FILIPI 2:9 - Ngawm Bible

⁹ Mah hangin a sangbelnak munah Pathian in cawisangto a, min hempoh lak pen a ngengbel min pia hi.

FILIPI 2:9 Iomraidhean Croise

PIANPATNAK 3:15

Numei nu tuah ngalduntik tung a, na casuan uh tianin ngaldun tuk uh ci. Amuh ten na lu supeek haw tuk a, nang vangin, a kecawk cik tuk ci,” tin ti hi.

SAAM LABU 110:1

Topa in, ka kumpi bawipa i lakah “Na ngalte na ke sihnak nuai ah ka koih laklawh, ka taklamah khungin,” ti hi.

SAAM LABU 110:5

Topa cu na taklamah um, a thinuk ni ten kumpite cu neh tuk hi.

SAAM LABU 89:27

Amah cu ka ca upabelin bawl tung a, kumpi lak pen kumpi ngengbelin bawl tung hi.

SAAM LABU 91:14

Pathian, in, “Keimah a ittute cu pan tung a, ka min a theitute cu humhim tung hi.

ISAIAH 52:13

Topa in, “Zo hemin, keima nadektu cu a nadehnakah lawhtingin, Mitei upatbelmi hi tuk hi.

ISAIAH 53:12

Mah hangin amah cu upatnak mun pia tung a, mihau le mi ngil tei lakah koih tung hi. Lungkim zetin, a nunnak a piak hangin mipha ngawl tei lakah sialcih hi zo. Misual tei sualman thuakin, a sual haw ngaihdam ngetsak hi,” tin ti hi.

ISAIAH 9:7

A kumpi uknak le huham cu khangto pepel tuk; A uknak sungah kumkhua in lemdaihnak um tuk hi. David Kumpi ai-in uk tuk hi; Diknak le thuman tuah uk tuk, atu le kumkhua in uk tuk hi. Cungnungbel Topa in, hi thu hempoh hengtik tuk hi.

DANIEL 7:14

miphun, hinnam le awn hempoh tuah a awnmi ten ama nadeh theihnak tukin a lakah thuneihnak, minthannak, upatnak le kumpi huham hempoh cu piakin um hi. A thuneihnak cu kumkhua kho in, a uknak cu bo awng tukma hi.

MATTHAI 11:27

“Ka Pa in, ka khut sungah ihempoh pia khawng zo hi. Pa sialngawl kuamah in, Capa cu thei haw ma hi; mahten Capa in thei bok haw hen tin, a ten mite sial ngawl, kuamah in Pa thei haw ma hi.

MATTHAI 28:18

Jesuh in amu lakah zuanin, “Lei le Van i thuneihnak hempoh cu ka lakah piak hi khawng zo hi.

LUKA 10:22

“Ka pa in, ihempoh ka lakah pia zo toh hi. Capa hi akua him tih cu Pa sialngawl kuamah in thei haw ma hi. Mahti bang bokin, Pa hi akua him tihvang Pa le Capa i phuan mitei lakah sial ngawl kuamah in thei zo haw ma,” ti hi.

JOHAN 13:3

Pa in huham cangkim zetin pia zo hi tih cu Jesuh in theicop leng hi. Pathian lak pen hungin, Pathian nelah hawhleh tung hi tihvang cu thei hi.

JOHAN 17:11

Atu-in, na lakah hung tung a, kei cu leihumah umleh tukma toh naven amuhte cu leihumah um haw tuk laih hi. A thiangthomi ka Pa, nangmah le keimah pa khat a hih uh bangin leihumah a umlaih mite cu pa khat a hih theihnak tukin na piakmi na min i huham tuah humhimin hi.

JOHAN 17:12

Amuh tei lakah ka umlaihin nangma piakmi na min i huham tuah hup ing. Lai Thiangtho sung a, ummi a kimnak tukin a thamthong tukmi pa khat tih sialngawl cu mi pa khat hei thamthong haw ma, humhim khawng ing.

JOHAN 17:5

Pa aw! Leipi bawl laihngawl khin nangmah tuah ka neimi sunloihnak khi atu-in, na mitmuhah pia in hi.

