FILIPI 2:16 - Ngawm Bible

¹⁶ Nunnak Thuthangpha phuan laihin mahtih bangin vak un hi. Mahti bangin na hi uh tale, Khrih Ni ten maitainak nei tung a, ka nadehnak le teimak ka suahnak hempoh khi thawnthong a hih ngawlnak langtik tuk hi.

FILIPI 2:16 Iomraidhean Croise

SAAM LABU 40:9

Topa aw, na mihing tei khawmnak munah na nunpatnak thuthangpha son tung. Mahtin ka son cu cawl awng tuk mang, tih cu thei ci.

SAAM LABU 71:17

Maw Pathian aw, ka naupang laih pepan nangmah in zilh zo ci; Tutianin, na thil bawlmi thasiahhuai cu son ing.

ISAIAH 49:4

Kei in, “Dekli na vengin thawnthong ngeh hi. Ka zaangtha bo khawngin ka deh suahmi imah umma ti ing.” Mahnaven Topa cu a pha ngawlmi phatiktu le a dik ngawlmi dik zetin, a bawl theitu hi tih cu muang lo poh ing; Ka dehnak hangin amah in thaman pia tuk hi.

MATTHAI 10:27

Khuathim lak a, ka sonmi hi sun khuavak ten hilhleh unna, a kuhno in, na theih uhmi cu hi inn hum pen phuang un hi.

LUKA 12:8

“Nohtei lakah hilh ing. Akua abang hei in, keima ta a hihnak mitei mai ah a phuang ngamtu cu mihing Capa vangin Pathian vancungmi tei mai ah keima mi tin sonleh bok tuk hi.

JOHAN 6:63

Nunnak piatu cu Pathian i Hawvang Thiangtho hi. Mihing tei cah le ngilnak cu i mamah ma hi. Nohte ka hilhmi thu hi Hawvang le nunnak hi.

JOHAN 6:68

Simon Peter in, “Topa a koi lakah kaw ka hawh cuang tuk uh? Nang cu kumkhua nunnak thuneitu hi toh sisi?

NUNGZUITU 13:26

Ka phunpih Israel mite, Abraham i casuante le hilai a Pathian a biatu Gentail mite, hi nunpatnak thuthang hi, a venghawng uh ca in piakmi hi.

1 KORIN 1:8

A tawpnak tian Amah in cingkhawi tuk a, mahten a Topa uh Jesuh Khrih i Ni ten sualnak nei ngawlmi hi tuk uh ci.

1 KORIN 9:26

Mah hangin ka tai ten a tawpnak mun heng suak loli tukin tai ing. Sawhdunnakah a teltu pa in imah ngawlpi a sawh thong ngawl bangin kei hei hi bok ing.

2 KORIN 1:14

mahtih bangin Topa Jesuh i Ni ten keimuh hi na tuangkhawnnak uh hi tuk ung a, nangmuh vang keimuh tei tuangkhawnnak hi tuk uh ci.

GALATI 2:2

Pathian in, a tiik hangin hawh ing. Bulpakin Khristian puitute tawk ing a, Gentail mitei lakah Thuthangpha ka phuan thu amu lakah son ing. Ka deh sami hihen atu ka deh lih laihmi hei hihen thawn thong a can khawng tuk cu awi mang hi.

GALATI 4:11

Nangmuh ka ngaihsutnakin ka lungmu cawl ing. Nangmu ca cim zetin na ka deh uhmi hempoh cu imah ngawlthongin cang kha kawn tih lauzet ing.

FILIPI 1:10

Mahtin na khangto uh tale, a phabelmi khi teng thiam tuk uh ci. Jesuh Khrih i Ni ten nawngkainak le mawhsiatnak hempoh pen thiang tuk uh ci.

FILIPI 1:6

Mah hangin nangmu sung a nadeh pha a pantu Pathian in, Khrih Jesuh i Ni a hen laklawh tian nangmuh tei humah dek suak tuk hi tin muang ing.

1 THESALON 2:19

Thu ngangai in ti ahin midang niamtik cuang ngawlin, nangmuh hi, a Topa uh Jesuh heng lehin, nehnak tuah a mai ah na din uhten keimuh tei muansannak, lungdamnak le mitmai ngahnak hi tuk uh ci.

1 THESALON 3:5

Mah hangin ven Timote ka hahnak cu, na thu uh imah thei ngawlin um cu ka thuak theih ngawl toh hangin le na upnak uh thu ka theih nuam hangin ka hahnak hei hi. Satan in zol tuk a, ka nadeh uhmi hempoh thawnthongin, um kha kawn tih khi lauzet ing.

HEBRU 4:12

Pathian i thu cu nungin, thil tithei hi. Lang nih a hiammi naam sangin hiam saw hi. Nunnak le hawvang a tawhdunnak haw le nguh le ling tei pehdunnak tianin paihlet veu in sunlet khawng thei hi. Mihing tei lungmu deihnak le a ngaihsutnak haw thei khawng hi.

1 PETER 1:23

A nungmi le kumkhua a khomi Pathian awnkam hangin hinthakmi hi zo uh ci. A thi theimi, nu le pa tei cate hi lehma toh uh ci. A thi thei ngawlmi i cate hi zo uh ci.

1 JOHAN 1:1

A pat pepan a um sami nunnak Thu cu nangmu lakah lai tuah ngan ing. Mah thu cu za ung a, mit tuah ka muh cilcel uhmi le khut tuah ka zen uhmi loli hi.

MANGMUHNAK 22:17

Hawvang Thiangtho le mothak ten, “Hungin hi,” ti haw hi. Hi thu a zatu hempoh ten, “Hungin hi,” ti haw hi. Adangdummi hempoh hung un, nunnak tui a duhtu hempohin man piak ngawlin in haw hen.