FILIPI 3:8 - Ngawm Bible

⁸ Hi thil bek hei kha ma hi; thildang hempoh hei hi ihempoh sangin a sunglawi saw mi ka Topa Khrih Jesuh ka theihnak hangin sunnak tawp khawk, tin ngaisung ing.

FILIPI 3:8 Iomraidhean Croise

1 KUMPI 14:10

Mah hangin na uknak humah thil poimawh hengtik tung a, na casuan pano hempoh upa hihen, naupang hihen, thitik khawng tung hi. Na innsung le na unaupihte susia khawng tung a, ek a haal haw bangin a bo laklawh haal tung.

2 KUMPI 9:37

A luang cu ek bangin lengkek khawng tuk a, kuamah in Jezebel hi tih theitum haw tukma, ti hi.”

JOB Laibu (The Book of Job) 20:7

Leivul bangin huihin mutvawk tuk hi; A thei satu ten ilai ah kaw, ti li haw tuk hi.

SAAM LABU 126:6

Kapthahin anci a pawitute cu, Lungdamnak cangtel pua in, pinleh haw tuk hi.

SAAM LABU 73:25

Vancungah nangmah sial ngawl nei ing kaw? Nangmah sial ngawl leihumah akua um tuk kaw?

ISAIAH 53:11

Haksatnak a thuak nungten lungdamnak tawk tuk; A thuaknak cu a thawnthong ma hi tih cu thei tuk hi. Amah cu a dik, a manmi keima nadektu a hih hangin ka lungdam ing. Mi tampi tei ca in dantatnak thuak tuk a, amuhte cu a sualnak haw ngaidam tung.

MALAKHI 2:3

Na cano uhte dantat tung a, na mai uhah biakpiaknakin, na man uhmi ngan tei ek noih tung a, ek mualah pui khawng hi tuk uh ci.

MIPUM SIALNAK 14:30

Hi ngam co tukin thutiam ing. Mahnaven Kaleb le Joshua sialngawl pa khat hei heng tukma uh ci.

LUKA 1:43

Itahim ka Topa i nu tukin kei lak thongpoh ngen leen na nuam?

LUKA 11:20

Beelzabul hu le thawm tuah dawi ngilo hawlvawk thei hi kha mang hi. Pathian hu le thawm tuah hawlvawk hi saw ing. Mah hangin Pathian Uknak cu nohtei lakah heng zo tih langtik hi.

JOHAN 14:20

Mah ni le hun a hen ten kei cu ka pa i sungah ka um lam thei tuk uh ci. Nangmuh vang keima sungah na um lam uh le nangmu sungah kei ka um lam thei bok tuk hi uh ci.

JOHAN 14:7

Atu-in noh ten keimah thei ngah zo na hih uh hangin ka Pa hei thei bok tuk uh ci. Tu pepanin noh ten amah cu thei in, mu zo uh ci,” ti hi.

JOHAN 16:3

Ka Pa hei hihen, keimah hei hihen a theih haw ngawl hangin hitih bangin nohtei humah bawl haw tuk hi.

JOHAN 17:3

Mah kumkhua nunnak tihmi cu Pathian nangmah theih le na tiikmi Jesuh Khrih theih na hi.

JOHAN 17:8

Na piakmi na thu cu hilh ing a, amuh ten pom zo haw toh hi. Nangma lak pen a hungmi ing hi, tih thuman hei cu thei haw in, na tiikmi tih hei khi um haw hi.

JOHAN 20:13

Vanmi ten, “Ita kap li cim?” tin Mary cu dong hi. “Ka Topa akua nantim a latu, i lai ah koih haw nantim tih thei mang,” tin a kapthahin don hi.

JOHAN 20:28

Thomas in, “Ka Topa le ka Pathian,” ti hi.

NUNGZUITU 20:24

Mahnaven ka ca in ka nunnak hi imah in sial mang hi; Topa Jesuh in deh tukin a piakmi Pathian i hehpihnak Thuthangpha son tuk hi cangkim zetin son tuk bek hi ka thuduhsammi hi.

ROM Khua Khristian Tei Lakah Paul i Laikuat (Paul’s Letter to the Romans) 8:18

Atu hun a haksatnak a thuak uhmi hi eimu lakah a langleh tuk laihmi sunlawinak tuah tehkip takin ngaisung hihim mang hi.

ROM Khua Khristian Tei Lakah Paul i Laikuat (Paul’s Letter to the Romans) 8:39

leihum le leinuai ummi hihen khen thei haw tukma hi. A Topa uh Jesuh Khrih hangin Pathian i itnak pen a khen theitu tuk siammi sung hempoh pen imah umma hi.

