FILIPI 4:17 - Ngawm Bible

¹⁷ Ka deihmi cu na laksawng uh ngah tuk bek hi kha ma hi; nangmu cazin sungah a met um bok hen tih hi lak nuam ing.

FILIPI 4:17 Iomraidhean Croise

THUPAUCAP 19:17

Mi zawng tei humah hehpihnak neih cu Topa i lak a thilpiak tuah bangten hi. Topa a man lulleh tuk hi.

MIKAH 7:1

Poizet thong hi! Ngilkial zetin thingkung humah thingngah zei in, imah amu ngawltu le sabit kung humah sabit ngah zei in, a tawk ngawltu bang ing. Theipi ngah a ukzet le sabit ngah hempoh cu thawi khawng zo haw hi.

MALAKHI 1:10

Ihempoh tithei Topa in, “Ka biaklandawh humah a nemcuam ngawlmi meivak kha tuk ngawlin, nangmu lak pen pa khatin biakinn kongka khak unna, awi ing. Na hum uhah lungdam mang; na cawi uhmi biakpiaknakte cu sang tuk mang.

JOHAN 15:16

Noh ten keimah teng kha ma uh ci. Keimah in nangmuhte teng saw ing hi. Mah hangin ka minin, na nget uhmi hempoh pa in pia tuk hi.

JOHAN 15:8

Noh ten ngah tampi na ngahnak uh i hu le thawm hangin ka Pa i sunloihnak na langtik uh hangin ka nungzuitu na hih theihnak uh hi.

ROM Khua Khristian Tei Lakah Paul i Laikuat (Paul’s Letter to the Romans) 15:28

Hi nadeh cengin, amu ca piakmi sumpi kimno in amu khut sungah ka ap celh ten Spain ngam hawh tukin tul tung a, nangmu lakah leng vawk thah tung hi.

2 KORIN 11:16

Notleh hih tung: Kuamah in misilin ngaisung haw pahsuh hen. Mahnaven noh ten na ngaisung uh tale misil bangin nei poh unna, dawmno bek cu tuangkhawng thei bok tung hi.

2 KORIN 9:5

Mah hangin keimah ka hen laih ngawlin hi a unau uhte hi hah ung hi; mahten piak tukin na tih sa uh laksawng tuangtim hamsa khawngin um tukin vaihawmnak nei ing. Mahten ka hen ten sonsa khawngin um tuk a, piak a kul hangin pia hi ngawlin piak na nuam uh hangin pia, tih khi lang tuk hi.

FILIPI 1:11

Jesuh Khrih bek i piak theihmi ngamtat pha ngangai cu na nunnak uhah dim tuk a, mahmi cu Pathian thangphatnak le sunloihnak tukin hi.

FILIPI 4:11

Nunghek zo haw toh bang um si le, tin ka ngaihsutnak hang hei in ka sonmi kha ma hi. Thu ngangai in titale keima neihnak zahno tuah lungkim zetin um tuk khi thiam zo ing.

1 THESALON 2:5

Nangmuh ten na theih uh bangin nangmu lakah ka hen uh laihin, nangmuh pahcoihnak thu awnkam mang ma ung hi. Na hampumnak uhte lang tuk ngawlin awnkam khat hei mang ma ung. Pathian in thei leng hi.

1 TIMOTE 3:3

Zukham misil hi tukma, thinsup thei ngawlmi, midang tuah a haudun theimi, mi ngilo, iksiknak neimi le phuciak theimi hi ma hen, mahnaven lungnemmi le lemdaihnak a deihtu hi tuk hi. Sum deih leitatu hi tukma hi.

1 TIMOTE 6:10

Itahim titale tangka deih leita cu sualnak hempoh tawpantu hi. Mi khenkhat ten tangka neih a nuam leita haw hangin a upnak lampi pen pialin, apvansanin um haw hi.

TITUS 1:7

Itahim titale pawlpi lamhuaitu cu Pathian na dehvo a neitu a hih hangin mawhsiatnak tuk a nei ngawlmi hihen; mi pualthau le mi thincom, zukham misil, mi ngilo le sum deih leita mi hi ma hen.

TITUS 3:14

A mihing uhte cu na pha bawlnakah a hun le can haw mang haw hen; mahtin a bawl haw tale, a kulnakah mi bawm thei haw tuk hi. Muantak ngawlin umthong tukmi kha ma hi.

HEBRU 6:10

Pathian in mi deidan ma hi. Na nadeh uhmi ah Pathian na itnak uh langtikin, Khristian unaupihte na bopnak uh le atu na bop lih laih uhte khi Pathian in sialsiah sak leleng hi.

1 PETER 5:2

Pathian i piakmi tuuhon cingtu hi un; Phu thathahin, a cingtu hi ngawlin Pathian i itnak bangin, lungtho zetin cingtu hi un. Na nadeh uhten thaman ngah nuam hangin dek hi ngawlin itnak tatak tuah dek saw un hi.

2 PETER 2:15

Lampi man cu pialsanin, lampai haw hi. Beor i capa profet Balaam i zuimi lampi khi zui haw. Balaam cu thilpha ngawl a bawlmanin, sum a co nuamtu hi.

2 PETER 2:3

A hampumnak haw hangin hi zilhtu man ngawl ten tangthu bawlcawm hilhin, nangmuhte cu sum zeinakah mang haw tuk hi. Mahnaven amuh Thukhentu cu a ngallinnak ngeipi zo a, amuh siatsuahtu tuk vang hihbu ngawlin um hi.

JUDE 1:11

Amu ca in lauhuai thong si! A zui haw mi cu Kain i zuimi lampi hi. Tangka deihnak hangin Balaam i bawlmi sualnakah a pumpi pia haw hi. Korah bangin langpangin, siatnakah heng bok haw hi.