FILIPI 3:12 - Ngawm Bible

¹² Hitih bangin ka tih ten, heng tukin ka tuptahnak lamah heng zo ing ka tihnak hi ma hi; cangkim zo ing ka tihnak hei kha ma hi. Khrih Jesuh in ama ca in, a mat ngah zo toh hangin keima ca a koihmi zuam man laksawng co tukin mailamah a nawt li mi ing.

FILIPI 3:12 Iomraidhean Croise

JOB Laibu (The Book of Job) 17:9

Upat takmi ing tin, a ngaisungdun cop ten, dik ung hi tin muangdun sesem haw hi.

SAAM LABU 119:5

Topa na thupiakte pa khatno hei pelh ngawlin, zui tuk cu ka tupbelmi hi.

SAAM LABU 138:8

Na tepmi hempoh cu kimtik khawng tuk ci. Topa, na ihnak cu kumkhua in kho hi. Na patsami na nadeh cu kimtik zalin hi.

SAAM LABU 42:1

Sazukin ciktui thiang a phawh bangin, maw Pathian aw, nangmah phawk ing.

SAAM LABU 63:8

Ka nunnakin nangmah zuanin na taklam khutin himtik ci.

SAAM LABU 84:2

Iti zahin him a sung heng tuk ka nuam! Topa i Biakinn sung hen tuk cu nuamzet ing. Ka thin le lung venghawngin, a nungmi Pathian nelah lungdamin lasa ing.

SAAM LABU 94:15

Thukhennak munah man le dikcang zetin thukhennak umleh tuk hi, Midikcang hempoh ten mah dikcangnak tuah thukhennak cu lungkim pih haw tuk hi.

THUPAUCAP 4:18

Mahnaven midik tei lampi cu zing khuavak pen sun tiang a vak dedeuhmi vaknak tuah bangve hi.

ISAIAH 51:1

Topa in, nunpatnak a deihmite, ngai hem un! Keima bopnak deihin, a hung mite, na tulnak uh suangpi khi ngaisung un, a cawhsuaknak haw suang khi!

HOSEA 6:3

Topa cu thei tukin zuam nung. Amah cu oh tei nelah zinglam sial ten khuavak bangin hung tuk a, lei kawttiktu khuapi nguah bangin pelh ngawlin hung tuk ti haw hi.

MATTHAI 5:48

Vancung a na Pa uh a cangkim bangin cangkim bok un hi.

NUNGZUITU 9:15

Topa in, a lakah, “Hawhin hi, itahim titale amah cu Gentail mi, kumpi le Israel tei lakah ka minthangtik tukin le ka nadektu tukin teng zo ing.

ROM Khua Khristian Tei Lakah Paul i Laikuat (Paul’s Letter to the Romans) 8:39

leihum le leinuai ummi hihen khen thei haw tukma hi. A Topa uh Jesuh Khrih hangin Pathian i itnak pen a khen theitu tuk siammi sung hempoh pen imah umma hi.

1 KORIN 13:10

Mahnaven a cangkimmi a hen ten a cangkim ngawl mite cu pai khawng tuk laih hi.

1 KORIN 13:12

Atu-in, amuhdan uhte hi limlang sung a, ciang ngawlin a lim bek amuh uh bang hi. Mahnaven mah hun ten, maitonin mu tuk hung hi. Tu a ka theihnakte hi cangkim ma hi, mahnaven mah hun ten cangkim tuk hi. Pathian in kei a theihnak a cangkim bangin ka theihnak vang cangkimzet tuk laih hi.

1 KORIN 9:24

Tai zuamnakah mi tampi tel mek haw naven pa khat bekin tai zuam man ngah hi tih cu na theih khawng uhmi hi. Mah hangin zuamman ngah tukin tai un.

2 KORIN 13:9

Kohte cu thanem nave ung, noh ten na ngil uh tak lungdam em ung. Mah hangin mi cangkim na hih theihnak tuk uhin keimuh vangin thungen ung hi.

2 KORIN 7:1

Ka ihmi u le naute aw, hi thutepnak hempoh hi eimu lak a tepmi hi. Mah hangin taksa pumpi hihen, Hawvang hihen, a nintiktu pawpoh cu vawkin, a thiangthono in um nung hi; Pathian upat le kihcaknak tuah nungten nung.

GALATI 5:17

Itahim titale mihing tisa i deihmi cu Hawvangin hua in, Hawvang i deihmi cu mihing tisa vangin hua bok hi. Mahpa nihte cu a ngaldun haw hi. Mah hangin na nuammi khi bawl thei ma ci.

