HEBRU 1:14 - Ngawm Bible

¹⁴ Mah ahi tale vancungmite cu akua hum? Amuhte cu Pa i nadektu hawvang hi haw in, nunpatnak a ngahnak tuk bawmtu tukin Pathian i nadektute haw hi.

HEBRU 1:14 Iomraidhean Croise

PIANPATNAK 32:24

amah bek tang hi. Jakob cu zing khuavak kuan tian mi pa khatin buan hi.

1 KUMPI 22:19

Mikaiah in, a awn cu pehlehin, “Atu-in Topa i awnkam ngai in hi! Topa cu vancung a kumpi khunnak humah khungin, a vancungmite a taklam le veilamah a din haw mu ing.

JOB Laibu (The Book of Job) 1:6

Topa i mai ah vancungmite a hun ni haw a kim ten Satan vang a lak hawah tel bok hi.

SAAM LABU 104:4

Huihte cu na kamtai ah mangin, khuaphelep al cu na sila in bawl ci.

SAAM LABU 34:7

Topa a kihcatute cu a vancungmi ten cing haw in, Thinsuk launak pen amuhte cu pan hi.

DANIEL 3:28

Kumpi in, “Shadrak, Meshak le Abednego i Pathian cu thangphat hi tahen! A nadektu le a muangtute pan tukin a vancungmi hah hi. A biakmi a Pathian haw sialngawl pathian dang bia in le a mai ah kun sangin ka thupiakmi elin, a nunnak haw tian pia ngam saw haw hi.

DANIEL 6:22

Pathian in kiosa tei kam huptu tukin a vancungmi hahin, pa khat hei in keimah siatsuah haw ma hi. Sualnak nei mang, kumpipa na humah mawhnak ka neih ngawl hangin,” ti hi.

DANIEL 7:10

meiling cu tui luang bangin mahlai pen tul zuzung hi. A nadektu tukin mihing a thawng a za um haw in, a mai ah mihing a thawng athawngin, ding haw hi. Thukhennak cu panin, laibute keu haw hi.

MATTHAI 1:20

Mahnaven hi bangin a ngaihsut laihtakin, Topa i vancungmi pa khat cu a mangah langin hitih hin hilh hi. “David casuan Josef aw, Mary sung a ummi nau cu Hawvang Thiangtho i neihtikmi a hih hangin zi tukin lau pahsun.

MATTHAI 13:41

Mihing Capa in, a Uknak sung pen mi a sualtiktu le thilpha ngawl a bawltute cu a pualamah vawk tukin vancungmite tiik tuk hi.

MATTHAI 18:10

“Hitih bang naupangnote na zawnsak ngawlnak tukin ngalling un hi. Thungai in hilh ing. Amuhte cingkhawitu vancungmite cu vancung ka Pa i mai ah um leleng haw hi.

MATTHAI 2:13

Nisuahnak lam micip tei tul nungten Topa i vancungmi pa khat cu Josef mangah langin, “Tho inna, nauno le a nu cu pui in hi. Itahim titale nauno cu Herod in, a that tukin zei a hih hangin Izipt ngamah tai un, kihlehnak tuk ka hilhleh laklawh tian mahlai ah um un,” ti hi.

MATTHAI 24:31

A nging zetmi pengkul tum haw tuk a, lei ningli ah a vancungmite tiikin, van mawk khatlam pen khatlam mawk tianah a ummi a tensate cu hulawm haw tuk hi.

MATTHAI 25:34

Mahten Kumpipa in, a taklam a mipha tei lakah, ‘Hung un ka pa i thupha piakmite! Hung unna, leihum semsuah pepan nangmu ca lepsami ngamnop luah un hi.

MATTHAI 4:11

Mahten Satan in taisan a, mah nungten vancungmite hungin tuamlawm haw hi.

MARKA 10:17

Jesuh cu khualzin a hawh lih laihtakin, mi pa khatin, amah zuanin, a mai ah khukdinin, “Zilhtu pha pa, kumkhua nunnak ka co theihnak tukin i bawl kam nang?” tin dong hi.

LUKA 1:19

Vancungmi in, “Kei cu Gabriel, Pathian mai a ding lelengtu ing a, Pathian in hi lungdamnak Thuthangpha nangmah hilhtik hi.

LUKA 1:23

Biakinn sungah nadeh a celh ten Zekhariah cu innah pin hi.

LUKA 16:22

Ni khat ni-in mi ca-ngah pa cu thi hi. Mahten vancungmi ten Abraham i angsungah hen haw hi. Mihau pa vang cu thi bokin vui haw hi.

LUKA 2:13

Mah vancungmi tuah a dang van ngalkap honpi thakhat langin, Pathian thangphatnak la sa haw hi.

LUKA 2:9

Topa i vancungmi pa khat cu amuh tei lakah langin, Topa i sunloihnak cu amuh tei humah vakin, lau mahtak haw hi.

