FILIPI 2:17 - Ngawm Bible

¹⁷ Na upnak uh cu Pathian nelah biakpiaknak bangin na piak uhmi humah, thah tawkin ka nunnak thisan cu leih ahi tale mahmi cu ka lungdamnak hi tuk a, na venghawng uhin ka lungdamnak cu kawmbok nuam ing.

FILIPI 2:17 Iomraidhean Croise

MIPUM SIALNAK 28:6

Topa i lakah namtui biakpiaknak bawlmi hi a, Sinai Mualhum a, masabel biakpiaknak na bawl uh bangin hih biakpiaknak cu nisialin halkang biakpiaknak hi.

MIPUM SIALNAK 28:7

Amasa tuucangno piakmi tuah intuk piaknak vang bawl unna, sabit khuat khat biaklandawhah leih un hi.

NUNGZUITU 20:24

Mahnaven ka ca in ka nunnak hi imah in sial mang hi; Topa Jesuh in deh tukin a piakmi Pathian i hehpihnak Thuthangpha son tuk hi cangkim zetin son tuk bek hi ka thuduhsammi hi.

NUNGZUITU 21:13

Mahten Paul in “Ita hitin um kam uh ci! Hi bangin na kap uh tale ka thinnatik sesem tuk uh ci. Topa Jesuh ca in keen le khih bek hei in, tham ngawlin thih tuk tianin mansa zo ing,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 12:1

Mahti bang a hih hangin ka u le naute aw, Pathian i hehpihnak hangin Pathian nelah na pumpi uh cu a nungin apmi biakpiaknak bangin pia un tin ngen ing. A nadehnakah pum a pia mi le a lungdamtiktu hi tukin sawm ing. Mahmi cu Pathian nelah na piak tuk uhmi biaknak tatak hi.

ROM Khua Khristian Tei Lakah Paul i Laikuat (Paul’s Letter to the Romans) 15:16

Gentail mite cu Pathian nelah cosan takmi biakpiaknak bang a hihnak haw tukin le Hawvang Thiangtho i thawmin Pathian lakah apmi a hihnak haw tukin Pathian lak pen a hengmi Thuthangpha ka phuan ten thiampi bangin dek ing.

2 KORIN 12:15

Nangmuh ka bopnakah ka neihmi hempoh le ka pumpi hi mang khawng nuam ing. Hitih bangin ka ihzet hangin lem ngawlin um saw lam nave ni uh cim maw?

2 KORIN 4:12

Hihi a sullam cu keimu sungah thihnakin nadek naven nohtei sungah nunnakin nadek tihnak hi.

2 KORIN 6:10

Ka lung uh siatik mek haw naven lungdam zetin um leleng ung; kohte cu mi zawngzet bang nave ung, mi tampi mihau in cangtik ung hi. Imah nei ngawl bang hi naven ung, ihempoh neitu ung hi.

2 KORIN 7:4

Ka muan zetmi hi uh ci. Ka maiphatiktu vang nangmuh uh ci. Haksat mangbang ka tawh hei ten muansannak nei leleng ing. Ka lungdamnak vang let duaduah hi!

FILIPI 1:20

Ka nuambelmi le ka ngahhelh zetmi cu deh tuk dehvo ka neihmi hi dek suak zal thei leng, mahten i hun bang hun hei hihen, a cuangin atu hun hihimah ngalphatnak tuah dimin ka nunah hihen, ka thihah hihen ka lungmu le taksa venghawng tuah Khrih hi upat maizahnak nei thei ahin, tihmi hi.

FILIPI 2:18

Mahti bang bokin nohte vangin na lungdamnak uh cu keimah kawm bok un hi.

FILIPI 2:30

Amah bang mihing cu maizahnak pia un. Itahim titale Khrih i ca in nadehnak le nangmuh tei piak theih ngawlmi bopnak khi pia tukin a nunnak hei ngaisung ngawlin nadekin nunnak tian bo awndiak hi.

FILIPI 4:18

Atu na piak uhmi hempoh cu ngah ing hi tin ngan ing. Na piak uhmi cu a kulmi sangin a val tianin pia uh ci. Na laksawng uh hempoh cu Epafroditas in puakin, atu-in ka kincak hempoh cu ting khawng hi. Hi na laksawng uhte cu Pathian i lungdammi le a cosanmi biakpiaknak, a namtui mi pak namtui bang haw hi.

KOLOSE 1:24

Nangmu ca haksatnak ka thuakmite hangin lungdamnak nei ing hi; itahim titale ka pumpi in ka tawhmi thuaknak i hangin, Khrih in ama pumpi pawlpi ca in haksatnak a tawhmi khi kimtik bok ing.

1 THESALON 2:8

Nangmuh ka ihzet uh hangin, Pathian Thuthangpha bek hei hi ngawlin ka nunnak loli uh vang pia nuam ung hi.

2 TIMOTE 4:6

Kei cu biakpiaknak tuk a piak haw bangin a man haw tuk can heng zo hi. Hi leihum nunnak ka zamsan tuk hun heng zo hi.

1 PETER 2:5

Nangmuhte vang hung bok unna, a nungmi suang bangin Hawvang biakinn saknak tuk Pathian i manmi suang hi un. Mahlai ah thiampi thiangtho nadeh dek tuk uh ci; co takmi Hawvang biakpiaknak khi Jesuh Khrih hangin Pathian nelah pia tuk uh ci.

1 JOHAN 3:16

Itnak ngangai iti bang him tih a theihnak uh cu hitih bangin hi. Khrih in eimu ca in, a nunnak pia hi; mahti bang bokin ohte vangin a nunnak uh hi a unau tei ca in, a pia bok tuk mite hung hi.