FILIPI 4:8 - Ngawm Bible

⁸ Thukhupnakah, u le naute aw, na lungmu uh cu a phami le pahcoih tak hihnak tuah dimtik un. Thumanmi, nun paalloptak, a dikmi, a thiangthomi, a deih awhmi le minphatnak a nei mite cu na lungmu sung uhah umtik un hi.

FILIPI 4:8 Iomraidhean Croise

PIANPATNAK 18:19

A dikmi le a maanmi bawlin ka thupiakmi a zui theih hawnak tukin a capate le a unaupih zilhtu tukin amah cu teng zo ing. Ka tepsami hempoh cu a humah kimtik khawng tung,” ti hi.

2 Samuel 1:23

“Saul le Jonathan, na ihdunnak uh cu lamdangzet hi; Nunnak lang khat uh ci, thihnak hei ah lang khat uh ci; Muvanlai sangin manlang saw deuh uh ci. Kiosa sangin cak deuh uh ci.

2 Samuel 23:3

Israel i Pathian in hilh zo hi; Israel huptu in ka lakah, “Diknak le Pathian kihca in, mi a uktu kumpi cu,

SAAM LABU 82:2

A man ngawl a thu khennak na bawl uhte cawl un, mipha ngawl tei lamah tangleh toh pahsuh un.

THUPAUCAP 11:1

Cuai man ngawl a mangtute cu Topa in hua hi. Mahnaven cuai lung man humah a lungdam hi.

THUPAUCAP 12:4

Zi pha cu pasal i sui lukhu hi, mahnaven pasal hum a zahcaknak a piatu numei cu a nguh sung a khensa natnak vei tuah bangve hi.

THUPAUCAP 16:11

Cuai tehnak hempoh Pathian in, a manno bawl tuk deih hi. Zuakmi na hempoh vang phano in bawl tuk deih hi.

THUPAUCAP 20:7

Pate midik le mipha ahi tale, a cate mi bawngpha na hi haw hi.

THUPAUCAP 31:10

Zi pha cu izahin ngah hak him? Suang manpha sangin man nei saw hi!

THUPAUCAP 31:29

A pasalin, “Numei tampi hi zi pha hi khawng haw naven, nang hi a phabel hi ci,” ti hi.

THUPAUCAP 31:31

A bawlmi thil hempoh hangin amah cu thangphat un, mi hempoh tei upat tak numei hi.

SOLOMON LA 5:16

A awn hum zuzungno cu, zaknop cuang hi ti ing. Jerusalem zozaamte aw, ka ngaihno deih awh cuang vei.

ISAIAH 26:7

Topa aw, mipha tei lampi cu tuangtik ci, a zui haw mi lampi cu lam phei hi.

MATTHAI 22:16

Amuh zuitu khenkhatte le Herod i mihing khenkhatte cu Jesuh lakah hawhtikin, “Sazapa, nang cu thuman son ci tih thei ung. Pathian i deihnak ihim tihmi thu vang miten iti bang ngaisung haw nantim tih hei ngaisung ngawlin zilh ci. Itahim titale nang cu mitei hihnak vang maisong ma ci.

MARKA 6:20

Herod in Johan cu mipha le a thiangtho mihing hi tin, a theih tak cu lau emin hup lo hi. Herod in, Johan i ama thu a hilhte cu a zak sial ten a lungnop awng ma naven a thuhilhte cu ngai nuamzet hi.

LUKA 16:15

Jesuh in amuh tei lakah, “Mipi mai ah midikbel bangin langdun cawmtik hi uh ci. Mahnaven Pathian in, na lungmu uhte thei khawng hi. Itahim titale mihingin man neizet a ngaihsutmi cu Pathian muhnak pen imah ma hi.

