FILIPI 3:19 - Ngawm Bible

¹⁹ Mahte cu hellah heng haw tuk hi, itahim titale a pathian haw cu amu taksa nopnak bek hi. Zakca tukmi hi haw naven ultunnakin mangleh lam haw, hi leihum a thil bebek ngaisung haw hi.

FILIPI 3:19 Iomraidhean Croise

SAAM LABU 17:14

Topa aw, na baantha ngil tuah kei hupin, amu covo cu a nunsung a comi hi toh hi. Amuta tukin na khawlsa mi bawlsiatnak tuah bawlsia in hi, A cano tei ca in bawlsiatnak um tahen na, a casuan tei ca vangin tang hih laih hen.

SAAM LABU 52:1

Maw mi ngilpa, itakaw na ngitlohnakte, na ultun pih lih? Pathian muantak a hihnak cu kho leleng hi.

JEREMIAH 44:17

Bawl tuk ung ka tih uhmi hempoh cu bawl leng tuk ung. Ka pathiannu uh Vancung Kumpinu lakah biakpiaknak bawl tuk ung a, keimuh le ka pu le pa ten hihen, ka kumpite le keimuh puitute hei hihen, Judah ngam khua le Jerusalem khua lampi humah a bawl zo haw bangin, biakpiaknak a piakmi sabittui cu a humah leih tuk ung hi. Mah bangin ka bawl uh laihin, hausa le neinungin haksatnak imah tawk ma ung hi.

EZEKIEL 13:19

Cangho zawl them khat co nuamin le cangho ah them khat co nuamin ka mihing tei mai ah keimah sonsia uh ci. A thi tuk ngawlte thatin, a nung tak ngawlte nungtik uh ci. Ka mihing tei lakah zolthu son uh ci a, sangzet hawta laih,” ti hi.

EZEKIEL 34:3

Tuu nawitui in uh ci a, tuumul puante silhin le tuu phabelte ngo in ei uh ci. Mahnaven tuute cingkhawi awng ma uh ci.

HOSEA 4:7

“Thiampi na tam dedeuh uhten ka lakah sual dedeuh bok uh ci. Upat tak na hihnak uh cu mualphonakin cangtik tung.

MIKAH 3:11

Khuapi uktu bawi ten nawhthuh la in, mi uk haw; thiampi ten sum ngah nuamin, Thukham laibu hilhcian haw a, profet ten sum deihin, mailam thu phuang haw; mahten a venghawng haw in, “Kohtei nelah Topa um hi,” tin ti khawng haw hi. “Keimu humah thilpha ngawl imah heng tukma. Topa cu kohtei nelah um,” ti haw tuk hi.

MIKAH 3:5

Sum piatu tei nelah lemdaihnak um tuk ti thutiamin, sum pia ngawltu tei nelah ngal heng tuk tin mi a thumtu profet ten ka mihingte cu zol khawng haw hi. Hiti bang profet tei nelah Topa in,

MALAKHI 1:12

Mahnaven noh ten upat ma uh ci; na biaklandawh uhte cu a nawngkaimi biaklandawh tidun uh ci a, na nautat uhmi an cu a humah koihin keimah zawnsak uh ci.

MATTHAI 16:23

Jesuh in heklehin Peter lakah, “Satan pa ka nel pen tai in! Ka hawhnak lampi khaktu ci, itahim titale hitih bang na ngaihsutnak hi Pathian lak pen a hengmi hi ma hi, mihing lak pen a hengmi hi,” ti hi.

MATTHAI 25:41

“Mahten a veilamah a um tei lakah, ‘Noh Pathian i tamsiat mite ka lak pen tai un. Satan le a zuitu tei ca in bawlsa, a mit awng ngawl meipi sungah hawhta un.

LUKA 12:19

Mahten keimah le keimah cu mi bawngpha pa! kum tampi sung a, na kin tukmi thilpha nei zo ci. Na nuam bangin nung haw huahin, ei in, in inna, nop zetin nungin tin tidun cop tung,’ tin ngaisung hi.

