FILIPI 3:1 - Ngawm Bible

¹ Thukhupnakah ka hilh nuammi cu, u le naute aw, Topa tuah na pehzom uh hangin lungdam un. Amasa a nangmu lakah ka ngatsami nganleh tuk vang cu poi tisap mang hi. Thu ngangai in titale ngatleh tuk vang cu nangmu ca in nangmuhte a huptu hei na hi saw tuk poh hi.

FILIPI 3:1 Iomraidhean Croise

1 KHANGSIALNAK 15:28

Israel mi hempoh ten Thutiam Kuang cu zui in, lungdam le au thahin, pengkul, sialki, daakkop le tingtangte tumthahin Jerusalem ah hawhpih haw hi.

1 KHANGSIALNAK 16:10

Amata a hih uh hangin na lung uh dam un, Amah biatu hempoh ten na lung uh dam un.

1 KHANGSIALNAK 29:22

Topa i mai ah, in le ei in, mah ni cu lungdam zetin mang haw hi. David capa Solomon cu kumpi in bawl haw hi. Topa i minin, a kumpi haw tukin sathau thih haw a, Zadok cu thiampi in bawl haw hi.

NEHEMIAH 8:10

Na inn uhah pin unna, an uk ei in, sabittui ukte in un. Na an uh le na sabit uhte cu a nei ngawl mite kawm bok un hi. Tuni cu Topa i ca in ni thiangtho hi, thasia in um pahsuh un hi. Topa i lungdamnak a piak mi cu na ngilnak uh hi,” tin ti haw hi.

JOB Laibu (The Book of Job) 22:26

Pathian cu na lungdamnak hi leleng tuk a, mitmai pha tuah Ama lamah thinnopno in, hek tuk ci.

SAAM LABU 149:2

Maw Israel, nang a Semsuahtu hangin na lungdamin! Maw Zion mite, na kumpi uh hangin, na tha uh tui un!

SAAM LABU 32:11

Noh midikcangte, Topa lakah lungdam thatui in um un. Noh lungmu phate, lungdam zetin au un hi.

SAAM LABU 33:1

Noh midikcangte, Topa i thil bawlmi hangin na lung uh dam un, noh a thu zuitute, amah thangphat unna a thu ngai un.

SAAM LABU 37:4

Topa i lakah lungdamnak zei inna, na deihmi pia tuk hi.

SAAM LABU 42:4

A bosa hunte ka ngaihsutleh ten ka lungmu tamzan bang ing. Mipite tuah Pathian innah a hawh mek uh khi; Mahti bangin a hawh ten kei cu a muhte puitu ing. Lungdam thatui in, au thahin, na hawh uh khi!

SAAM LABU 5:11

Na lak a, himnak a tawktu cu a lung haw dam tuk; lungdamin lasa leleng haw tuk hi. Nangmah a ittute cu hupin; nangmah hangin amuhte cu mi lungdam ngangai mite haw hi.

SAAM LABU 97:1

Topa cu kumpi hi! Maw Leipi, lungdam thatui in! Maw tuipi a ummi tuikulhte na thatui un!

ISAIAH 41:16

Vanah pikto tuk a, huihin mutvawk tuk; Huihsia in mun tihkimah thehkeh khawng tuk hi. Mahnaven keimah cu na Pathian ka hih tak, nang cu na lungdam tuk: Israel i Pathian thiangtho cu thangphat tuk ci.

ISAIAH 61:10

Topa i thil bawlnak hangin Jerusalem cu a lungdam tuk hi. Huaidunnak tukin van a thuamdunmi monu bang haw hi. Pathian in patnak le nehnak tuah thuamtik zo hi.

ISAIAH 65:14

Amuhte cu thatui in lasa haw tuk a, nohte cu thasia zetin kap tuk uh ci.

JOEL 2:23

Zion mihingte, na thatuizet unna, Topa na Pathian nelah na lungdam un. Amah in, na kul zah uhin, khal nguah, phalbi nguah le khuapi nguah zutikin, khuapi nguah ten ni dang bang lengin nguahzutik tuk hi.

ZEFANIAH 3:14

Israel mite, lungdamin, lasa in au un. Maw Jerusalem canu, na lungmu venghawng tuah lungdamin umin hi.

ZEFANIAH 3:17

Topa na Pathian cu na nelah um hi, a ngilnak huhamin nehnak pia hi. Topa cu na humah a lungdamin, a hehpihnak hangin nunnak thak pia tuk hi. Lasa tuk a, na humah a lungdam tuk hi.

