HAGGAI 1:1 - Ngawm Bible

¹ Darias in Persia kumpi a deh kum nihnak, ha luk ha, ni khat ni-in, Topa i thu cu profet Haggai nelah heng hi. A hengmi thu cu Judah ngamuktu bawi Sheatiel capa Zerubabel i ca le Thiampi Sang Jehozadak capa Joshua i ca hi.

HAGGAI 1:1 Iomraidhean Croise

1 KUMPI 10:15

Hihi cu sumbawl tei lak pen siah a lakmi tei lak pen a met a ngahmi le Arabia kumpite le Israel ngamkhen uktu bawi tei lak pen siah a lakmi humah hi.

1 KUMPI 14:18

Israel miten kahin vui haw hi. Topa in, a sila profet Ahijah lakah a hilh bangin kim hi.

2 KUMPI 14:25

Israel ngam ahi awng mi, saklamah Hamath mual kawn pen, hanglamah Tuipi Thi tian laleh khawng hi. Hi a lakmi cu Gath Hefer khua a Amittai capa profet Jonah lak pen Topa, Israel Pathian i thutep a kimtiknak hi.

1 KHANGSIALNAK 3:17

Babilon mitei thawng a khiak haw, kumpi Jehoiakhin i casuante: Jehoiakhin in capa salih nei in, Shealtiel,

1 KHANGSIALNAK 3:19

Pedaiah in capa pa nih, Zerubbabel le Shimei nei. Zerubbabelin capa pa nih, Meshullam le Hananiah nei in, canu Shelomith a tih haw nei.

EZRA 1:8

Hi khuat le kuangte cu Judah uktu bawi Shehbazzar ca tukin kumpi na cingtu upabel Mithredath i bawlmite hi. Sairas in mah khuat le kuangte cu Mithredath lakah pia hi.

EZRA 10:18

Miphun dang zi huaitute cu a nuailam bangin hi. Jehozadak capa Joshua hinnam le a unaute: Maaseiah, Eliezer Jarib le Gedaliah.

EZRA 2:2

A kikmite hotu cu Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum le Baanah haw hi. Babilon pen a kikmi Israel hinnamte a mihing umzah cu a nuailam bangin hi.

EZRA 2:63

Judah mi uktu bawi in, Urim le Thummim tihmi a mang thiamtu thiampi a um haw laih ngawl sung cu Pathian lak a, piakmi an thiangtho ei tuk ngawlin kham hi.

EZRA 3:2

Jozadak i capa Joshua, a ngualcam thiampite le Shealtel i capa Zerubbabel le a innkuapih ten Pathian mihing Moses i piakmi Daan bangin halkang biakpiaknak a piak theih hawnak tukin le Israel Pathian biakpiaknak tukin biaklandawh bawlleh haw hi.

EZRA 3:8

Jerusalem a kik sawng haw a kum nihnak ha nihnakin Topa i Biakinn munah nadek pan haw hi. Sheeltiel i capa Zerubbabel, Jozadak i capa Joshua le Jerusalem a kiklehmi hempoh, Israel a unaupihte, thiampi le Levi miten Biakinn sa nadeh cu pan haw hi. Kum sawm nih le a humlam Levi mi pawpoh cu nadeh zotu in koih haw hi.

EZRA 4:2

Mah hangin Zerubbabel le a hin tek hotu tei lakah hawhin, “Na biakinn sak uh cu bawm tuk ung. Na biak uhmi Pathian cu bia bok tuk ung hi. Assiria kumpi Esarhaddon in hi ngamah um tukin a kuat bek ten a lakah biakpiaknak bawl leleng bok ung,” ti haw hi.

EZRA 4:24

Tu loli hei in, mahti bang lelengin Biakinn sak cu cawltik zo haw a, Persia kumpi Darias bawi a deh kum nihnak tian imah bawl thei ngawlin cawl haw hi.

EZRA 5:1

Profet pa nih Haggai le Iddo i capa Zekhariah in, Israel Pathian i thu cu Judah le Jerusalem a, um Judah mitei lakah phuang pepel hi.

EZRA 5:3

Mahbek ten Eufrates Nitumnak lam ngamuktu bawi Tattenai le Shethar Bozenai le a khutnuai bawi dangte cu Jerusalem ah hawhin, Biakinn satute cu, “Hi Biakinn sa tukin le a sung a, nate bawl tukin thu piatu akua kaw?” ti haw hi.

EZRA 6:14

Judah mi hotu ten Biakinn cu sa haw a, profet Haggai le profet Zekhariah tei phuansuahmi thu hangin a nadeh haw cu mathung zetin, Israel Pathian le Persia kumpi Sairas, Darias le Artakzaksis tei thupiak bangin ceng haw hi.

