FILIPI 3:15 - Ngawm Bible

¹⁵ Hawvang lam pen pasal; a pitingmi ohte hi a venghawng uhin hitih bang lungput a nei ten tukmi hung hi. Mahnaven mi khenkhat ten lungmu ngaihsut dan a dang na nei uh tale mahmi cu Pathian in ciang zetin nangmu lakah langtik tuk hi.

FILIPI 3:15 Iomraidhean Croise

ISAIAH 35:8

Mahlai ah mipi ca in lampi ngengpi um tuk a, “Thianthohnak lampi” tin sam hi tuk hi. Misualte cu mahmi lampi zui thei haw tukma. Mahlai ah a hawhtute cu misil tei lamhoih sualnak tawk haw tukma hi.

MATTHAI 5:48

Vancung a na Pa uh a cangkim bangin cangkim bok un hi.

LUKA 11:13

Nangmuh misual poh nangawnin thilpha piak tuk na thei uh tale van a um na pa uhin, a ngentu cu Hawvang Thiangtho pia ngawlin i um tuk him?” tin ti hi.

JOHAN 6:45

Profet tei laibu sungah, ‘Mi hempoh cu Pathian in hilh tuk laih hi,’ tin um hi. Pa i thu zain, a zuitu cu keima lakah hung haw hi.

JOHAN 7:17

Pathian i deihnak a bawl nuam ngangai ten ka zilhmi thu hi Pathian lak pen a heng ngangai mi maw, keima lungmu thong him tih cu khenkhuai thiam haw tuk poh hi.

ROM Khua Khristian Tei Lakah Paul i Laikuat (Paul’s Letter to the Romans) 15:1

Upnakah ngilcangmi oh ten upnak nawmtam tei bawmngit khi puak bawm tuk hung hi. Eimu nopnak bek ngaisungtu hi tukma hung.

1 KORIN 14:20

U le naute aw, na thu ngaihsutnak uh naupang bangin um pahsuh un. Na pha ngawl bawlnak naupang bang unna, thu ngaihsutnak lamah ngilcang un.

1 KORIN 2:6

Mahnaven Hawvang lam a, pitungsa tei lakah cihnak thu hilh ing. Mahnaven mah cihnak thu ka hilhmi cu hi leihum cihnak kha ma hi, leihum uktu pa i huham hei hi ma, mah huhamte cu a bo li tohmi huham bek hi.

GALATI 5:10

Mahnaven nohtei humah muansannak nei leng laih ung. A Topa uh sung pen a pehzopnak uh i hangin na lungmu uh lamdang tukma tih cu muangzet poh ing. A nawngkaitiktu, kua hei hi tahen, Pathian i thukhennak tawk tuk poh hi.

EFESA 1:17

Mahten a Topa uh Jesuh Khrih i Pathian a sunglawimi a Pa uhin, nangmu lakah Hawvang pia zazal tukin ngen ing. Mah Hawvangin theiciangtik tuk a, Pathian cu nangmu lakah langtik bok tuk hi. Mahten Pathian cu thei tuk uh ci.

KOLOSE 1:28

Mah hangin a kuakua i lakah hei in Khrih cu phuang ung hi. Mi hempoh tei humah cihnak ka neih uhmi hempoh mangin ngallinnak thu hilhin zilh ung hi. Mahti bangin ka tihnak cu akua abang hei hihen Khrih tuah a pehzopnak haw i hangin, Khristian piting hi in, Pathian mai ah henpih ka nuam uh hangin hi.

KOLOSE 4:12

Epafras in nuksat bok hi, amah cu nangmu pawlah sungtel hi a, Khrih Jesuh i nadektu hi. A lungmu tatak tuah nangmu ca thungen lelengin, kho zetin, na din theihnak tukin, Khristian lamah piting na hih theihnak tukin le na upnak uh thu na theihciang theihnak tukin Pathian nelah ngen mek hi.

1 THESALON 4:9

Thu umtu, u le naute aw, itdunnak thu ah laingat hei kul lehma toh hi. Pa khat le pa khat itdun un hi.

2 TIMOTE 3:17

Mahti bangin Pathian na a dektu cu mi cangkim hi tuk a, na pha namkim bawl tukin thuam cangkim a neimi hi tuk hi.

HEBRU 5:14

Mahnaven an ngai cu upa ca in hi; amuhte cu khenkhuai theihnak lungmu tuah a sia le pha khen thiam haw hi.

1 JOHAN 2:5

Mahnaven Pathian thu a zuitu cu a sungah Pathian itnak cangkimin um tihnak hi. Pathian tuah pehzomdunnak nei hung hi tih a theihciangnak tuk uh cu hitih bangin hi.