LUKA 2:25

Mah hunin Simeon a tih haw pa cu Jerusalem ah um hi. Amah in Israel tei nunpatnak a ngah haw tuk khi ngak leng hi. Hawvang Thiangtho cu a lakah umin,

LUKA 23:50

Mahlai ah Judah ngamsung um Arimatia khua mi Josef tihmi pa khat na um hi. Hi pa hi mipha le upat takmi hi in, Pathian Uknak heng tuk a, ngak lengtupa hi. Amah hi thukhentu Khonsil pa khat hi bok naven a thulaitan mi lungkim ngawltu pa khat na hi.

JOHAN 7:18

Mai deihdanin mi a zilh theite cu ngual tei sunloih le thangphat tuk zeiduntute haw hi. Mahnaven a tiiktu i minthannak tuk bek a deihtu cu thuman son hi. A sungah zolthu umma hi.

NUNGZUITU 10:22

Amuh ten, “Ngalbawi Kornelias in tiik hi. Amah cu miphazet, Pathian bia mi hi a, Judah tei upat zetmi hi. Na hilh tukmi khi thei hen tin, a innah nangmah pui tukin keimuh tiik hi” tin ti haw hi.

NUNGZUITU 22:12

Mah khuapi ah Ananias a tih haw mi pa Judah mi hempoh ten a upatzet mipa um hi.

NUNGZUITU 6:3

Mah hangin u le naute, nohtei lakah muantakmi, Hawvang Thiangtho tuah a dimmi le cihnak a neimi mihing salih teng unna, amuhte cu hi thu a vaihawmtu tukin koih tuk hung hi.

ROM Khua Khristian Tei Lakah Paul i Laikuat (Paul’s Letter to the Romans) 13:13

Sun khuavak a ummite bang bokin a ziaza uh cu mawitik nung inna, mi tuah nunsualnak le zukham silnakte umleh ma toh hen; nupa sual bawlnak le zoh mawi ngawlin nun cu umleh ma toh hen; hauhdunnak le iksiknak hei umleh ma toh hen.

ROM Khua Khristian Tei Lakah Paul i Laikuat (Paul’s Letter to the Romans) 13:3

Uktu bawite hi thilpha bawltu ten lau tuk imah umma hi; phatngawlnak a bawltu bek ten a lau haw tuk hi. Thuneitu bawite khi lau ngawlin, na um bang ahin nuam a cim maw? Na nuam tale a phami bawl inna, pahcawi co tuk hi.

ROM Khua Khristian Tei Lakah Paul i Laikuat (Paul’s Letter to the Romans) 14:18

Mahti bangin mi pa kha khatin Khrih i na a dek tale, mahmi pa in Pathian lungdamtikin, mihing tei lungkimpihnak vang co hi.

ROM Khua Khristian Tei Lakah Paul i Laikuat (Paul’s Letter to the Romans) 2:29

A sunglam saw ah Judah lungmu in vunceptalhnak a ngahtu khi Judah mi ngangai haw hi. Mahmi cu ngatmi Daan i bawlmi kha ma hi. Pathian Hawvang i bawlmi hi. Mahti bang mihing cu mihing lak pen hi ngawlin Pathian lak pen thangphatnak ngahtu hi.

1 KORIN 4:5

Mah hangin a hun a kim laih ngawlin kuamah in, a thu haw son pahsuh un hi. Topa a hun ten dawlbel thukhennak um tuk hi. Amah in khuathim sung a selmi thukuhte cu khuavak sungah tulpih tukin, mihing tei lungmu sung a ngaihsut kuhte cu phuanglang khawng tuk hi. Kuakua hei in Pathian lak pen a co haw tukmi covo thangphatnak cu ngah haw tuk hi.

2 KORIN 13:7

Kohte na ka dehnak uhah lawhting ung hi tih langtiknak hi ngawlin, kohte cu a tingsammi bang ka hi uh hei in noh ten, a man ngawlmi bawl ngawlin a man mi saw na bawlnak tuk uh Pathian nelah thungen ung hi.

