hi; mahnaven atu-in Pathian a nek theihnak tukin a pha sesem mi muansannak pia zo hi.

HEBRU 9:10

Itahim titale mah biakpiaknakte cu an le tui le thianthohnak i bawlmi biakpiaknak tuah a pehdunmi haw hi. Mah mite cu a pualam daan bebek hi haw in, Pathian in ihempoh a thakin lep laihngawl sung bekin man mite hi haw hi.

HEBRU 9:19

Moses in masabelin Daan laibu sung a ummi thukham hempoh cu mipi than hi. Mahten khuicang thisan le keel thisan khi la in tui tuah a loih celh ten, tuumul san kencihmi hyssop tihmi thingkung mangin Daan laibu le mipi cu thehin, “Na zui tuk uh,

JAMES 1:6

Mahnaven mahtin a nget ten lungmu aicannak um ngawlin, ngah loli tung tin upnak tuah ngen hen. Lungmu aicannak a neitu cu huih i mun hempoh amuh vawkmi tuicawk bang hi.

JAMES 4:8

Pathian neek unna, neek bok tuk hi. Noh misualte, na khut uh a ciangno in som un, noh mi ultungte na lung uh thiangtik un.

1 PETER 1:2

Jesuh Khrih i thu na zuinak tuk uhin le ama thisan tuah a thiantikmi na hih theihnak tukin nohte cu Pa Pathian tuptahnak bangin tenmi le ama hawvangin mi thiangtho ah a bawlmi hi uh ci. Pathian hehpihnak le lemdaihnak cu nangmu lakah lawhting zetin um tahen.

1 PETER 3:21

Mahmi cu atu-in nangmuh nunpantu tuiphumnak i lim laktu hi. Hi tuiphumnak cu nangmu taksa pumpi a ninmi somnak tuk hi ngawlin, a sia le pha khenkhuainak lungmu thiang tuah Pathian nelah thutiam bawl na hi saw hi. Jesuh Khrih thawhlehnak hangin tuiphumnakin nangmuh nunpan hi.

MANGMUHNAK 1:5

A muanhuai theihpihtu, hin masakbel Capa, thihnak pen thawh kiklehtikmi leihum kumpite uktu Jesuh Khrih i hehpihnak le lemdaihnak thupha cu nohtei humah um tahen. Ohte it in, a thihnak hangin sualnak pen luattik zo hi.