FILIPI 3:21 - Ngawm Bible

²¹ Amah in imah ngawl a thi thong theimi a taksa pumpi uh hi a sunglawi mi ama pumpi bangin thek tuk hi; mahmi bawlnakin ihempoh ama uknak nuai ah koih theihnak huham mang tuk hi.

FILIPI 3:21 Iomraidhean Croise

SOLOMON LA 1:11

Ngun khu huh manpha sui lawngawh cu nata tuk lempah nung.

ISAIAH 25:8

Cungnungbel Topa in, thihnak cu kumkhua in paitik tuk hi. Mi hempoh tei mit hitui hu tuk a, leihum khua hempoh ah a mitei thuakmi mualpho zahcaknak cu la in botik tuk hi. Topa amah in hilh zo toh hi.

ISAIAH 26:19

Mahnaven a thi sa mite nung haw tuk; A luangpi haw cu nungleh tuk hi. Khansungah a hihbu mite cu khanglo in le lungdamin lasa haw tuk hi! A de sesepmi daita ten lei a hingtik bangin a thi sate cu Topa in nunglehtik tuk hi.

HOSEA 13:14

Hite cu mithi khua pen kaisuah tuk mang. Thihnak i khut sung pen vang doksuah tuk mang. Aw, nang, thihnak na pulhnat cu kengin! Aw, nang, mithi khua na mi siatsuah theihnak tuah hungin! Hi tei humah hehpihnak ituk mah ten nei thei tukma toh ing.

MATTHAI 17:2

A mitmuh loli haw in Jesuh a melthekin, a mai cu ni bangin vakin, a puante cu midet thei tianin ngo hi.

MATTHAI 22:29

Jesuh in, “Iti lawlawmin khial thei uh cim? Lai Thiangtho le Pathian ngilnak huham na theih uh ngawl hangin hi.

MATTHAI 28:18

Jesuh in amu lakah zuanin, “Lei le Van i thuneihnak hempoh cu ka lakah piak hi khawng zo hi.

ROM Khua Khristian Tei Lakah Paul i Laikuat (Paul’s Letter to the Romans) 8:29

Pathian in, a tensa mite cu a Capa bang tukin a dangno in koih hi; mahten unau tampi lakah a Capa cu pa khatnak a hihnak tukin hi.

KOLOSE 3:4

Mahmi na nunnak tatak uh cu Khrih hi a, amah a langleh ten nohte vang amah tuah langkhatin, a sunloihnak co kawm bok tuk uh ci.

1 JOHAN 3:2

Ka ihmite aw, atu-in Pathian cate hi zo hung hi; mahnaven iti bang tuk laih kam hung tih cu ciang ma laih hi. Khrih a hunsuk ten amah bang tuk hung hi tih cu thei hung hi. Itahim titale ama hihnak bang loli in mu tuk hung hi.

MANGMUHNAK 1:8

Cungnungbel Topa Pathian in, “Kei cu Alfa le Omega, ihempoh i bulpatnak le a tawpnak ing.” A bosa hun, tu hun le a heng tuk laihmi hunah hei in, a um leleng tukmi ing, ti hi.