NUNGZUITU 11:22

Mahmi thu le la cu Jerusalem khua ah hengin Jerusalem pawlpi ten Antiok khua ah Barnabas hah haw hi.

NUNGZUITU 12:23

Thakhatin Topa in, vancungmi in Herod cu Pathian cu upatnak a piak ngawl hangin nat sesuakin natik hi. Herod cu nguut in, a sunglam ei khawngin thi hi.

NUNGZUITU 12:7

Phawhkhak ngawlin Topa i vancungmi pa khat dingin, a zaunak khan haw cu vaktik khawng hi. Vancungmi in Peter cu a ko pen thingin, “Manlangin tho in!” tin phong hi. Thakhatin Peter i khut pen thik taicin cu cak cawm hi.

NUNGZUITU 13:2

Amuh cu an cangin Pathian a biak haw laihin, Hawvang Thiangtho in, “Barnabas le Saul cu ka tiikmi na bek dek tukin, a dangno umtik un,” ti hi.

NUNGZUITU 16:26

Thakhat hiinhingin, thawnginn cu a bul tian hing khawng hi. Kongka cu hongdun khawngin, thawngta hempoh tei khut khihnak thik taicin cu duk cawm khawng hi.

NUNGZUITU 27:23

Itahim titale zantakin keimah neitu le ka biakmi Pathian i vancungmi ka lakah hungin,

NUNGZUITU 5:19

Mah zanin, Topa i vancungmi in kongkate cu hongin, nungzuitute a suahtul nungten amu lakah,

ROM Khua Khristian Tei Lakah Paul i Laikuat (Paul’s Letter to the Romans) 11:14

Ka phunpih mihingte iksiknak ka neitik tale mi khenkhat bek pan thei nave nang maw ka tihnakin hi.

ROM Khua Khristian Tei Lakah Paul i Laikuat (Paul’s Letter to the Romans) 13:6

Mah hangin hi siah na piak uh cu; thuneitu bawi ten a dehvo haw a deh suak haw ten Pathian i ca in dek haw hi.

ROM Khua Khristian Tei Lakah Paul i Laikuat (Paul’s Letter to the Romans) 15:16

Gentail mite cu Pathian nelah cosan takmi biakpiaknak bang a hihnak haw tukin le Hawvang Thiangtho i thawmin Pathian lakah apmi a hihnak haw tukin Pathian lak pen a hengmi Thuthangpha ka phuan ten thiampi bangin dek ing.

ROM Khua Khristian Tei Lakah Paul i Laikuat (Paul’s Letter to the Romans) 15:27

Mahtibang a bawl haw mi cu amu ngaihsut thiamnak hang hi. Thu khatah mi a bop haw cu amu dehvo hi bok hi. Judah miten Hawvang lam thupha a co haw mi khi Gentail mite a hoih haw bang bokin Gentail mite vangin neihcalam thupha a co haw mite, Judah mite bopnakah a hoih bok haw tukmi hi.

ROM Khua Khristian Tei Lakah Paul i Laikuat (Paul’s Letter to the Romans) 8:17

Ca a hih uh hangin Pathian in, a mihing tei ca in, a koihsami thupha a cotu tukte hung hi; mahten Pathian in Khrih ca tukin a koihsami vang Khrih tuah co langkhat tuk hung hi. Itahim titale Khrih thuaknak a thuak boktu ahi uh tale, a thawm ngengnak vang co bok tuk hung hi.

1 KORIN 1:21

Mihing ten amu cihnak tuah Pathian a theih ngawlnak haw tukin Pathian in ama cihnak tuah bawlhamsa zo hi. “Sil thu” hi tin, a ngaihsut haw mi Thuthangpha a umtute nunpan tukin Pathian i bawlmi hi.

2 KORIN 9:12

Itahim titale hi na nadeh uhmi in Pathian umtu tei tingsapnak tampi bop bek sial ngawlin, mihing thin sung pen Pathian pahcoihnak tampi piangtik hi.

GALATI 3:29

Khrih i ta na hi uh tale Abraham casuan hi uh ci a, Pathian i thutiammi co tuk uh ci.

GALATI 3:7

Na theih tuk uhmi cu Abraham casuan ngangai cu upnak nei mite haw hi.

GALATI 3:9

Abraham in, a upnak hangin thupha co hi. Mahti bang bokin a umtu hempoh cu thupha co bok haw tuk hi.

EFESA 3:6

Mah a thu-ip cu hitih bangin hi. Thuthangpha a umnak hangin Gentail mite vang Judah mite tuah Pathian thupha cotu hileh bok haw zo hi; Pumkhat sungah a telmi hileh bok zo haw toh a, Khrih Jesuh i thawmin Pathian i thutiamnak sungah covo nei bok haw hi.

