HEBRU 10:10 - Ngawm Bible

¹⁰ Itahim titale Pathian i dehtik a nuammi cu Khrih in, a bawl khawng hangin ama pumpi kumkhua phatmi a piaknak hangin ohte a sualnak uh pen thiangtik hi.

HEBRU 10:10 Iomraidhean Croise

ZEKHARIAH 13:1

“Mah hun a hen ten,” Cungnungbel Topa in, “David casuante le Jerusalem mite a sualnak haw le a milim biaknak haw pen thiangtik tukin ciktui pa khat put tuk hi.

JOHAN 17:19

Amuhte vang thutakin, a thiangtik theihnak tukin keimah vang thiangtik cop zo ing.

JOHAN 19:34

Ngalkap pa khatin, Jesuh i naak pen a ceipi tuah sunto a, thakhatin thi le tui thiang luang tul hi.

JOHAN 6:51

Vancung pen a hungsukmi nunnak cangho cu keimah ing hi. Hi cangho a eitu pawpoh cu kumkhua in nung haw tuk hi. Ka piakmi cangho cu ka taksa hi toh hi. Ita pia hing ngim titale leihum mitei nunnak tukin hi.”

1 KORIN 1:30

Khrih Jesuh cu na nunnak uhah a bulpantu cu amah Pathian hi. Pathian in Khrih cu eimu cihnak tukin bawl hi. Khrih i hangin ohte cu Pathian tuah lemdun zo hung. Pathian mi thiangtho in suak zo hung a, a suakcami hi zo hung hi.

1 KORIN 6:11

Mi khenkhat cu mahti bang sualnak a bawlte hi uh ci. Mahnaven sualnak pen thianthohtikmi le Pathian nelah apmi hi zo uh ci; Topa Jesuh Khrih le a Pathian uh i Hawvang thawmin Pathian tuah lemduntikmi hi zo uh ci.

EFESA 5:2

Khrih in eimuh it in, a nunnak eimuh ca in Pathian lungdamtiktu namtui piaknak le biakpiaknakah a piakcopnak bangin na nunnak uh cu itnakin uk hen.

EFESA 5:26

Hitih bangin a bawlnak cu pawlpi hi, tui sungah a somciangnak hangin a thianthohtik nungten a thu in Pathian nelah ap tukin hi.

HEBRU 10:12

Mahnaven Khrih i biakpiaknakin vei khat pia in, mahmi cu kumkhua ca phaat hi; mah nungten Pathian i taklamah khung hi.

HEBRU 10:14

Vei khat biakpiaknakin sualnak pen a thiantik mite cu kumkhua cangkimin bawl hi.

HEBRU 10:20

Amah in lampi thak, lampi nung, puanzak sung pen hong sak zo hi. Mah puanzak cu ama taksa pumpi khi hi,

HEBRU 10:29

Mahti bang ahi tale Pathian Capa a simsial ngawltu le sualnak pen a thiangtiktu Pathian thutepmi thisan a simsial ngawltu le hehpihnak neitu, Hawvang a zawnsaktu itih bangin bawl haw kam ni? Mahti bang mihing ten itihzah bawlsiatnak thuak haw kam ni? Ngaisung un!

HEBRU 10:5

Mahti bang a hih hangin lei humah Khrih a hunsuk ten Pathian nelah, biakpiaknak le piaknak cu na deihmi kha ma hi; mahnaven keima ca in taksa pum tuangtim sak zo ci.

HEBRU 13:12

Mah hangin Jesuh vang a thisan cu mipi tei sual thiantiknak tukin khuapi pualeu lamah thi hi.

HEBRU 2:11

Mihing tei sualnak somciangin, a somciang sak mitei Pa cu pa khat hi. Mah hangin Jesuh in amuhte cu “ka unaupih” tin sam tukin zakca ma hi.

HEBRU 2:14

Mahten “Naupangte” tin a sammi a mihingte cu thi le sa a neimi a hih haw hangin Jesuh hei cu amuh bangin thi le sa nei in mihing nunah nung bok hi. Hi tin, a bawlnakin, a tuptahmi cu ama thihnak pen thihnak hum a, thuneitu Satan khi siatsuahin,

HEBRU 5:7

Leihum a umlaih khin Jesuh in thihnak pen a nunpantu Pathian nelah ngingzet au in, hitui luang thah thungen hi. Mi niamkhiat le nun piatu a hih hangin Pathian zaksak hi.

HEBRU 7:27

Amah cu thiampi dangte bang kha ma hi. Thiampi dang bangin nisialin ama ca sualhah biakpiaknak pia masabelin, mahceng ten mipi tei ca sualhah biakpiaknak piak masa kulma hi. Amah in biakpiaknak vei khat bek pia a, kumkhua phaatin, a nunnak a piakmi khi hi.

HEBRU 9:12

Mun Thiangthobel munah kumkhua phaat tukin vei khat bek Khrih a tum ten biakpiaknak tukin keel le khui thite cawi ngawlin ama thisan cawi in, eimu ca in kumkhua nunpatnak bawlsak hi.

HEBRU 9:14

Mahti bangin sualnak a thiang thei ahi tale Khrih i thisanin amah le mah biakpiaknakin pia hi. A nungmi Pathian na a deh theihnak tukin, imah nemcuam ngawlmi a zui nuamnak uh lungmu bawmngit khi a thisanin thiangtik tuk hi.

HEBRU 9:26

Mahti bangin leipi pianpat pepan vei tam leita thuak kul tuk hi! Mahti bang hi ngawlin atu hun dawlbelnak a bo kuanno ten amah le mah biakpiaknakah piadunin, sual a thiantik theihnak tukin kumkhua phaatin vei khat bek lang hi.

HEBRU 9:28

Mahti bang bokin Khrih hei in mihing tei sualnak thiangtik tukin biakpiaknak vei khat bek pia hi. A vei nihnak hungleh tuk a, mahten sualnak thu ah hileh ngawltohin amah a ngaktu tei nunpan tukin hi tuk toh hi.

1 PETER 2:24

Khrih in ama pumpi loli tuah a sualnakte uh cu thinglamteh humah a henpih zo hangin ohte cu sualnakah mithi hi zo nave hung diknak sungah a nung tuk mite hung hi. A thuaknak liammate hangin damnak ngah zo uh ci.

1 PETER 3:18

Itahim titale mihing tei sualnak hangin Khrih cu kumkhua phaat thihnak thuak hi; nangmuhte Pathian nelah hen tukin mipha pa cu misual tei ai-in thi hi. A tisa in thihnak thuak naven Hawvangin nunglehtik hi.

1 JOHAN 5:6

Jesuh Khrih cu tuiphumnak le thisan luangin thihnak tuah a hungmi hi. Tui tuah bekin hungmi hi ngawlin tui le thisan tuah a hungmi hi. Hitih bang a hunnak cu a dikmi loli hi tin Hawvangin theihpih hi; itahim titale Hawvang cu thutak hi.