FILIPI 4:19 - Ngawm Bible

¹⁹ Mahten ihempoh cangkimin Khrih Jesuh i sung pen ka Pathian in, na kul uhmi hempoh cu pia tuk hi.

FILIPI 4:19 Iomraidhean Croise

PIANPATNAK 48:15

muicu pia in: “Ka pa Abraham le Isaak in, a nunsung haw in, a na a deh haw mi, Pathian in nohte muicu pia zal tahen. Tuni tian kei a kemtu, Pathian in nohte cu muicu pia zal tahen.

2 Samuel 22:7

Ka lungbingin Topa i lakah au ing, ka Pathian nelah bopnak ngenin, a biakinn sungah ka aw zain, bop ka ngetnak cu ngai hi.

2 KHANGSIALNAK 18:13

Mikaiah in, “Topa i min salin hilh ing. Ka Topa i hilhtikmi bebek hilh tung hi,” tin don hi.

2 KHANGSIALNAK 31:8

Kumpi Hezekiah le a khutnuai bawi ten hi bangin vun menmun a piakmi laksawng amuh haw ten Topa thangphatin, Israel tei ca in muicu ngetsak haw hi.

NEHEMIAH 5:19

Hizahta in mipi tei ca in ka bawlmi hi Pathian in ka phatnak tukin hu theihsak zal tahen.

NEHEMIAH 9:15

A ngilkial haw ten van pen cangho khiasuk ci, Adangdum haw ten suangpi sung pen, a in haw tuk tui tultik ci. A hennak haw tuk ngam cu luahtum tukin hilh ci, A lak hawah pia tukin na tepsa mi ngam cu.

SAAM LABU 104:24

Maw Topa na bawlmi hi tamzet hi. Cihnak tuah bawl khawng ci. Leihum cu na bawlmi nganhing tuah dim hi.

SAAM LABU 130:7

Israel, Topa cu muangin; Itahim titale a ihnak cu khel awng ma hi; mi pat nuamnak vang nei leleng hi.

SAAM LABU 36:8

Na innsung a, eih celh ngawl an cu ei haw in, na phatnak lui pen tui pia ci.

SAAM LABU 84:11

Topa cu humhimtu le a sunglawi kumpipa hi. Hehpihnak le sunloihnak tuah muicu pia hi. Thilpha a bawltu tei nelah thilpha piak tuk cu phalzet hi.

DANIEL 6:22

Pathian in kiosa tei kam huptu tukin a vancungmi hahin, pa khat hei in keimah siatsuah haw ma hi. Sualnak nei mang, kumpipa na humah mawhnak ka neih ngawl hangin,” ti hi.

MIKAH 7:7

Mahnaven kei cu Topa ngak tung; Keimah pantu Pathian cu ngak tung hi. Ka Pathian in keimah thei tuk hi.

MALAKHI 3:10

Biakinn ah na seh sawm seh khat uh cu a kimno in cawi unna, an tampi um tuk hi. Keimah hi khingkhai himpo hem un, vancung kongkate hong tung a, noh tei ca in thilpha namkim buaksuk tung hi.

MATTHAI 6:32

Hite hi cu thu umngawl lawki mitei helhkam lelengmi hi. Vancung a ummi na Pa uhin na kuldan uhmi cu thei leng hi.

JOHAN 20:17

Jesuh in Mary lakah, “Keimah zen hih pahsun! Itahim titale pa i lakah heng ma laih ing. Mahnaven ka unau tei lakah hilhta inna, a Pa haw ahi bokmi ka Pa, a Pathian haw ahi bokmi ka Pathian nelah hawh tung hi, tin hilhin,” ti hi.

JOHAN 20:27

Mahten Thomas i lakah, “Hilai ah na khutzung tuah zenin, ka khut zo inna, na khut tuah ka naak hi zenin hi. Umthei ngawlin um toh pahsun; um tohin,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 1:8

Jesuh Khrih i hangin leihum buppi ah na upnak uh thangkeh khawng hangin na venghawng uh i ca in ka lungdamnak thu Pathian nelah hilh masa ing.

ROM Khua Khristian Tei Lakah Paul i Laikuat (Paul’s Letter to the Romans) 11:33

Pathian hehpihnak cu ngeng leita hi! A theihnak le a cihnak cu i bang lawlawm thuk him! A thusoncat mite akua in kaw a hilhciang thei tuk? A hawhnak lampi akua in kaw a theithei tuk?

