FILIPI 3:14 - Ngawm Bible

¹⁴ Mah hangin mailamah zuamman laksawng co tukin cam zetin tai li ing. Mahmi laksawng cu Pathian in Khrih Jesuh sung pen kumkhua nung tukin a samnak khi hi.

FILIPI 3:14 Iomraidhean Croise

LUKA 16:16

Moses Daan le profet tei laingat cu tuiphum Johan khan tian ca bek hi. Johan pepanin Pathian Uknak Thuthangpha cu phuanin um hi. Mahlai ah mi hempoh heh tin luh tum haw hi.

ROM Khua Khristian Tei Lakah Paul i Laikuat (Paul’s Letter to the Romans) 11:29

Itahim titale akua teng, akua thupha pia tih thu ah Pathian in, a lungmu kheel awng ma hi.

1 KORIN 9:24

Tai zuamnakah mi tampi tel mek haw naven pa khat bekin tai zuam man ngah hi tih cu na theih khawng uhmi hi. Mah hangin zuamman ngah tukin tai un.

2 KORIN 4:17

Mahten haksatnak hun comno sung ka tawh uhten a let tampi in kumkhua sunloihnak pia tuk hi.

FILIPI 3:3

Amuhte hi ngawlin eimuh saw lehlam hi a manmi vunceptalhnak a cotu hi saw hung hi; itahim titale Hawvang i hangin Pathian bia hung a, a nunnak uh cu Khrih Jesuh tuah a pehzop uhnak hangin lungdamnak dim hi. A pualam bawlnak i humah imah muan tuk nei ma hung.

KOLOSE 2:18

Muhnak a cuangin nei ing tin midang sangin dangsa cuangin, a ngaisung duntu tei muhnak bekah niamkhiat cuang ing, a tiduntute le vancungmi a biatu ten hihen, kuamah in sual nawn haw pahsuh hen, Mahti bang mite cu sullam imah nei ngawlin mihing ngaihsutnak thongah tuangkhawng haw hi.

1 THESALON 2:12

A Uknak le a sunloihnak kawm tukin a samtu Pathian lungdamtik tukin le nung thei tukin, catngawlin sosuah ung hi, nangmuh hehnemin thapia ung hi.

2 TIMOTE 1:9

Pathian in ama mihing hi tukin samin, nunpan zo hi. Mahti bangin a nunpatnakah eimu bawl theihmi a um hang hi ngawlin, a hehpihnak le tumtahnak a neih hang hi saw hi. Hi a hehpihnak cu Khrih Jesuh lak pen hun a pat laih ngawlin pia zo hi.

HEBRU 3:1

Pathian i sambokmi Khristian unaupihte, eimu upnak ca in, Thiampi Sang hi tukin Pathian i tiikmi Jesuh i thu hi ngaisung hem un!

HEBRU 6:1

Mah hangin mailamah not tuk hung; Khristian thuthang a tawpatnak a, zilhdunnak cu zamsanin, piting hilhdunnakah hawh tuk toh hung. Nemcuamnak imah nei ngawlmi nadeh a zamsa zo uhmi cu a taw pepanleh tukma toh hung. Pathian a upnak uh vang a taw pen panleh tukma toh hung hi.

1 PETER 1:13

Mah hangin nadek pan tukin na lungmu uh tuangtim sa in um un, ngalling sa in um unna, Jesuh Khrih a lang ten na ngah tuk uhmi thupha muicu laksawng humah na ngaihsutnak uh a venghawngin nga un.

1 PETER 5:10

Mahten hun comno sung na thuak celh uhten hehpihnak tuah a dimmi Pathian in Khrih tuah na pehzomnak uh hangin kumkhua sunloihnak co bok tukin a samtu Pathian amah loli in cangkimtikin khohkhahnak le thangilnak pia tuk hi.

2 PETER 1:3

A sunloihnak le a phatnak co bok tukin a samtu Khrih a theih theihnak uh hangin Pathian kihcaknak tuah a nun theihnak tukin a kul le sap uhmi hempoh cu Pathian ngilnak huhamin pia zo hi.

MANGMUHNAK 3:21

Nehtu hi zo ing a, atu-in ka pa i kumpi khunnak humah ka khun bangin nehtute cu ka kumpi khunnak humah khun theihnak thupia tung hi.