NEHEMIAH 12:1

Babilon saltannak pen Shealtiel i capa Zerubbabel le Thiampi Sang Joshua tuah a kikmi thiampi le Levi mite cu a nuailamte haw hi. Seraiah, Jeremiah, Ezra, Amariah, Malluk, Hattush, Shekaniah, Rehum, Meremoth, Iddo, Ginnethoi, Abijah, Mijamin, Maadiah, Bilgah, Shemaiah, Joiarib, Jedaiah, Sallu, Amok, Hilkiah le Jedaiah. Hite cu Joshua san a unau thiampi tei lak pen hotu hi haw hi. Lungdamnak la a sak haw ten a nuailam mite hi la puitu haw hi: Jeshua, Binnui, Kadmiel, Sherebiah, Judah le Matteniah.

NEHEMIAH 12:10

Joshua cu Joiakim i pa hi. Joiakim cu Eliashib i pa hi. Eliashib cu Joiada i pa hi.

NEHEMIAH 5:14

Artakzaksis kumpi a deh kum sawm nihnak pen kum sawm thum le kum nihnak tian kum sawm le kum nih Judah ngamuktu bawi ka deh sungin keimah hihen, ka sangngamte hihen ngamuktu bawi i eih tukmi an ei awng ma laih hung.

NEHEMIAH 7:7

A kihpihtu upate cu Zerubbabel, Joshua, Nehemiah, Azariah, Raamah, Nahamani, Mordekai, Bilshan, Mispereth, Bigvai, Nehum le Baanah haw hi.

NEHEMIAH 8:9

Pathian Daan i deihnak ngangai a theih haw ten a thasia in, kap haw hi. Mah hangin ngamuktu bawi Nehemiah, thiampi, Daan theitu Ezra le mipi lakah Daan a hilhciangtu Levi miten, “Topa na Pathian uh ca in tuni cu ni thiangtho hi. Thasia in kap pahsuh un.

SUAHTULNAK 4:13

Mahnaven Moses in, “Mah kha ma hi, Topa, na hehpihnakin, midang pa kha khat hah saw in hi,” tin ti lo hi.

HAGGAI 1:12

Zerubbabel, Joshua le Babilon saltannak pen a pinlehtu hempohin Topa Pathian i hilhmi cu dek haw hi. A thinsu haw in, Topa i palai profet Haggai i thu cu ngai haw hi.

HAGGAI 1:14

Topa in, mi hempoh cu Biakinn sa tukin a thin haw sotik hi. Judah ngamuktu bawi Zerubbabel, Thiampi Sang, Joshua le saltannak pen a pinlehtute tel khawng haw hi. Cungnungbel Topa Pathian i Biakinn cu saleh pan haw hi.

HAGGAI 1:15

Darias in, Persia kumpi a deh sawng kum nih kum, ha luk ha, ni sawm nih le ni li ni-in, sa pan haw hi.

HAGGAI 1:2

A sangbel Topa in Haggai nelah, “Tu hun hi Biakinn saklehnak tukin hun lemcang ma laih tin mipi ten ti li haw hi.”

HAGGAI 1:3

Mah hangin profet Haggai mangin mipi nelah Topa i thu cu hi bangin heng hi.

HAGGAI 2:10

Darias in kumpi a deh kum nihnak ha kuah ha, ni sawm nih le ni li ni-in, Cungnungbel Topa in profet Haggai nelah thu hilhleh hi.

HAGGAI 2:20

Mah ni sawm nih le ni li ni, ha kuah ha in, Topa i awn cu Haggai nelah a vei nihnak heng hi.

HAGGAI 2:21

Judah ngamuktu bawi Zerubbabel nelah hi bangin hilhtik hi. “A ngei ngawlin lei le van cu hing dudut tung.

HAGGAI 2:4

Mahnaven kuamah in thasia pahsuh un. Nadek un, na nel uhah keimah um ing.

ZEKHARIAH 1:1

Darias in Persia kumpi a dehnak kum nih kum, ha liat ha in, Iddo i tupa, Berekhiah i capa profet Zekhariah i lakah Topa i thu cu hi tin heng hi.

ZEKHARIAH 3:1

Muhnak a dang pa khatah, Topa in, Thiampi Sang Joshua cu Topa i vancungmi mai ah a din leng khi lak hi. Joshua elah a sual zei tukin satan ding leng cu mu ing.

MALAKHI 1:8

Biaklandawhah nganhing a mitcaw mi, a nami le a kebaite tuah biakpiaknak na bawl uhten, poi ngawlin ngaisung uh cim maw? Mahti bang ngante cu ngamuktu lakah na pia uh ahin! A lungdam ni maw? Nangmuh pak tukin le mitmai pha ngah tukin ngaisung uh cim?”

LUKA 3:27

Joanan cu Rhesa capa hi. Rhesa cu Jerubabel capa hi. Jerubabel cu Shealtial capa hi. Shealtial cu Neri capa hi.