FILIPI 4:5 - Ngawm Bible

⁵ Mi hempoh tei humah lungnem un. Topa cu hungpal tuk hi.

FILIPI 4:5 Iomraidhean Croise

MATTHAI 6:25

Mahti bang a hih hangin hi bangin hilh ing. Na nunnak tukin a kulmi tui le an na pumpi ca in puansilh nikcen thu ah ngaisung le lungmu tamin um pahsuh un. Thungai titale nunnak cu an sangin thupi saw ma maw? A pumpi uh hi nikcen puansilh sangin thupi saw ma maw?

MATTHAI 6:34

Mah hangin zingte ca in lungmutam nuam pahsuh un; zingte ca tuk a sammi nate cu zingten tihmi in amah le mah thinkham cawm tuk poh hi. Tuni a haksatnak cu tuni ca tukin phabek hi”.

LUKA 21:34

Jesuh in, “Ngallingin um un! Puai bawlin zu inthah le sa ei hei in hihen, nun khuasaknak helhkamin, na umta pahsuh un hi; na um sual uh tale na phawhkhak uh ngawlin mah Ni cu heng tuk hi.

1 KORIN 16:22

Kua hei in, Topa a deih ngawltu cu a humah siatnak heng tahen. Maranatha: Topa hung tohin hi.

1 KORIN 6:7

Pa khat le pa khat thu na neih leleng uh hangin mi cangkim ngawl uh ci tih cu langciang hi. Dik ngawl zetin bawlsiatmi na hi uh vangin nohtei ca in pha saw tukma maw? Na thil uhte a lonsak khawng haw hei in, nohtei ca in pha saw tukma maw?

1 KORIN 8:13

Mah a hih hangin, cik le an ka eihmi in ka unaute a sualtik tale ituk mahten ei tukma toh ing, ka u le naute sualnak sungah a cak haw tuk cu phal mang hi.

1 KORIN 9:25

Zuamdunnakah a teltu hempoh ten a cun haw laihin, a taksa haw cu nase zetin thuaknak nei haw hi. Mahti bangin a zuam lih haw cu a thim thei mi paakkual lukhu ngah tukin hi. Mahnaven ohtei taksa in, a thuaknak uh cu a thim thei ngawlmi pak lukhu a ngah nuam uh hangin hi.

2 KORIN 10:1

Munkhatah a umlangkhat ten uh laihin, a nun pha zetin, a awnkam nem tin ti uh ci a, khendun nungten ti belbul na tih uh mipa keimah Paul in Khrih i hehpihnak le nunnemnak lungmu tuah ngen ing.

2 THESALON 2:2

Lungmu vakvai in, um li pahsuh un hi. Mahten Topa i ni cu heng zo hi, a tih haw mi ah vang mangbang vansangin um pahsuh un tin hilh ing. Mahti bang a titu ten, amuh ten hilhhamnak nei zo haw hi, mahma tale thu a hilhnak hawah telhcih haw hi, tin maw, mah ahimata, a laikuat sungah ngan haw hi, tih hei in ti haw tuk hi.

TITUS 3:2

A kuakua hei hihen sonsia pahsuh un, mengdenin le lemdunno in phialdun duaduam poh unna, mi hempoh humah lungnemnak lungmu le awnkam langtik leleng un tin hilhin hi.

HEBRU 10:25

Munkhatno in, a pumkhawm mek uhmi khi zamsan thong ma nung. Mi khenkhat ten zamsan haw naven Topa i Ni a nai dedeuh li toh hangin, oh cu pa khat le pa khat thazaang a piadun dedeuh tuk mite hung hi.

HEBRU 10:37

Itahim titale Lai Thiangtho in, “A ngei ngawlin amah cu heng tuk hi.

1 PETER 1:11

Ituk ten kaw mah hun cu a hen tuk tin zei suak tukin a tumtah haw mi hi. Amu sungah a ummi Khrih i hawvangin, Khrih i thuak tukmi haksatnak le mah nungten a co tukmi sunloihnak thu a hilh ham ten atu hun hi, a son nuammi hun hi.

1 PETER 4:7

Ihempoh ca in hun dawlbel ni heng awndiak toh a hih hangin phazetno in thu na nget theihnak tukin supnak nei in, lungmu cihnak tuah um un.

MANGMUHNAK 22:20

Hi thu hempoh hi man hi tin theihpihtu in, “Man loli hi, hungpal tung,” ti hi. Amen. Topa Jesuh! Hung tohin hi.

MANGMUHNAK 22:7

Jesuh in, “Ngai un, hungpal tung hi. Hi laibu sung a, ngatmi profet awnkam a zuitute cu mi lungdam haw hi,” ti hi.