FILIPI 2:17

Na upnak uh cu Pathian nelah biakpiaknak bangin na piak uhmi humah, thah tawkin ka nunnak thisan cu leih ahi tale mahmi cu ka lungdamnak hi tuk a, na venghawng uhin ka lungdamnak cu kawmbok nuam ing.

FILIPI 2:25

Mahten a nau uh Epafroditas hi nangmu lakah hawhtik kul tin ngaisung ing. Amah cu keimah tuah nadek langkhat le ngaldo langkhatmi ung a,

2 THESALON 1:7

Haksatnak a thuaktu nangmuh tei lakah colhdamnak pia in, kohtei lakah vang pia bok hi. Mahmi cu Topa Jesuh le huham tuah a dimmi ama vancungmi a hunsuk haw ten bawl tuk hi.

TITUS 3:7

Mahmi cu a hehpihnak, hangin Pathian tuah a lemdun theihnak tuk uh le a muansan uhmi kumkhua nunnak cu eimuta a hih theihnak tukin hi.

HEBRU 10:11

Judah thiampi tei dehvo cu nisial dekin, a piak mek haw biakpiaknak cu vei tampi pia haw hi. Mahnaven biakpiaknakin sualnak thiang awng ma hi.

HEBRU 2:3

Mahtibang ahi tale oh ten a thupi zetmi nunpatnak hi imah simsial ngawlin a um uh tale itin kaw bawlsiatnak a luat theih tuk uh? Topa amah loli in, hi nunpatnak thu cu than masabelin, a zatu hempoh ten a dikzia langtik zo haw toh hi.

HEBRU 5:9

Mi cangkimin, a bawl a thu hangin a thu ngaitu hempoh tei ca in kumkhua nunpatnak bulpi in cang hi;

HEBRU 6:12

Thazawngmi na hih tuk uh cu awi mang hi; mahnaven Pathian i tepsami a cotu tukin upnak le thinsaunak a neitu bangin hi un, tih deih ung hi.

HEBRU 6:17

Pathian in, a tuptahmi khelleh awng ma hi, a thutepmi a cotu tuk tei lakah ciang zetin theihtik a nuam hangin a tepmi i humah ama min salin thutepnak tuah bet nawm laih hi.

HEBRU 8:6

Mahnaven amu dehmi sangin a cuangcung saw mi thiampi nadehnak cu Jesuh lakah piak hi zo hi. Pathian le a mitei laklawhah Jesuh i bawlmi thutiamnak cu a pha saw mi tepdunnak a hih bangin thiampi nadehnak vang cu a pha saw mi bok hi.

HEBRU 9:28

Mahti bang bokin Khrih hei in mihing tei sualnak thiangtik tukin biakpiaknak vei khat bek pia hi. A vei nihnak hungleh tuk a, mahten sualnak thu ah hileh ngawltohin amah a ngaktu tei nunpan tukin hi tuk toh hi.

JAMES 2:5

Ka ihmi u le naute aw, ngai hih un, Pathian in, mi ca-ngah hi upnak lamah mi hausa hi tukin le amah a ittu tei lakah a tepsami a uknak cotu tukin teng hi.

1 PETER 1:12

Profet tei nadehnak cu amuh tei nemcuamnak tuk hi ngawlin nangmuh tei ca tukmi saw hi, tihmi Pathian in amuh tei lakah langtik hi. Mahten profet tei a hilh haw mi cu atu-in vancung pen a hahsukmi Hawvang Thiangtho i huham hangin Thuthangpha a phuangtu tei lak pen na zak uhmi hi. Hi thu hi vancungmite hei in, a theih nuam haw mi thu hi.

1 PETER 1:4

Pathian in, a mihing tei ca a koihmi lo le lam co tukin ngakhel zetin um ung hi. Mah lo le lam cu nangmu ca vancungah koihsakin, a sia thei ngawlmi kuamah i nguk theih ngawlmi le a muat thei ngawlmi hi.

1 PETER 3:7

Mahtibang bok kekin pasalte aw na zi uhte cu nangmuhte sangin thanem saw mi haw tih khi theitum un. Nangmuhte bang bokin Pathian i nunnak laksawng co bok tukmi haw hi. Mah hangin upatnak tuah tuamlawm un hi. Mahti bangin na um uh tale na thungetnak uh cu imah in siatsuah zo tukma hi.

JUDE 1:14

Adam pen khang luknak Enok in, hi tei thu le late hilh ham zo hi. Pathian cu a vancungmi, mithiang thawng tampi tuah hung haw tuk hi.

MANGMUHNAK 5:6

Tuuno pa khat cu kumpi khunnak laizangah dingin sahang pa li le upa ten a kawnin, kiilin mu ing. Tuuno cu thahsa a thi mi bang hi. Ki salih le mit salih nei hi, mahmi mit salih cu leihum khua hempoh ah hahmi Pathian i hawvang salihte hi haw hi.