FILIPI 4:10 - Ngawm Bible

¹⁰ Keima ca na ngaihsutnak uh cu hun ngeipi nungten lang lehtik uh ci a, a Topa uh tuah a pehzomdunnak uh i hangin ka lungdamzet ing. Hitih bangin ka tih ten keima ca imah ngaisungleh ma uh ci, ka tihnak kha ma hi; a langtiknak tuk hun na ngah uh ngawl hangin hi saw hi.

FILIPI 4:10 Iomraidhean Croise

2 KHANGSIALNAK 31:8

Kumpi Hezekiah le a khutnuai bawi ten hi bangin vun menmun a piakmi laksawng amuh haw ten Topa thangphatin, Israel tei ca in muicu ngetsak haw hi.

SAAM LABU 85:6

Ka thazaang uh cak lehtikin, na mihing ten thangphat pahcawi tuk ung hi.

HOSEA 14:7

Keima humhimnak sungah ankungte cingin, sabit huan sung a, sabittui bangin a min haw thang tuk hi.

2 KORIN 11:9

Mahten nangmu lakah ka um sung khin sum man tuk ka tingsamzet hei in nohte simsial kha mang hi; Macedonia ngam pen a hungmi a unaupih uhten ka kulmi hempoh sel khawng haw hi. Nunglam laih bangbok lelengin mailamah na bawm uh ngittiktu hi tukma toh ing.

2 KORIN 6:7

thutak ka phuan uhmi le Pathian huham a langmi in Pathian i nadektu ka hihnak uh langtik bok ung hi. Diknak cu ka ngal uhte nawtvawknakin le keimuh hupdunnakin ka man uhmi hiamnam hi.

GALATI 6:10

Mah hangin hun pha a tawh uh hempoh ah kuakua i humah hei hihen a phami cu bawl nung inna, Khristian a upnak uh lam pen a innkua tei lakah a cuangin bawl tuk hung hi.

GALATI 6:6

Khristian Thuthangpha zilh sa mi in, thilpha a co mite cu amah a zilhtu khi a kawm bok tukmi hi.

FILIPI 1:1

Khrih Jesuh i sila Paul le Timote in, Khrih Jesuh tuah a pehzommi Filipi khua a Pathian i mihing tei lakah le nangmu pawlpi sung a lamhuaitu le bawmtu tei lakah laikuat ung hi.

FILIPI 1:3

Nangmuhte ka ngaihsut sial ten ka Pathian humah lungdamzet ing.

FILIPI 2:30

Amah bang mihing cu maizahnak pia un. Itahim titale Khrih i ca in nadehnak le nangmuh tei piak theih ngawlmi bopnak khi pia tukin a nunnak hei ngaisung ngawlin nadekin nunnak tian bo awndiak hi.