FILIPI 4:6 - Ngawm Bible

⁶ I thu ah hei hihen lungmu tamin, um pahsuh un; thu na nget uh sial ten na kul uhmi cu Pathian nelah ngen unna, lungdam thatuino in ngen poh un hi.

FILIPI 4:6 Iomraidhean Croise

1 KUMPI 8:28

Topa ka Pathian, ka thungetnak le hehpih ka kutnakte hi hu ngai zal inna, tuni a, ka aunak le ka ngetnak cu zaksak zalin hi.

2 KHANGSIALNAK 32:20

Kumpi Hezekiah le Amoz i capa profet Isaiah ten bopnak ngenin, Pathian nelah au haw hi.

SAAM LABU 51:15

Topa aw, ka muk hong inna, nangmah thangphat tung.

SAAM LABU 55:17

Na phuk lihnak le ka taunak cu a lakah, Zing, sun le zanin hengin, ka aw cu za tuk hi.

SAAM LABU 55:22

Na van ngit uh cu Topa i lakah ap unna, na tha uh damtik tuk hi. Midik cu ituk mahten sungtik tukma hi.

SAAM LABU 62:8

Mipite, i hun bang hun hei in, Pathian muang leleng un. Amah cu buknak suangpi a hih hangin na haksatnak hempoh uh a lakah hilh un.

THUPAUCAP 15:8

Mipha tei thunget ten Topa lungdam hi. Mahnaven mipha ngawl tei biakpiaknak cu ningdelh hi.

THUPAUCAP 16:3

Na deh na bawlnak hempoh cu Topa i lakah apin, na khuakhannak lawhting tuk ci.

SOLOMON LA 2:14

Daidenno in lum sung suang kua, ka lokhu deih awhno. Na mitmai cuan leng nuam veng, za leng nuam ing, na zei aw.

JEREMIAH 32:16

Lo leinak lai cu Baruch lakah ka piak nungten thungen ing.

JEREMIAH 33:3

“Sam inna, donleh tung. Na theih awng ngawlmi thasiahhuai na lamdang hilh tung hi.

DANIEL 3:16

Shadrak, Meshak le Abednego ten, “Maw kumpipa, hi thu ah keimuh le keimuh patdun kul tukin ngaisung ma ung.

DANIEL 6:10

Kumpi in, a min khen zo tih Daniel in, a theih ten a innah pin hi. A inn humta khanah Jerusalem lam hekin tukvelh um hi. Mahlai ah a bawl leleng bangin a hongmi tukvelh pa khat elah a khukdinin ni khatah vei thum Pathian nelah thungen hi.

MATTHAI 10:19

Thukhennak munah a henpih haw ten i heng ka hilh tuk tih le itin kaw ka don tuk tin thinkham pahsuh un. A hun a kim ten na son tuk uh cu theihtik hi tuk uh ci.

MATTHAI 13:22

Lingcam lakah a cakmi anci cu Vancung Uknak thu thei naven hi leihum nunnak thu le la ah lungmu tamin, a ummite haw hi. Sum le pai a deihnak haw in mah thu cu khuh cihin, ngah nei ma hi.

MATTHAI 6:34

Mah hangin zingte ca in lungmutam nuam pahsuh un; zingte ca tuk a sammi nate cu zingten tihmi in amah le mah thinkham cawm tuk poh hi. Tuni a haksatnak cu tuni ca tukin phabek hi”.

MATTHAI 6:8

Amuhte bangin ngen pahsuh un. Na kul uhmi cu na nget laih ngawlin na Pa uhin thei ham khawng zo toh hi.

LUKA 10:41

Jesuh in, “Martha! Martha! Nang cu thil tampi sehelhin, lauthawng le lungkhamzet ci.

LUKA 12:22

Mah nungten Jesuh in nungzuitu tei lakah, “Mah hangin na eih tuk uhmi an thu ah hei hihen, na silh tuk uhmi puan thu ah hei hihen, thinkhamin, um li pahsuh un, tin nohte hilh ing.