2 KORIN 6:8

Upatnak vang tawkin mualphonak vang thuak ung hi. Zotsakmi ka hih uh hun umin, pahcoihmi ka hih zawng uh vang um hi. Zolthu son heng bawl haw naven thutak son ung.

2 KORIN 8:18

Amah tuah unau pih pa khat munkhatah hawhtik ung. Amah cu Thuthangpha phuangin Pathian nadektu hi tin pawlpi hempoh tei upatmi hi.

2 KORIN 8:21

Ka tuptah uhmi cu Topa i mitmuhnak bekah hi ngawlin mihing tei muhnakah vangin thildik bawl tuk khi hi.

GALATI 5:22

Mahnaven Hawvang i ngah a ngahtikmi cu itdunnak, lungdamnak, thinnopnak, lungmuannak, hehpihnak, phatnak, muantakmi hihnak,

EFESA 4:25

Zolthu son toh pahsuh un. Pathian umtu pa khat le pa khat thutak hilhdun leleng tuk hung: itahim titale Khrih pumpi sungah a venghawng uhin sungtel khawng hung hi.

EFESA 5:9

Itahim titale phatnak phunkim, dikcangnak le thutak a piangtiktu cu vaknak hi.

EFESA 6:14

Mah hangin ngallingsa in um un hi; taikhap ai-in thutak khi na tai uhah khap un; lumphaw ai-in dikcangnak khi na awm uhah tuam un;

DAAN PIAKLEHNAK 16:20

Thudik bebek zei un hi, dikcangno in nung unna, Topa na Pathian uh i a piak tukmi ngam cu luahin, hun ngeipi nung tuk uh ci.”

FILIPI 3:1

Thukhupnakah ka hilh nuammi cu, u le naute aw, Topa tuah na pehzom uh hangin lungdam un. Amasa a nangmu lakah ka ngatsami nganleh tuk vang cu poi tisap mang hi. Thu ngangai in titale ngatleh tuk vang cu nangmu ca in nangmuhte a huptu hei na hi saw tuk poh hi.

KOLOSE 4:5

Umngawltu tei lakah na um uhten cihnak tuah um unna, hunpha na neih uhmi hempoh cu ngeikheizetno in mang un hi.

1 THESALON 4:12

Mahten Pathian a umngawltu tei upat maizahnak co in, na kulnak uhah midangte muan lih kul tukma hi.

1 TIMOTE 2:2

Pathian kihcaknak tuah ziaza phano in le lemdaizetno in, a nun theihnak tuk uhin kumpi le ngamsung hotu upa tei ca in Pathian nelah thunget sak un hi.

1 TIMOTE 3:11

A zite haw vang ziaza pha mi hi tuk a, mi sonsia in kamtam mi hi haw pahsuh hen, zu a in ngawlmi hi haw tuk a, ihempoh ah mi ngeikhei zetmi hi haw hen.

1 TIMOTE 3:4

A innkua komzetno in, a kelen theitu hi tuk a, a ca ten a thu ngai in, a upat haw mi hi tuk hi.

1 TIMOTE 4:12

Khangno na hihnak hangin kuamah in nautat haw pahsuh hen. Mahnaven na otdan, na umdan, na ziaza, itnak, upnak le thianthohnakah thu umtu dang tei zohteh tak tukin nungin hi.

1 TIMOTE 5:10

Nadeh phatnakah minpha hihen. Nadeh pha tihmi ah a cano a cingkhawi thiamtu, mikhual zothiamtu, nadeh nautabel ke som hei Khristian unau humah a dek theitu, haksat vansan a tawh haw hunin, mi a bawmtu le thilpha bawlnakah a hun le thazaang a petu hi haw tuk hi.

1 TIMOTE 5:2

Numei upa deuhte khi na nu bangin ngaisung inna, numei khangno deuhte cu lungmu thiangno in, na celnu bangin ngaisungin hi.

