FILIPI 4:3 - Ngawm Bible

³ Mahten nang, muantak, ka nadehpih, hi numei pa nihte hi keimah tuah nadek langkhat mite haw a hih hangin na bop tuk vang deih bok ing. Clement le Pathian i nunnak laibu sung a min khummi ka nadeh pih hempoh tuah Thuthangpha zaitik tuk keimah tuah nase zetin nadektu hi haw hi.

FILIPI 4:3 Iomraidhean Croise

SAAM LABU 69:28

Nunnak laibu sung pen a min haw phiat inna, na mihing tei cazin sungah telhcih hihim pahsun.

SUAHTULNAK 32:32

A sualnak haw cu ngaidam zalin hi. Na ngaihdam tuk ngawl sangin na mihingte a min haw na khumnak na laibu pen ka min phiat saw in hi,” tin kun hi.

ISAIAH 4:3

Jerusalem ah a tangmi, nungca tukin Pathian i tenmite cu mi thiangtho tin, sam hi haw tuk hi.

EZEKIEL 13:9

Noh muhnak man ngawl a mutu le mailam thuman ngawlin a hilhtu profet cu bawlsia tung. Thusoncat tukin ka mite a khopkhawm haw ten noh cu tel kha tukma uh ci. Na ngam uhah kik awng tukma uh ci. Cungnungbel Topa ka hihlam cu thei tuk uh ci.

DANIEL 12:1

Nimzang ma neuno tuah tahmi puan a silhtu vancungmi in, “Mah hun ten na mihingte cingkhawitu vancungmi Mikhael lang tuk hi. Hi miphun tei lakah a pianpat haw pepanin, a tawh awng haw ngawlmi haksatnak nasezet heng tuk hi. Mah hun ten Pathian laibu sung a, min ngatmi na miphunte cu pat suak hi haw tuk hi.

LUKA 10:20

Mahnaven dawi ngilo ten na thu uh a ngaih haw hangin na lung uh dam pahsuh un. Mah sangin vanhumah na min uh nganin, a ummi hi na lungdam saw un,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 12:1

Mahti bang a hih hangin ka u le naute aw, Pathian i hehpihnak hangin Pathian nelah na pumpi uh cu a nungin apmi biakpiaknak bangin pia un tin ngen ing. A nadehnakah pum a pia mi le a lungdamtiktu hi tukin sawm ing. Mahmi cu Pathian nelah na piak tuk uhmi biaknak tatak hi.

ROM Khua Khristian Tei Lakah Paul i Laikuat (Paul’s Letter to the Romans) 16:12

Topa i ca nadehnakah na a dektu Tryfena le Tryfosa vang nuksat ing. Topa i ca in, na tamzet a dektu ka ngualcam pha Persis vang nuksat ing.

ROM Khua Khristian Tei Lakah Paul i Laikuat (Paul’s Letter to the Romans) 16:9

Khrih ca nadehnakah a nadehpih uh Urbanas vang nuksat ing; ka ngualcam pha Stachys vang nuksat ing.

FILIPI 1:12

U le naute aw, keima humah a hengmi thilte hi, Thuthangpha tangzalhtiktu lamin cang saw tihmi na theih tuk uhin deih ing.

FILIPI 1:16

Mah miten itnak a neihnak haw hangin hi, itahim titale Thuthangpha a bawmtu tukin Pathian dehvo a piak khi mu haw hi.

FILIPI 1:27

Atu-in, a thupimi cu Khrih Thuthangpha i deihnak bangin na nundan uh cu ahi thei ahin, nangmuhte ka tawk vang ka tawk thei ngawl vangin hihen, tuptahmi pa khatah khozet dingin Thuthangpha i ca in munkhatah thinkhatno in ngaldo langkhat uh ci tih cu thei ing.

FILIPI 1:5

Itahim titale thuthangpha nadehnakah a pat pepan, tuni tian nohte cu keimuh bawm lelengtu hi uh ci.

FILIPI 1:7

Nangmuh cu ka lungmu sungah caam leleng uh ci. Nangmu humah hiti bang lungmu ka neihmi hi a nei tukin tak ing. Itahim titale atu thawnginn sung ka umah hihen, a pualamah luat zetin Thuthangpha tanpih lo in, khohkhah hen tin ka dehnakah hei hihen, Pathian i hehpihnak hangin ka comi ka dehvo ah na venghawng uhin tel leleng bok uh ci.

FILIPI 4:2

Euodia le Syntykhe, nangmu lakah hehpihnak ngen ing hi. Topa i deihnak zui in, na lungmu uh munkhat tukin zuam un.

KOLOSE 1:7

Pathian i hehpihnak cu Epafras i lak pen na theih uhmi hi. Amah cu ka ih zetmi ka nadehpih uh, keimu ai-awhin muantak zetin Khrih i nadektu hi.

MANGMUHNAK 13:8

Thahnak thuaktu Tuuno i nunnak laibu sungah leipi pian laih ngawlin min khumsa mite sial ngawl, leihummi hempoh ten mahmi sahang cu bia haw tuk hi.

MANGMUHNAK 17:8

Hi na muhmi sahang cu nung awng naven atu-in nungleh ma toh hi, taw nei ngawl khuk sung pen tul tuk a, siatnak le lalthongnakah letvawk tuk hi. Leihum mihing, leipi pian laih ngawlin nunnak laibu sungah a min a ngat khak ngawl ten mahmi sahang a zoh haw ten lamdangsazet haw tuk hi. Nung awng naven atu-in nungleh ma toh; mahnaven langleh tuk laih hi.

MANGMUHNAK 20:12

Mahceng ten a thi sate a neu a ngengin, kumpi khunnak mai ah a din haw mu ing. Laibu kau haw in; mahceng ten a dang laibu pa khat, nunnak laibu tihmi kau lehleu haw hi. Mithi sate cu mah laibu sungah khum sa mi a nadehnak haw bangin a thu haw khenin um hi.

MANGMUHNAK 20:15

Akua hei hihen nunnak laibu sung a, min ngan ahi ngawl hempoh cu tuiting bangmi meipi sungah vawk na hi haw hi.

MANGMUHNAK 21:27

Mahnaven mah khuapi sungah a thiangtho ngawlmi imah tum tukma hi. Zahcakhuai thil a bawltute le zolthu sontute vang tum haw tukma hi. Tuuno i nunnak laibu sung a minngat mite bek tum haw tuk hi.

MANGMUHNAK 3:5

Nehtute cu mahti bangin puan ngo silh haw tuk a, nunnak laibu sung pen a min haw phiat tuk mang hi. Ka pa le a vancungmi tei lakah kata hi haw hi, tin ciang zetin hilh tung hi.