ROM Khua Khristian Tei Lakah Paul i Laikuat (Paul’s Letter to the Romans) 2:4

Mah ahimata Pathian hehpihnak, a mi ngi na zia le a thinsau lungduainakte a nase leita mi hi imah simsial ngawlin um cim? Pathian hehpihnak cu na sualnakte sik tukin a ngaisungtiktu hi tih cu ciang zetin thei ci.

ROM Khua Khristian Tei Lakah Paul i Laikuat (Paul’s Letter to the Romans) 8:18

Atu hun a haksatnak a thuak uhmi hi eimu lakah a langleh tuk laihmi sunlawinak tuah tehkip takin ngaisung hihim mang hi.

ROM Khua Khristian Tei Lakah Paul i Laikuat (Paul’s Letter to the Romans) 9:23

a cangkimmi sunlawinak hei cu langtik nuamin, a cotu tukin teksa a hih uh hangin a hehpihnak a cotu ohtei humah a sunlawinak cu leihsuk hi.

2 KORIN 12:21

Nangmu lakah ka henleh ten ka Pathian in nangmu mitmuhah zahcak tawkin bawl kawn tih lauzet ing; mah tin nunglam hun laih a, sualnak a bawltute thil nawngkai a phunkim, tisa nuamnak le nupa sualnak a bawl haw mi sihkiknak a neih haw ngawl hangin kap kha kawn ing tih hi lauzet ing.

2 KORIN 4:17

Mahten haksatnak hun comno sung ka tawh uhten a let tampi in kumkhua sunloihnak pia tuk hi.

EFESA 1:18

Iti bang muansannak nei tukin kaw nohte samin, a mihing tei ca in, a tepsami cu iti bang nalamdang him!

EFESA 1:7

Itahim titale Khrih i thisan i hangin a sualnak uh cu zahin, a luatmi hi zo hung hi. Pathian in, a hehpihnak cu eimu lakah tam zetin, a piak hangin,

EFESA 2:7

Hitih bangin a bawlnak cu thudang hi ngawlin, Khrih Jesuh pen oh ten a itnak ngeng dan khi kumkhua phatin langtik a nuamnak hangin hi.

EFESA 3:16

A sunloihnak soncelh ngawlmi pen a hawvangin, na sunglam uh a mihing na hihnak uh khi cahnak huham pia tukin Pathian nelah ngen ing a,

EFESA 3:8

Kei cu Pathian i mihing tei lakah mi nautabel sangin nauta saw laih ing. Mahnaven son theih ngawl tianin, a ngengmi Khrih Thuthangpha cu Gentail mitei lakah henpih tukin le,

FILIPI 4:7

Mahten mihing tei ngaihsut bat ngawlmi, Pathian i lemdaihnakin, na lungmu uh le na ngaihsutnak uh cu Khrih Jesuh tuah na pehzomnak uh sungah himdamno in koih tuk hi.

KOLOSE 1:27

Pathian i tuptahmi cu mi hempoh tei ca in ngaihsutsa mi a sunglawi le nalamdang thu-ip cu atu-in, a mihing tei lakah langtik tukmi khi hi. Mah a thu-ip cu nangmu sungah a ummi Khrih a tihnuammi a hih hangin Pathian i sunloihnak khi kawm bok tuk uh ci tihnak hi.

KOLOSE 3:16

Khrih i thu cu na lungmu sung uhah cangkimno in cam leleng hen. Cihnak namkim tuah pa khat le pa khat zilhdunin thapiadun un. Saam labu sung a la, apdunnak la le la thiangte sa un. Na lungdamnak uh cu la tuah Pathian thangphat un.

1 THESALON 2:12

A Uknak le a sunloihnak kawm tukin a samtu Pathian lungdamtik tukin le nung thei tukin, catngawlin sosuah ung hi, nangmuh hehnemin thapia ung hi.

1 TIMOTE 6:17

Mihaute khi ultung kha sual tuk ngawlin ngallinnak pia un. A kho ngawlmi leihum hauhsaknakte ngaisung ngawlin, eimu co theih tukin phal zetin, a pia theitu Pathian khi muang saw un.

FILEMON 1:4

Ka unau Filemon, thu ka nget sial ten phawkin, Pathian nelah lungdamnak thu hilh leleng ing.

1 PETER 5:1

Pawlpi upavang hi bok ing a, Khrih i thuaknak a mutu le a lang tuk laihmi sunloihnak co boktu tuk keimah in pawlpi upa tei lakah hehpih kun ing.

1 PETER 5:10

Mahten hun comno sung na thuak celh uhten hehpihnak tuah a dimmi Pathian in Khrih tuah na pehzomnak uh hangin kumkhua sunloihnak co bok tukin a samtu Pathian amah loli in cangkimtikin khohkhahnak le thangilnak pia tuk hi.