LUKA 16:19

Vei khat laihin, mihauzet pa khat um hi. Nisialin van man phapha silhin nop zetin nung hi.

LUKA 18:4

Thukhentu in thu sonsak nuam ngawlin hun ngeipi sung um hi. Mahnaven a dawltabel ten, ‘Pathian kihca ngawlin le mihing hei maizah ngawlmi hi na veng,

ROM Khua Khristian Tei Lakah Paul i Laikuat (Paul’s Letter to the Romans) 16:18

Mahtibang na a dektute cu a Topa uh Khrih ca nadektu hi haw ma hi; amu pumpi ca nadektute haw hi. A ot naldan le a awnmawi dan haw in, imah thei ngawl mipite cu zol khawng haw hi.

ROM Khua Khristian Tei Lakah Paul i Laikuat (Paul’s Letter to the Romans) 6:21

Mahnaven sualnak i sila na hihnak uhin, a met na ngah uh neuno beek um maw? Imah ngah ma uh ci. Mah bang thil sual na bawlnak uh hangin atu-in, na ngah uhmi cu zakca in, na umnak uh hi.

1 KORIN 3:3

itahim titale tu hei in tisami in nunglaih uh ci. Pa khat le pa khat iksikdunin, na hauhdun uhten leihum tisami na hihnak uh le tisa danin, na nunnak uh lang hi ma maw?

1 KORIN 5:2

Pualthau ngam talaih si uh ci. Lungsia in um saw tukmi ve uhcin hi. Mahtibang mihing cu na pawl sung uh pen na suah tuk uhmi si.

1 KORIN 5:6

Mi tuangkhawng na hih uh hi pha hihim ma hi. Tehkipnakah, “Naman demno in, cangho lom venghawng thotik hi,” tih thei awng si uh ci.

2 KORIN 11:12

Nungzuitu hi bok ung a titu ten, “Amuhte bangbokin, na dek bok ung hi,” tin, a tuangkhawng theih haw ngawlnak tukin atu a, ka bawlmi hi pehzom sesem tung hi.

2 KORIN 11:15

Mah hangin satan i nadektu a umlawhte hei in diknak nadektute bangin bawldun cawmtik hi. A dawlbelin amu nadehnak bangin thuakleh leng haw tuk hi.

GALATI 6:13

Vunceptalhtu amuh lala vangin Daan cu zui cuang haw ma hi. Vuncep talhtik a nuamnak haw cu vuncep na tannak uh i hangin taksa lam pen amuh zuitu na can uh hangin a tuangkhawn theih hawnak tukin hi.

FILIPI 2:21

Midangte cu amu ca tek ngaisungin, Jesuh Khrih ca imah ngaisung kha sap haw ma hi.

KOLOSE 3:2

Leihum a thilte ngaisung ngawlin, vancung a thilte ngaisung saw un.

2 THESALON 1:9

Amuhte cu kumkhua nuncimnak thuak haw tuk hi. Topa cu a mihing le a umtu tei lak pen sunloih upatnak co tukin,

2 THESALON 2:12

Mahten thutak sang ngawlin, sualnak lam a tengtu cu siatnakah heng haw tuk hi.

2 THESALON 2:8

Hun a kim ten mi ngilo pa cu lang tuk hi. Mahnaven Topa Jesuh a hen ten, a kam sung pen a tulmi haihawh tuah thatin, a vak selsulmi a sunloihnakin siatsuah tuk hi.

1 TIMOTE 6:5

Mahti bangin a ngamta tute cu lungmu man ngawl, thutak a thei ngawl laihtute hi. Mahti bang mihing ten biaknak hi hauhsaknak lampi pa khat hi tin ngaisung haw hi.

2 TIMOTE 3:4

Mi sonsia le zolthu son haw tuk a, mi ngaihsak dunnak nei haw tukma hi, ultungin pualthau haw tuk a, Pathian sangin amu tisa nopnak khi deih saw haw tuk hi.

JAMES 4:16

Mahnaven a tubang ahi tale pualthau le ngalin ultungzet uh ci, mahtih bang ultunnak cu a pha ngawlmi hi.