EFESA 1:4

Hi leipi a bawl pat laih ngawl hei in, Pathian in ohte hi Khrih tuah a pehzopnak uh hangin ama mai ah mi thiangtho le sual nei ngawlmi hi tukin amata in teng zo hi. A itnak i hangin,

EFESA 4:12

Hitih bangin laksawng a piaknak cu; Pathian i mite Khristian nadeh dek thei in, Khrih i pumpi a khantohtik theihnak tukin hi.

FILIPI 1:1

Khrih Jesuh i sila Paul le Timote in, Khrih Jesuh tuah a pehzommi Filipi khua a Pathian i mihing tei lakah le nangmu pawlpi sung a lamhuaitu le bawmtu tei lakah laikuat ung hi.

FILIPI 3:16

Mahlai ngawl sung cu tuni tian a zui uhmi daante zui in, mailamah hawh ten nung hi.

FILIPI 3:3

Amuhte hi ngawlin eimuh saw lehlam hi a manmi vunceptalhnak a cotu hi saw hung hi; itahim titale Hawvang i hangin Pathian bia hung a, a nunnak uh cu Khrih Jesuh tuah a pehzop uhnak hangin lungdamnak dim hi. A pualam bawlnak i humah imah muan tuk nei ma hung.

FILIPI 3:8

Hi thil bek hei kha ma hi; thildang hempoh hei hi ihempoh sangin a sunglawi saw mi ka Topa Khrih Jesuh ka theihnak hangin sunnak tawp khawk, tin ngaisung ing.

1 THESALON 5:15

Kuamah in phatngawlnak cu phatngawlnak tuah lulhleh tuk hi ma hi, mahnaven pa khat le pa khat humah hihen, mi hempoh humah hihen, phatnak bawl tum leleng un hi.

2 THESALON 2:13

Topa i ihmi u le naute aw, nangmuhte hangin Pathian thangphat leleng tuk ung hi. Itahim titale Hawvang huham thawm tuah Pathian i mi thiangtho a cangtik tukin le thutak na muannak uh hangin nunpatnak ngah tukin Pathian i ten masabelmi hi uh ci.

1 TIMOTE 5:10

Nadeh phatnakah minpha hihen. Nadeh pha tihmi ah a cano a cingkhawi thiamtu, mikhual zothiamtu, nadeh nautabel ke som hei Khristian unau humah a dek theitu, haksat vansan a tawh haw hunin, mi a bawmtu le thilpha bawlnakah a hun le thazaang a petu hi haw tuk hi.

1 TIMOTE 6:19

Mahti bangin a zui thei haw tale mailam ca in, nunnak bulpi tatakah zungsa ngahtu hi haw tuk a, lo le lam a khawlsate hi haw tuk hi. Mahten nunnak tatak cu co haw tuk hi.

HEBRU 12:14

Mi hempoh tuah lem dimdiamno in, um tuk zuam unna, nun thiangtho in, nuntuk tum un hi; itahim titale nunnak thiang nei ngawl cu kuamah in Pathian mu thei haw tukma hi.

HEBRU 12:23

Vancungah a min haw ngatsa in, a ummi Pathian i catawntil tei lungdam thatui in, a umnak haw heng zo uh ci. Mi hempoh tei thu a khentu Pathian le midik tei hawvang lakah heng zo uh ci.

HEBRU 13:21

Lemdaihnak Pathian in ama deihmi na bawl theihnak tukin, na kul uhmi thilpha hempoh khi pia zazal tahen; Jesuh Khrih hangin a deihmi cu bawl zal hen. Kumkhua pen kumkhua tian Khrih cu sunloih hi tahen! Amen.

JAMES 3:2

Ka venghawng uhin khial kha mek ung. Mahnaven a awnkamin, a khial ngawlmi cu a tisa pumpi a ukdun theitu mi cangkim hi.

1 PETER 5:10

Mahten hun comno sung na thuak celh uhten hehpihnak tuah a dimmi Pathian in Khrih tuah na pehzomnak uh hangin kumkhua sunloihnak co bok tukin a samtu Pathian amah loli in cangkimtikin khohkhahnak le thangilnak pia tuk hi.

2 PETER 3:18

Ohtei Topa le nunpantu Jesuh Khrih hehpihnak le amah theihnak sungah khangto sesemta un. Ama lakah sunloihnak cu atu le kumkhua in um leleng tahen! Amen.