NUNGZUITU 5:31

Pathian in tholehtikin, Israel miten sualsihnak hun nei in, a sualnak haw ngaihdam a hihnak tukin Pathian in lampuitu le nunpantu tukin a taklamah khungtik zo hi.

EFESA 1:10

Huncan a kim ten Pathian in cangkimin, a bawl tummi cu vanah hihen, lei ah hihen, bawlmi thil hempoh hi hulawm khawngin, Khrih cu lubelin koih tuk khi a tuptahmi hi.

KOLOSE 1:18

Pawlpi cu Khrih i taksa pumpi hi a, Khrih cu a lu hi. A pumpi i nunnak bulpi cu Khrih amah hi. Amah cu capa tawntil hi a, ihempoh i humah pa khatnak a hih lelengnak tukin thihnak pen thawhlehtik hi zo hi.

2 THESALON 1:12

Mahten Topa Jesuh min cu, nangmu lak pen sunloihnak ngahin, Pa Pathian le Topa Jesuh Khrih i hehpihnak thawmin nangmuhte vang sunloihnak co bok tuk uh ci.

HEBRU 1:4

Pathian in, a capa lakah min a piakmi cu vancungmi tei min sangin a ngeng saw mi a hih bangin vancungmite sangin cungnung saw in bawl hi.

HEBRU 1:9

A dikmi cu deihin, a khialmi cu hua ci. Mah hangin ven Pathian, na Pathian in teng zo hi. Na ngualcam tei lak a piakmi sangin a ngeng saw cuangmi upat lungdamnak pia hi,” ti hi.

HEBRU 12:2

A upnak uh a patnak pen a tawpnak tian a sihsan uhmi Jesuh khi tawp ngawlin zo leng poh nung. Mailam ten a co tuk uhmi lungdamnak khi a tuptahmi a hih hangin thinglamteh hum a, zahcaknak tuah thih tuk hei poi sa ngawl thuakin, atu-in Pathian khunnak taklamah khung hi.

HEBRU 2:9

Mahnaven Jesuh cu Pathian i hehpihnak hangin mi hempoh ca tukin a thihnak tukin hun comno sung vancungmite sangin niam saw deuhin, bawl hi tih mu hung. Mahti bang thihnak a thuak hangin atu-in sunloihnak le upatnak lukhu khu in mu hung hi.

1 PETER 3:22

Amah cu vancungah kai in, Pathian taklamah khung hi. Vancungmi hempoh le van a thuneihnak le huham hempoh humah thuneitu hi.

2 PETER 1:17

Sunglawi Cungnungbelin, “Himi hi ka ihbel ka Capa hi. A humah ka lungdam hi,” tin aw tuah a tih laihtakin, a Pa Pathian uhin, a upatnak le sunloihnak a piaknak munah kohte vang um bok ung hi.

3 JOHAN 1:7

Itahim titale Khrih nadehnak lampi a pat haw ten umngawltu tei lak pen imah la ngawlin pan haw hi.

MANGMUHNAK 1:5

A muanhuai theihpihtu, hin masakbel Capa, thihnak pen thawh kiklehtikmi leihum kumpite uktu Jesuh Khrih i hehpihnak le lemdaihnak thupha cu nohtei humah um tahen. Ohte it in, a thihnak hangin sualnak pen luattik zo hi.

MANGMUHNAK 11:15

Mahten a salihnak vancungmi in, a pengkul cu tum hi; van pen aw nging zetin hi bangin ti hi, “Leihumpi uk theihnak tuk huham cu ohtei Topa le Khrih i khut sungah um zo in kumkhua pen kumkhua tian aman uk tuk hi,” tin hilh haw hi.

MANGMUHNAK 19:16

A puan le a kawngah min a ngat haw mi cu, “Kumpi hempoh lak pen kumpi, Topa hempoh lak pen Topa Bel hi,” tin ngan hi.

MANGMUHNAK 3:21

Nehtu hi zo ing a, atu-in ka pa i kumpi khunnak humah ka khun bangin nehtute cu ka kumpi khunnak humah khun theihnak thupia tung hi.

MANGMUHNAK 5:12

nging zetin hi bangin lasa haw hi. “Thahnak a thuak tuuno cu huham, hauhsaknak, ngilnak, minthannak, sunloih pahcoihnak le thangphatnak ngah tak hi.”