HEBRU 10:1 - Ngawm Bible

¹ Judah tei Daan in, a tatakmi cu ciangzet le kim zetin langtik thei ma hi; a heng tuk laihmi thilpha i limlak hamnak bek hi. A bawl lih mek haw biakpiaknak cu kumsialin bawl leleng haw hi. Mah ahi tale itakaw Daan zui in, Pathian a zuantu khi mi cangkimin, a bawl theih tuk?

HEBRU 10:1 Iomraidhean Croise

THIAMPI NADEHNAK 9:16

Halkang biakpiaknak tukin ngan vang cu la in, a daan bangin biakpiaknak bawl hi.

ROM Khua Khristian Tei Lakah Paul i Laikuat (Paul’s Letter to the Romans) 8:3

Mihing hihnak hi a nawmtam leita hangin daan i bawl theih ngawlmi khi Pathian in bawlsak hi. Ama Capa loli pia in, mihing hihnak sung a ummi sualnak khi thukhennak pia hi; mah a Capa cu sualnak bothaltik tukin mihing hihnak tuah hung hi.

KOLOSE 2:17

Mahti bang zui tuk le zui tuk ngawl tihmi cu, a hengleh tuk laihmi lak hamnak bek hi haw hi. A ngangai mi cu Khrih hi toh hi.

HEBRU 10:22

Mah hangin a kho mi upnak tuah Pathian cu neek tuk hung. Sualnak lungmu thiantikmi le tui tuah thiantikmi a pumpi uh tuah Pathian cu zuan un hi.

HEBRU 7:11

Israel ten Levi casuan thiampi tei hum tawnin, Daan cu ngah haw hi. Mahten Levi mi thiampi tei nadeh khi a cangkim bang ahin, thiampi phundang, Aaron casuan kha ngawl, thiampi Melkhizedek casuan hin kul tukma hi.

HEBRU 8:5

Leihum lam pen thiampi tei na a deh haw mi cu vanhum a thiampi dehnak tuk limlaknak hi. Mahti bang bok lengin Moses thu ah vang hi bok hi. Moses in thutiamnak puanbuk a sak tuk ten Pathian in, a lakah, “Mualhum pen zohteh tuk ka lakmi bangkekin sa un,” ti hi.

HEBRU 9:11

Mahnaven Khrih cu thilpha a um sami humah Thiampi Sang hi tukin hung zo hi. A nadehnak puanbuk cu ngeng saw in cangkim sih hi. Mihing tei bawlmi puanbuk hi kha ngawlin, hi leihum i bawlmi sungah tel kha ma hi.

HEBRU 9:23

Vancung a ummi thil a cuncop haw mite cu mahtih bangin thiantik kul haw hi. Mahnaven vancung a um a tatak hei in biakpiaknakte pha sesem kul hi.

HEBRU 9:25

Judah mi Thiampi Sang cu kumsialin nganhing thisan kengin Mun Thiangthobel ah tum hi. Mahnaven Khrih cu amah le mah biakpiaknakah pia cop tukin vei tampi tum ma hi.