HAGGAI 2:3 - Ngawm Bible

³ “Amasa Biakinn khi iti zahin mawi hum, nangmu lakah a theitu pa khat bek um uh cim? Atu-in, iti bangin mu uh cim? Atu ata hi cu imah hi nge ma si,” tin tituk uh ci.

HAGGAI 2:3 Iomraidhean Croise

1 KHANGSIALNAK 22:5

David in, “Ka capa Solomon i sak tukmi Topa i Biakinn cu a pha tatakmi le leihum pen minthangmi a hih kul hi. Solomon tale naupangzet laih a hih ten imah a bawl thiam laihngawl hangin, keimah in, a kulmi hempoh ka tuangtip khawng kul hi,” ti hi. Mah hangin David in, a nun sungin na tampi cum hi.

EZRA 3:11

Topa thangphatnak la Topa lakah sa in: “Topa cu pha hi; Israel a ihnak cu, kumkhua in kho hi,” tihmi saknot cu sa thuah li haw hi. Biakinn bul suangphum a pat haw toh hangin Topa cu thangphatin, kuakua hei in, a aw neih tawp tuah au haw hi.

EZRA 3:12

Kum upa deuh thiampite, Levi mite le a hin tek hotu ten a masa Biakinn cu mu zo haw hi. Atu-in, a thakin Biakinn bul suangphum amuh haw ten nasezet kap haw hi. Mahlai a um khenkhatte cu lungdamin au liphet haw hi.

ISAIAH 64:10

Na khua thiangthote cu phillawn ngamko in cang zo haw toh a, Jerusalem ngam cu buakvawk khawmnak mun le ngamin cang zo toh hi.

EZEKIEL 7:20

A mawi zetmi a na manpha haw cu a sunsakzet haw hun um hi; mahnaven mahte cu ningdelhhuai milim bawlnakin mang haw hi. Mah hangin Topa in, a hauhnak haw cu mitkem hahin suaktik hi.

HAGGAI 2:9

Biakinn thak cu a lun sangin nase saw tuk, a munah ka mihingte khantohnak le lungdaihnak pia tung,” tin ti hi. Cungnungbel Topa in hilh zo hi.