FILIPI 2:14 - Ngawm Bible

¹⁴ I pawpoh nadeh uhten phuciak li ngawlin le eldun li ngawlin dek un.

FILIPI 2:14 Iomraidhean Croise

SAAM LABU 106:25

Amuhte cu a puanbuk sung haw pen phun li haw hi. Topa i thu cu ngai nuam haw ma hi.

THUPAUCAP 13:10

Pualthaunakin haksatnak bek suaktik hi, midangte thu kuppih cu a cih sawdeuhnak hi.

MIPUM SIALNAK 14:27

Ituk tian kaw hi mipha ngawlte hi ka humah a phuk haw tuk laih? A phuknak haw ciat leita zo ing!

MATTHAI 20:11

Tangka cu la in, huan neitu i humah phu haw hi.

MARKA 14:5

Zimui cu ngun tangka za thum valin zuakin, mah tangka in mi ca-ngahte bawm ahin, pha saw tukma maw?” tin pa khat le pa khat tidunin, numei nu cu mawhsiat li haw hi.

MARKA 9:14

Jesuh cu a nungzuitu tei umnak a henkikleh ten mi honpi in amuh umcihin, Daan zilhtute tuah thu nialdun li in um haw hi.

LUKA 5:30

Farasi mi khenkhat le Daan zilhtu khenkhat amu sung a, telmi ten nungzuitu tei humah phu celhculh haw hi. “Ita siahkhontu le misual tuah an min, tui min kil ten thei uh cim?” tin dong haw hi.

NUNGZUITU 15:2

Mah thu cu Paul le Barnabas ten nase zetin el haw hi. Hi thu hangin Paul le Barnabas le Antiok khua a upa dangte cu nungzuitute le pawlpi upate tuah Jerusalem ah tawkdun tukin vaihawm haw hi.

NUNGZUITU 15:39

Mah thu ah Paul le Barnabas cu nasezet eldunta in khek haw hi. Barnabas in John Marka cu pui in, Saipras ah hawmkuang tuah hawh haw hi.

NUNGZUITU 15:7

Hun ngeipi a dondun ceng haw ten Peter cu dingto in, “Na theihsa uh bangin, kei hi nangmu lak pen Gentail miten Thuthangpha cu zain, a up theihnak tukin hilh tukin Pathian in, a tennak ngei zo hi.

NUNGZUITU 6:1

Hunte a ngeideuh nungten thu umtute cu tam dedeuh haw a, Judah mi le Grik awnin, a awntu Judah mitei laklawhah buainak um hi. Grik awn a mangtu Judah miten nisialin, a kulmi leinak tangka a sep haw ten meivong ten a co haw tuk zah co haw ma hi tin, “Phuciak li,” haw hi.

ROM Khua Khristian Tei Lakah Paul i Laikuat (Paul’s Letter to the Romans) 12:18

Mi hempoh tuah a lemno in um tuk khi a cangthei tawkin zuam un.

ROM Khua Khristian Tei Lakah Paul i Laikuat (Paul’s Letter to the Romans) 14:1

Upnak lam pen a zawngkhalte khi komno in zo unna; ama bulpak upnak khi el li pahsuh un.

ROM Khua Khristian Tei Lakah Paul i Laikuat (Paul’s Letter to the Romans) 16:17

U le naute aw, lengkek dunnak a suaktiktu, mi upnak a susiatiktu le na cosan sa uhmi zilhnak a dodaltute khi ngallingta un tin, sosuah ing. Amuhte cu phial pahsuh un.

1 KORIN 10:10

Mi khenkhatte a phuk lih haw bangin ohte cu phu tukma hung hi; mah bangin a phuk haw hangin Thihnak Vancungmi in siatsuah khawng hi.

2 KORIN 12:20

Mahnaven nangmu lak ka hen ten mahti bang um haw le pha tin ka thuduhsammi bangin na hileh uh ma pang ahin tih hi lau em ing a, keimah vang mah tin hileh tin na deih sak uhmi ka hileh ma ahin tihvang cu lauzet bok ing. Nangmu lakah hauhdunnak, iksiknak, thincomnak, mai matan bek ngaihsutnak, zotsaknak le sonsiat dunnak, pualthaunak le buai cecunakte tawk kha kawn ing, tih hi lauzet ing.

GALATI 5:15

Mahnaven hampa lak a ngamsate bang nungca in, pa khat le khat khuatdun le sikdunin, na um uh tale ngalling un, bolal thongleh khawng tuk uh ci.

GALATI 5:26

Pualthau tukmi hi ma hung; pa khat le pa khat thinna tikdun tukmi hi ma hung hi; pa khat le pa khat iksikdun tukmi hei hi ma hung hi.

FILIPI 2:3

Mi nautat nimnak nei in, mai matan bek ngaisungin le mai minphatnak tuk bek zei in imah bawl pahsuh un hi. Pa khat le pa khat niamkhiat dunnak nei unna, midang sangin pha saw deuh ing tin, itik mah hei ten tidun pahsuh un hi.

1 THESALON 5:13

Nangmu ca nadek haw a hih hangin, maizahnak sangbel le itdunnak pia un hi. Nangmu lakah mengdenno in le lemdunno in um un hi.

1 THESALON 5:15

Kuamah in phatngawlnak cu phatngawlnak tuah lulhleh tuk hi ma hi, mahnaven pa khat le pa khat humah hihen, mi hempoh humah hihen, phatnak bawl tum leleng un hi.

HEBRU 12:14

Mi hempoh tuah lem dimdiamno in, um tuk zuam unna, nun thiangtho in, nuntuk tum un hi; itahim titale nunnak thiang nei ngawl cu kuamah in Pathian mu thei haw tukma hi.

JAMES 1:20

Mihing tei thinuknakin Pathian i tumtahmi diknak suaktik thei ma hi.

JAMES 3:14

Mahnaven nangmu lungmu sungah iksiknak, mihuatnak le mai matan ca ngaihsutnak bek a dim tale cip ing tin, ultung pahsuh un, thutak humah sualnak a bawl limi hi saw uh ci.

JAMES 5:9

U le naute, pa khat le pa khat mawhsiatdun pahsuh unna, Pathian in mawhsiat bok tukma hi. Thukhentu heng awndiak toh hangin ngallingin um un hi.

1 PETER 3:11

A pha ngawlmite zamsanin phatnak bawl hen, a lungmu venghawngin lemdaihnak ca in dek hen,

1 PETER 4:9

Phuciak li ngawl saw in, na inn uhah pa khat le pa khat zintung duntik un.

JUDE 1:16

Himi ten phuciak lelengin, catngawl midang sonsia haw hi; a pha ngawlmi a tisa deihnak zui in, amuh le muh khaisangdunin, amu thuno in, ihempoh a bawl theihnak haw tukin midangte pahcawi li haw hi.