TITUS 1:8

Mikhual le danglengte zothiamtu hi henna, thilpha a ngai na mi hihen. Amah le mah ukdun theitu hi henna, midik, mi thiangtho le ziaza pha mi hihen.

TITUS 2:14

Ama nunnak loli in eimu phat ngawlnak pen suakca tukin, na pha bawl tuk a nuamtu hi tukin le ama bulta mithiang a cantiknak tukin ohte pia zo hi.

TITUS 2:2

Papi deuh ten zu poh cu in pahsuh un, lungmu ciangkai zetin um un, mah le mah ukdun theih tum un, upnak dik, itnak le haksat thuak theihnak neimi hi un, tin zilhin hi.

TITUS 2:7

Ihempoh ah nangmah loli zohteh takin umin hi. Muantak le mifel hi inna, thu na zilh ten tihtak zetin zilhin hi.

TITUS 3:14

A mihing uhte cu na pha bawlnakah a hun le can haw mang haw hen; mahtin a bawl haw tale, a kulnakah mi bawm thei haw tuk hi. Muantak ngawlin umthong tukmi kha ma hi.

HEBRU 11:2

Mahti bang upnak a neihnak haw hangin Ni dang laih a, mihing ten Pathian i lungkimnak co ngah haw hi.

HEBRU 13:18

Keimu ca in thungen leleng un hi. A dikmi khi bawl nuam leleng ka hih uh hangin sia le pha khencelnakah ka lungmu uh thiang hi.

JAMES 1:27

Pathian mai pen a thiangthomi biaknak cu, nu le pa nei ngawl ca-ngah le meivong haksate cawm le vaktu, a cingkhawitu le hi leihumpi i siatsuah ngawlte khi hi.

JAMES 3:17

Mahnaven van pen a hungmi cihnak cu i dang sangin a thiangmi cihnak hi. Mah i humah lemdaihnak tuah dim hi. A lungnemin miphial thiam hi. Hehpih ningnatnak nei in, nadeh pha ngah suahpih hi. Deidatnak le iksiknak nei ngawlin ultunnak vang nei ma hi.

1 PETER 1:22

Atu-in, thutak na zuinak uh hangin thianthohtikmi hi zo uh ci, umtu unau dang khi lungmu takin it uh ci. Mah hangin na lungmu tak uh tuah pa khat le pa khat itdun un.

1 PETER 2:12

Pathian a um kha ngawl tei lakah zohteh tak tukin nung unna, phat ngawlnak a bawltu tin sual a nawn haw hei in, na ngamtat phatnak uhte mu in, Pathian a hunleh ni ten amah cu thangphat haw tuk hi.

1 PETER 4:8

Ihdunnakin sualnak venghawng khuh khawng thei a hih ten lungmu tak tuah pa khat le pa khat ihdun tuk khi ngaisung sawta un.

2 PETER 3:1

Ka ih mite, himi hi nangmu lak a, ka kuatmi a vei nihnak lai hi. Ka laikuat a vei nih mahin, ka tuptahmi cu nangmuh tei lungmu sungah ngaihsutnak thiang um pan hen tih theilehtik nuam ing.

1 JOHAN 3:18

Ka cate aw, a itnak uh hi kam tuah bekin ih tuk kha ma hi. Itnak ngangai cu dehnak tuah lang tuk hi.

1 JOHAN 3:3

Kua hei hihen Khrih sungah hitih bang muansannak a neitu cu Khrih a thianthoh bangin amah le mah cu thiangthono in, a cingkhawi cop hi.

1 JOHAN 4:1

Ka ih mite, Hawvang nei ing a titu hempoh sang kha pahsuh un, a neihmi Hawvang cu Pathian lak pen a hungmi maw, kha ma him tih khingkhai masa un. Itahim titale profet man ngawlte cu mun hempoh ah heng zo haw hi.

RUTH 3:11

Atu-in, imah lau pahsun, numei pha na hihlam vang, khuapih ten thei khawng haw hi.