1 KORIN 2:2

Itahim titale nohtei lakah ka umlaihin, Jesuh Khrih le thinglamteh humah a thihnak sial ngawl a dang ngaihsut tum mang.

1 KORIN 9:10

Hilai i sullam cu eimuhte hi. Lei lettu hihen, cang attu hihen, cang covo nei bok tung tin ngaisungin dek tek haw hi.

2 KORIN 4:4

Mahmi ten sang haw ma hi, itahim titale hi leihum i pathian sesuakin, a lungmu haw cu khuathim lakah a koih leleng hangin hi. Thuthangpha i vaknak Khrih i sunloihnak pen a hengmi vaknak cu mu haw ma hen tin mah pathian in lim leleng hi. Khrih cu Pathian tuah bangve loli hi.

2 KORIN 4:6

“Khuathimnak sung pen khuavaknak suak hen,” tin, a titu Pathian cu Khrih i mitmai hum a, Pathian i sunloihnak khi ka theih zawhnak tukin keimu lungmu sungah a vaknak piatu cu Pathian amah leleng hi.

GALATI 1:16

A Thuthangpha cu miphun dang tei lakah phuang thei tukin, a Capa ka lakah a langtik ten mihing kuamah i lakah thu siampih tukin zuan mang hi.

EFESA 4:13

Mahten a upnak uh le Pathian Capa a theihnak uh pa khat sungah khawm khawng tuk hung; pasal piting hi tuk hung a, Khrih i pasal piting a hihnak a sannakbel munah heng bok tuk hung hi.

FILIPI 1:1

Khrih Jesuh i sila Paul le Timote in, Khrih Jesuh tuah a pehzommi Filipi khua a Pathian i mihing tei lakah le nangmu pawlpi sung a lamhuaitu le bawmtu tei lakah laikuat ung hi.

FILIPI 3:10

Ka deihmi cu Khrih le a thawhlehnak i cahnak khi tep bokin le a thuaknak le a thihnakah vang telbokin,

FILIPI 3:12

Hitih bangin ka tih ten, heng tukin ka tuptahnak lamah heng zo ing ka tihnak hi ma hi; cangkim zo ing ka tihnak hei kha ma hi. Khrih Jesuh in ama ca in, a mat ngah zo toh hangin keima ca a koihmi zuam man laksawng co tukin mailamah a nawt li mi ing.

FILIPI 3:7

Mahnaven hitih bang thil metnakin ka ngaihsutmi hi atu-in Khrih i hangin a venghawngin sunnak lamin ngaisung khawng zo ing.

2 TIMOTE 4:6

Kei cu biakpiaknak tuk a piak haw bangin a man haw tuk can heng zo hi. Hi leihum nunnak ka zamsan tuk hun heng zo hi.

HEBRU 3:14

Itahim titale a pattungin, a co uhmi lungmuannak khi a tawpnak tian a lenkhim thei uh tale, a venghawng uhin Khrih i ngualcam hi tuk hung hi.

1 PETER 2:7

Thu umtu nangmuh tei ca in suang manpha hi. Mahnaven umngawltu tei ca in, “Inn satu tei nemcuam ma tin, a lawl haw mi suang cu man neibel suangin suak hi,” tihmi khi hi.

2 PETER 1:2

Pathian le Topa Jesuh Khrih na theihnak uh hangin hehpihnak le lemdaihnak cu cangkim zetin co zalta un hi.

2 PETER 1:3

A sunloihnak le a phatnak co bok tukin a samtu Khrih a theih theihnak uh hangin Pathian kihcaknak tuah a nun theihnak tukin a kul le sap uhmi hempoh cu Pathian ngilnak huhamin pia zo hi.

2 PETER 1:8

Hi phatnakte hi na kulzet uhmi hi a, cangkim zetin, na nei uh tale Topa Jesuh Khrih na theihnak uh hu le thawm hangin tha caktiktu le mualneitiktu hi haw tuk hi.

2 PETER 3:18

Ohtei Topa le nunpantu Jesuh Khrih hehpihnak le amah theihnak sungah khangto sesemta un. Ama lakah sunloihnak cu atu le kumkhua in um leleng tahen! Amen.

1 JOHAN 1:3

Pa le a Capa Jesuh Khrih tuah pawlkomnak a neih uhmi sungah na tel theihnak tuk uhin ka muh uhmi le ka zak uhmi cu nangmuh tei lakah phuang ung hi.

1 JOHAN 2:19

Hite hi eimu mi ngangai a hih haw ngawl hangin taisan haw hi. Eimu sung a telmi tatak ahi haw tale pawlkom leleng haw tuk hi. Hitih bangin a tul sannak haw cu a muhte eimu pawl sung a, mihing ngangai hi haw ma hi tih langtik hi.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.