HEBRU 1:6 - Ngawm Bible

⁶ Mahnaven Pathian in, a catawntil lei humah a tiik ten, “Pathian i vancungmi hempoh ten, amah cu bia haw tuk,” ti hi.

HEBRU 1:6 Iomraidhean Croise

SAAM LABU 97:7

Milim a biatu cu zakca in um haw hi; pathian dang hempoh vangin, Topa i mai ah kun haw hi.

MATTHAI 24:14

Mahten miphun hempoh tei theih khawng tukin vancung Uknak Thuthangpha hi leihum khua hempoh ah phuan hi tuk hi. Mah nungten a tawpnak cu heng tuk hi.

JOHAN 1:14

Mah Thu cu mihingah cangin, eimu lakah um a; hehpihnak le thutak tuah dim hi. A sunloihnak mu hung a, Pa in, a Capa neihcalam lakah a piakmi sunloihnak hi.

JOHAN 1:18

Kuamah in, Pathian cu mu awng ma hi. A Pa in, a Capa neihcalam, a angsungah a umtiknakin langtik zo hi.

JOHAN 3:16

Pathian in leihum hi a ih leita hangin a Capa neihcalam pia in, amah a umtu hempoh cu thi ngawlin kumkhua nunnak nei haw tuk hi.

ROM Khua Khristian Tei Lakah Paul i Laikuat (Paul’s Letter to the Romans) 8:29

Pathian in, a tensa mite cu a Capa bang tukin a dangno in koih hi; mahten unau tampi lakah a Capa cu pa khatnak a hihnak tukin hi.

DAAN PIAKLEHNAK 32:43

Maw leihum mite, Topa i mihingte tuah na lung uh dam un, A mihing a thattu cu bawlsia tuk, a ngal tei humah phuba la tuk hi. A mihing tei ngamsung a, mawhnak cu somciang khawng tuk hi.

KOLOSE 1:15

Khrih cu muh theih ngawlmi Pathian i mel langnak hi. Amah cu ca upabel hi a, bawlmi thil hempoh sangin humtabel hi.

KOLOSE 1:18

Pawlpi cu Khrih i taksa pumpi hi a, Khrih cu a lu hi. A pumpi i nunnak bulpi cu Khrih amah hi. Amah cu capa tawntil hi a, ihempoh i humah pa khatnak a hih lelengnak tukin thihnak pen thawhlehtik hi zo hi.

HEBRU 1:5

Itahim titale Pathian in itih bang vancungmi hihen, “Nang cu ka Capa ci, tuni in, na Pa ah cang zo ing” ti awng ma hi. Mah humah i bang vancungmi hei hihen, “Kei cu a Pa hi tung a, amah cu ka Capa hi tuk hi,” tin ti awng ma hi.

HEBRU 10:5

Mahti bang a hih hangin lei humah Khrih a hunsuk ten Pathian nelah, biakpiaknak le piaknak cu na deihmi kha ma hi; mahnaven keima ca in taksa pum tuangtim sak zo ci.

1 PETER 3:22

Amah cu vancungah kai in, Pathian taklamah khung hi. Vancungmi hempoh le van a thuneihnak le huham hempoh humah thuneitu hi.

1 JOHAN 4:9

Pathian in, a itnak cu a Capa neihcalam hi leihumah a piaksuknakin langtik hi. Amah hangin nunnak a co theihnak tukin hi.

MANGMUHNAK 1:5

A muanhuai theihpihtu, hin masakbel Capa, thihnak pen thawh kiklehtikmi leihum kumpite uktu Jesuh Khrih i hehpihnak le lemdaihnak thupha cu nohtei humah um tahen. Ohte it in, a thihnak hangin sualnak pen luattik zo hi.