2 PETER 2:1

Tanglaihin Israel tei lakah profet manngawl um haw hi, mahti bang bokin atu nangmu lakah vang zilhtu manngawl piang tuk hi. Mi siatsuah theitu le a man ngawlmi updan luhtum pih tukin a Topa uh hei lawl haw tuk hi. Mahten amu hun sung lengah siatnak cu ngaihsut ngawl pi in hengtik haw tuk hi.

2 PETER 2:13

Midangte haksatnak a piak haw hangin haksatnak thuak bok haw tuk hi. Amuh tei ca in nunnop a tih haw mi cu khuavak laih hei in, amu tisa deihnak a bawl susuih haw khi hi. Mizol cu nop hi tin ti in, nangmu lak a puai an a eih haw ten zahcaknak le mualphonak a suaktiktute haw hi.

2 PETER 2:3

A hampumnak haw hangin hi zilhtu man ngawl ten tangthu bawlcawm hilhin, nangmuhte cu sum zeinakah mang haw tuk hi. Mahnaven amuh Thukhentu cu a ngallinnak ngeipi zo a, amuh siatsuahtu tuk vang hihbu ngawlin um hi.

JUDE 1:10

Mahnaven hi mihingte cu a theihtheih haw ngawlmi thu hempoh cu nautatnak tuah sonsia haw hi. Mahten ngamsate bangin a tisa deihnak tuah a theih theihmi haw thilte cu amuh le muh siatsuahtu in cang hi.

JUDE 1:16

Himi ten phuciak lelengin, catngawl midang sonsia haw hi; a pha ngawlmi a tisa deihnak zui in, amuh le muh khaisangdunin, amu thuno in, ihempoh a bawl theihnak haw tukin midangte pahcawi li haw hi.

JUDE 1:4

Itahim titale eimuh tei lakah Pathian cu imah in, a simsial ngawltute a theih uh ngawlin tumin, a ngamtat phat ngawlnak haw selcipnak tukin Pathian Thuthangpha cu a ping le pengah hilh haw a, eimuh tei Uktu le Topa Jesuh Khrih cu lawl haw hi. Mahtibang mihingte cu siatsuahnak co haw tuk hi, tin Lai Thiangtho sung pen tanglaihin hilhhamsa khawng zo hi.

MANGMUHNAK 18:7

Sunloihnak le nunnopnak amahno a piakdun cop zahin natnak le khaw-ngaihnak pia un. Itahim titale a lungmu sungno in, ‘Hilai ah khung ing, kumpinu hi ing, meivong kha mang, khaw-ngaihnak tawk awng tuk mang,’ tin ti hi.

MANGMUHNAK 19:20

Sahang cu manin, thawng khia haw a, a mitmuhin profet man ngawl tampi nalamdang bawl theite vang mancih haw hi. (Mahmi nalamdang a bawlnakin sahang melciknak tacik neitute le a milim biatute cu na zol ngah hi). Sahang le profet cu kaat mei tuah a alh langkhatmi meipi sungah a nungcungin vawk haw hi.

MANGMUHNAK 21:8

Mahnaven, ngalnawm mite, ngalnawmte, ningdelhhuai khawhuai biatute, laithatte, nupa sualnak bawltute, mitzial thiamte, milim biatute le zolthu sontu tei umnak tuk cu tuitingpi bangin meipi le kaat mei sungah na hi tuk a, mahmi cu vei nih thihnak hi,” ti hi.

MANGMUHNAK 22:15

Mahnaven uicote, mitzial thiamte, nupa sualnak bawltute, laithatte, milim biatute le zolthu sontute cu khua pualamah um haw tuk hi.

1 SAMUEL 2:29

Hiti bang hi leng naven ita kei na thupiak bangin a piak haw mi le zehsa a piak haw mi hampumnak tuah zo in iksik cim? Ita ka miphun Israel tei biakpiaknak a piakmi hempoh lak pen cik ukbel cu na capate eitikin, thau khawng si uh si. Keimah sangin na capate sunglawitik saw cim?