FILIPI 4:12 - Ngawm Bible

¹² A tingsam liamluamin um cu iti bang him tihvang thei zo ing, mahten a valin neihmi vang iti bang him tihvang thei ngah zo ing. Mahti bangin umdan a kuhno cu ka cun ngah zo hangin ilai banglai ah hihen, itih bang hunah hei hihen, ka vonvahah hei hihen, ka ngilkialin hei hihen, demno ka neih ten hei hihen, tampi ka neih ten hei hihen, lungmu nop zetin um thiam zo ing.

FILIPI 4:12 Iomraidhean Croise

NEHEMIAH 9:20

Na phatnak hangin a bawl haw tuk hilh ci, Manna tuah cawmin, a in haw tuk tui pia ci.

ISAIAH 8:11

Mipi tei zui mi lampi zui tuk ngawlin Topa in, a huham nasezet tuah ngallinnak pia hi.

JEREMIAH 31:19

Nangma lak pen mundangah pial ung. Mahnaven ngei can um ngawlin kikleh nuam ung. Na bawlsiat nungsang cu thasia in lu kun thong ung hi. Zakca le mualpho in umthong ung hi. Ka khanno uh laihin ka sual uh hangin,’ ti haw hi.”

MATTHAI 11:29

Ka kolhak hi pua teh unna, keima lak pen cung un; kei cu nunnem le niamkhiatnak lungmu neimi ing. Keima lak pen cung unna, colhdamnak ngah tuk uh ci.

MATTHAI 13:52

Mahten Jesuh in, “Mah ahi tale Vancung Uknak sung a, Daan zilhtu hempoh cu a na koihnak inn sung pen thil thak le a lun kaisuah libektu inn neitu pa bang hi,” tin hilh hi.

2 KORIN 10:1

Munkhatah a umlangkhat ten uh laihin, a nun pha zetin, a awnkam nem tin ti uh ci a, khendun nungten ti belbul na tih uh mipa keimah Paul in Khrih i hehpihnak le nunnemnak lungmu tuah ngen ing.

2 KORIN 10:10

Mi khenkhat ten, “Paul i laikuatte hi khohkhahin mualneizet, naven amah ngangai eimu lakah a um ten imah nge ma, a otmi vang mual nei ma,” tin ti uh ci.

2 KORIN 11:27

Nadeh haksa a catngawl umin, vei tampi hihbuhnak hun hei nei ngawlin um ing. Ngilkial le dangdumin um ing; vei tampi buknak nei ngawlin, eih tuk an khamtham ngai hei nei ngawl le nikcen puansilh nei ngawlin um ing.

2 KORIN 11:7

Pathian Thuthangpha nohtei lakah ka phuan ten phuan man la awng mang, nangmuhte saw thupitik nuamin, keimah saw nuai khiadun ing. Mahtin ka um cu sual ing maw?

2 KORIN 11:9

Mahten nangmu lakah ka um sung khin sum man tuk ka tingsamzet hei in nohte simsial kha mang hi; Macedonia ngam pen a hungmi a unaupih uhten ka kulmi hempoh sel khawng haw hi. Nunglam laih bangbok lelengin mailamah na bawm uh ngittiktu hi tukma toh ing.

DAAN PIAKLEHNAK 32:10

Phillawnah vakvai in, a vahlih haw mu hi. Ngamkhing, huih kongka phillawnah, Ama mitcang a cinkhawi bangin, hupin cingkhawi hi.