LUKA 12:29

“Eihtuk le intuk thu bek ngaisungin, thinkham leleng pahsuh un hi.

LUKA 18:1

Jesuh in, a nungzuitu cu lungmu kiam ngawlin thungen leleng un, tih thu a hilh nuamnakin, tehkipnak pa khat hilh hi.

LUKA 18:7

Pathian in bopnak ngenin, sun le zan au litu a mihing tei thukhen sak ngawlin um tuk maw ihim? Amuh bawm tukin a zuancum li tuk maw ihim?

1 KORIN 7:21

Pathian in nohte a sam laihin sal hi uh cim maw? Na hi uh vangin poi sa pahsuh un. Mahnaven mi suakca hihnak hunpha na ngah uh ahi tale suakca tukin tum un hi.

1 KORIN 7:32

Lungmu ngaihsut haksatnak pen suakca un tih deih ing. Zi nei ngawl pa in Topa i lungdamnak bek a tuptahmi a hih hangin Topa i nadehnak bek ngaisung hi.

2 KORIN 1:11

Pathian humah muannak nei ung hi. Mahten keimu ca na thungetnak uhte cu Pathian in sangin, thupha pia tuk hi. Mahten keima ai-in mi tampi ten Pathian nelah lungdam thu son haw tuk hi.

EFESA 5:20

Ihempoh ca in, a Topa uh Jesuh Khrih minin Pa Pathian cu thangphat leleng un hi.

EFESA 6:18

Hitih bangte na bawl uhten thungen thahin bawl unna, Pathian nelah Hawvang Thiangtho i lampuinak bangin bopnak ngen un. Iti bang hun hei ten thasia pahsuh un. Pathian i mihing tei ca tukin catngawlin thungen un.

KOLOSE 3:15

Khrih i piakmi khenkhuai theihnak cu thu na son uhten na soncatnak hempoh uhah a hotu in bawl un, itahim titale hi lemdaihnak sungah um tukin Pathian in taksa pumpi pa khat sungah a sam mite hi uh ci. Mah hangin lungdamin um un.

KOLOSE 3:17

A Pa uh Pathian cu Khrih i hangin thang na phat uh tak, ihempoh na bawl uhten le na hilh uhten Topa Jesuh i minin bawl unna, hilh un hi.

KOLOSE 4:2

Zuam zetin thungen un; thu na nget uhten, Pathian nelah lungdam thu hilh thahin, lungmu tak tuah ngen un hi.

1 TIMOTE 2:1

A masabelin ka sonnuammi cu mi hempoh tei ca in Pathian nelah thungenin kuun un, midang tei ca thungen unna, lungdam thu hilh un tihmi hi.

1 TIMOTE 5:5

Amah nguakcangno in umlengtu meivongnu cu cingkhawitu kuamah a neih ngawl hangin Pathian bek muangin sun le zan thungenin bopnak ngen hi.

1 PETER 4:7

Ihempoh ca in hun dawlbel ni heng awndiak toh a hih hangin phazetno in thu na nget theihnak tukin supnak nei in, lungmu cihnak tuah um un.

1 PETER 5:7

Na vansannak hempoh uh cu Ama lakah koih un, itahim titale amah cu nangmu ca in, ngaihsut saktu hi.

1 SAMUEL 1:15

Hannah in, “Mah ma hi, zu kham hihim mang, sazapa, tin ti hi. Nguih theih le kham theih imah bawl mang! Ka lungkham leita hangin Topa i lakah ka vansannak hilhin, thungen li ing.

1 SAMUEL 30:6

David cu vansanglamin um hi. Itahim titale a mihing tei cate cu salin, a pui khawng haw hangin a thin na leita haw a, David cu suang tuah seh tum haw hi. Topa Pathian lak pen thazaang ngah hi.

1 SAMUEL 7:12

Samuel in suang la a, Mizpah le Shen khua laklawhah phutin, “Topa in lamtuan bawm hi,” ti in Ebenezer tin minsa hi.