ZEKHARIAH 10:7

Israel mite cu ngalkap bangin ngil zetin, sabittui in bangin a lung haw nop tuk hi. A casuan ten hi nehnak cu cing leleng haw tuk a, Topa i thil bawlmi hangin a lung haw dam tuk hi.

MATTHAI 5:12

Na thuakman uh cu nohtei ca tukin vancungah laksawng ngengpi koihsa in um, a hih hangin lungdam thatui in, um un. Nangmu laihngawl a profette vang cu mahti bang bokin bawlsiatnak thuak zo haw toh hi.

LUKA 1:47

Kei nunpantu Pathian sungah ka Hawvang a lungdam hi;

ROM Khua Khristian Tei Lakah Paul i Laikuat (Paul’s Letter to the Romans) 5:11

Hi bek hei kha ma laih hi; Pathian ngualcamin, a bawlsaktu a Topa uh Khrih hangin Pathian i thil bawlmi ah lungdamzet hung hi.

2 KORIN 13:11

Atu-in u le naute damno in um zal un. Cangkimzet tukin zuam un. Ka ngetnakte khi ngai un, pa khat le pa khat thinkhat le lemdunno in um unna, itdunnak le lemdaihnak Pathian cu nangmuh tuah um kawm tuk hi.

EFESA 6:10

A dawlbelin, Topa tuah na pehzopnak uh le ama ngilnak thawmin, na thazaang uh cu ngil dedeuhtik un.

DAAN PIAKLEHNAK 12:18

Hi biakpiaknak cu nangmuh le na canau uhte, na umlawh uhte le na khuasung a, um Levi mite tuah Topa na Pathian i mitmuhin amah biakpiaknak munah lungdamno in mahlai pen ei un hi.

DAAN PIAKLEHNAK 16:11

Topa i mai ah na canau uhte, na umlawh uhte, na khuasung uh a, um Levi mite le ngamdang mite, nu le pa nei ngawl ca-ngah le meivong tuah lungdamno in um langkhat un hi. Topa na biaknak uh munah lungdamno in um un.

FILIPI 3:3

Amuhte hi ngawlin eimuh saw lehlam hi a manmi vunceptalhnak a cotu hi saw hung hi; itahim titale Hawvang i hangin Pathian bia hung a, a nunnak uh cu Khrih Jesuh tuah a pehzop uhnak hangin lungdamnak dim hi. A pualam bawlnak i humah imah muan tuk nei ma hung.

FILIPI 4:4

Topa tuah na pehzopnak uhah lungdam leleng un; notleh hih tung lungdam leleng un!

FILIPI 4:8

Thukhupnakah, u le naute aw, na lungmu uh cu a phami le pahcoih tak hihnak tuah dimtik un. Thumanmi, nun paalloptak, a dikmi, a thiangthomi, a deih awhmi le minphatnak a nei mite cu na lungmu sung uhah umtik un hi.

1 THESALON 4:1

A dawlbelin, ka u le ka naute aw, Pathian i deihdanin, na nun theihnak tuk uhin, itin nuntuk tih cu keimu lak pen cung zo toh uh ci. Mahtin na nun sesem theihnak tuk uhin, Topa Jesuh i minin sosuah ung hi.

1 THESALON 5:16

Catngawlin, na lung uh dam un;

JAMES 1:2

U le naute nangmu lakah haksatnak a phunkim a hen ten mi bawngpha hung tin ngaisung un.

1 PETER 3:8

A dawlbelnakin ka sosuah nuammi cu ngaihsutnak munkhat le lungmu munkhatno in um un; unau bangin pa khat le pa khat itdun unna, pa khat le pa khat hehpih dunnak nei in, lungnem un.

1 PETER 4:13

Khrih i thuaknak a thuakmi na hih uh hangin lungdam saw un hi; mahtibang na bawl uh tale, a sunloihnak a lang ten nohte cu lungdamnak tuah dim tuk uh ci.

2 PETER 3:1

Ka ih mite, himi hi nangmu lak a, ka kuatmi a vei nihnak lai hi. Ka laikuat a vei nih mahin, ka tuptahmi cu nangmuh tei lungmu sungah ngaihsutnak thiang um pan hen tih theilehtik nuam ing.

1 SAMUEL 2:1

Hannah cu hi bangin thungen hi. “Topa in ka lungmu cu lungdamnak tuah dimtik zo hi. A bawlsa mi hangin ka lungdam. Ka ngalte cu nuihsan thei zo ing; A bop zo hangin ka lungdam.