FILIPI 2:5 - Ngawm Bible

⁵ Na lungputdan uh cu Khrih Jesuh i lungputdan bangin hihen.

FILIPI 2:5 Iomraidhean Croise

MATTHAI 11:29

Ka kolhak hi pua teh unna, keima lak pen cung un; kei cu nunnem le niamkhiatnak lungmu neimi ing. Keima lak pen cung unna, colhdamnak ngah tuk uh ci.

LUKA 22:27

Akua ngeng saw him? A khungin, an eitu maw an piatu? A khungin, an eitu khi ngeng saw ma maw? Mahnaven kei cu noh tei lakah an piatu bangin um ing.

NUNGZUITU 10:38

Nazareth mi Jesuh i humah iti bangin Pathian in Hawvang Thiangtho le huham buak him tihvang cu thei khawng uh ci. A lakah Pathian a um hangin khua hempoh ah hawhin, thilpha bawl pepel hi. Satan i khalhsiatmi hempoh damtik khawng hi.

NUNGZUITU 20:35

Ihempoh ah nasezet dekin, a thanemte bawm tuk hung tih khi lak zo ing; Topa Jesuh hei in, “Ngahlam sangin piaklamah lungdamnak tam saw, tih cu cing leleng un hi,” tin thucah hi.

ROM Khua Khristian Tei Lakah Paul i Laikuat (Paul’s Letter to the Romans) 14:15

Pa kha khat na eihnak hangin na unaupih lung na siatik tale mahmi cu itdunnak i a langtikmi bawlnak hi lehma toh hi. An na eihmi in Khrih pih uh mi pa khat siatsuahnak tawktik pahsun hi.

ROM Khua Khristian Tei Lakah Paul i Laikuat (Paul’s Letter to the Romans) 15:3

Itahim titale Khrih in ama ca nopnak zei ma hi. Lai Thiangtho in, “Nangmuh a zotsaknak haw cu ka humah heng khawng hi,” tin a tihmi khi kim hi.

ROM Khua Khristian Tei Lakah Paul i Laikuat (Paul’s Letter to the Romans) 15:5

Khrih Jesuh khi zohtehin, nohtei lakah thinkhatno na um theihnak tuk uhin thinsaunak le thapiaknak bulpi Pathian in bawm zal tahen!

1 KORIN 10:33

Ka bawl bangin bawl ten bok un. Keima ca nemcuamnak ngaisung ngawlin, mipi nemcuamnak saw ngaisung ing, nunpatnak a ngah theihnak haw tukin mi hempoh tei lungdamnak bawl tuk cu ka zuammi hi.

EFESA 5:2

Khrih in eimuh it in, a nunnak eimuh ca in Pathian lungdamtiktu namtui piaknak le biakpiaknakah a piakcopnak bangin na nunnak uh cu itnakin uk hen.

FILIPI 1:1

Khrih Jesuh i sila Paul le Timote in, Khrih Jesuh tuah a pehzommi Filipi khua a Pathian i mihing tei lakah le nangmu pawlpi sung a lamhuaitu le bawmtu tei lakah laikuat ung hi.

1 PETER 2:21

Mahtibang haksatnak thuak tukin Pathian i sammi hi uh ci; itahim titale Khrih amah loli in, nangmu ca haksatnak thuakin, a ke kal na zui theihnak tuk uhin zohteh tuk a zammi hi.

1 PETER 4:1

Khrih cu a tisa in haksatnak a thuak hangin nangmuh vang ama lungmu bang nei in, na zaangtha uh khohtik un. Itahim titale tisa haksatnak a thuaktu cu sualnak sungah telleh ma zo hi.

1 JOHAN 2:6

A kuakua hei hihen Pathian tuah pawlkomnak nei ing a titu in, Jesuh Khrih bangin nung tuk hi.